2 Timotiya 1:9 - BIBELE Mahungu Lamanene

⁹ Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Testamente Leyimpsha Xichangana

⁹ Xihiponisile ni kuhivitana hi vitaniwo rokwetsima kuva vanhu va xona, kungali hikolaho ka mintirho ya hina, kambe kuli hikolaho ka makungu ya xona ntsena ni hikolaho ka timpsalu leti xihinyikeke tona ka Kriste Yesu na minkama yingasiva kona.

Xitsonga (Bibele)

⁹ lexi hi hanyiseke, kutani xi hi vitanile hi ku vitana loku kwetsimaka, ku nga ri hikwalaho ka mitirho ya hina, kambe hi ku tirhandzela ka xona, ni tintswalo leti hi ti nyikiweke ha Yesu Kriste, mikarhi yi nga si va kona,

2 Timotiya 1:9 Referans Kwoze

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Tito 1:2

byi nga lebyi akiweke ehenhla ka ku tshemba vutomi lebyi nga heriki. Xikwembu lexi nga riki na ku hemba xi hi tshembisile vutomi lebyi minkarhi yi nga si va kona;

Varhoma 9:11

Kutani loko vana lava va nga si velekiwa, ni loko va nga si endla xo saseka kumbe xo biha, Rhaveka ú byeriwile leswaku: “Lowa hosi ú ta tirhela lowa ndzisana.”

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.

Yohane 17:9

Ndza va khongelela; a ndzi khongeleri misava, kambe ndzi khongelela lava u ndzi nyikeke vona, hikuva i va wena.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaheveru 3:1

Loko swi ri tano, vamakwerhu lava hlawulekeke, lava na n'wina mi averiwaka ku vitaniwa ka le tilweni, anakanyani Yesu, murhumiwa wa Xikwembu ni Muprista Lonkulu wa vukhongeri bya hina.

Vaefesa 2:5

Hikokwalaho, hambileswi a hi file hi mhaka ya swivi swa hina, xi hi vuyisile evutomini swin'we na Kriste. I tintswalo ta Xikwembu leti ti mi poniseke.

1 Vatesalonika 4:7

Hikuva Xikwembu a xi hi vitanelanga ku hanya ethyakeni, kambe eku tengeni.

1 Vakorinto 1:18

Dyondzo ya xihambano i vuhunguki eka lava lovaka; kambe eka hina lava ponisiwaka i matimba ya Xikwembu.

Yohane 6:37

Hinkwavo lava Tatana a ndzi nyikaka vona, va ta ta ka mina; ni loyi a taka ka mina, ndzi nga ka ndzi nga n'wi cukumeteli handle.

Nhlavutelo 17:8

Xivandzana lexi u xi voneke, a xi ri kona, kutani a xa ha ri kona, kambe xi ta fanela ku tlhandluka xi huma hi le kheleni lero enta ku ya ni ku ya, xi ya eku loveni. Kutani vaaki va laha misaveni, lava mavito ya vona ma nga tsariwangiki ebukwini ya vutomi khale, misava yi nga si tumbuluka, va ta hlamala ku vona xivandzana, hikuva a xi ri kona, kutani a xa ha ri kona, kambe xi ta fanela ku tlhela xi va kona.

Vaefesa 3:11

Xikwembu xi endlile leswi hi ku landza ku tilulamisela ka xona ka khale, loku xi ku hetisiseke ha Kriste Yesu, Hosi ya hina.

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

1 Timotiya 1:1

Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

Vaefesa 1:9

Xikwembu xi endlile leswi ku nga khale a xi lava ku swi endla ha Kriste: Xi hi tivisile ku rhandza ka xona loku a ku fihlekile,

Varhoma 9:24

Swibya leswi, hi hina lava xi hi vitaneke, hina hi humaka ku nga ri exikarhi ka Vayuda ntsena, kambe ni le xikarhi ka vamatiko.

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.

Matewu 1:21

ú ta veleka n'wana wa mufana, kutani wena u ta n'wi thya vito ra Yesu, hikuva hi yena loyi a nga ta ponisa tiko rakwe eswidyohweni swa rona.”

Timhaka 2:47

va ri karhi va dzunisa Xikwembu, va tsakeriwa hi tiko hinkwaro. Kutani siku rin'wana ni rin'wana Hosi a yi engetela nhlengeletano ya vona hi lava a va ri karhi va ponisiwa.

Timhaka 15:18

Hosi yi vula sweswo, yona yi tirhaka swilo leswi, swi nga swilo leswi tivisiweke khale.’

Varhoma 11:14

leswaku kumbexana ndzi nga endla va rixaka ra ka hina va va ni mavondzo, ndzi ta ponisa van'wana va vona.

Varhoma 11:29

hikuva tinyiko ta Xikwembu ni ku vitana ka xona a swi hundzuki.

Vafilipiya 3:14

kutani ndzi tsutsuma ndzi kongomile swa le mahlweni leswaku ndzi ta kuma hakelo, ku nga ku vitana ka Xikwembu ha Kriste Yesu, loku ha kona xi hi vitanelaka evutomini bya le henhla.

2 Timotiya 1:1

Mina Pawulo, muapostola wa Kriste Yesu hi ku rhandza ka Xikwembu, mina ndzi rhumiweke ku twarisa vutomi lebyi nga kona eka Kriste Yesu, lebyi hi tshembisiweke byona,