2 Timotiya 1:8 - BIBELE Mahungu Lamanene

⁸ Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

Testamente Leyimpsha Xichangana

⁸ Hikolaho, ungavi ni tingana kuveka vumboni hi tlhelo ra Hosi ya hina, hambilesvi mina ninga mubohiwa hikolaho ka yona. Na wena, khensa kuxanisekela Evhangeli, hi kupfuniwa hi matimba ya Xikwembu.

Xitsonga (Bibele)

⁸ Hikwalaho, u nga tshuki u va ni tingana hikwalaho ka vumbhoni bya Hosi ya hina, hambi ku ri hikwalaho ka mina, mubohiwa wa yona; kambe u amukela swin'we na mina ku vaviseka ka Evhangeli, hi matimba ya Xikwembu,

2 Timotiya 1:8 Referans Kwoze

Varhoma 1:16

Mhaka hileswaku a ndzi na tingana hi Evhangeli, hikuva i matimba ya Xikwembu yo ponisa hinkwavo lava pfumelaka, ku sukela eka Vayuda, ku yisa eka vamatiko.

Marka 8:38

Loyi a nga ni tingana hikwalaho ka mina ni marito ya mina erixakeni leri ra lava sandzaka Xikwembu ni ra vadyohi, N'wana-wa-Munhu na yena ú ta khomiwa hi tingana hikwalaho ka munhu loyi siku a nga ta vuya eku kwetsimeni ka Tata wa yena, a ri ni tintsumi leto hlawuleka.”

2 Timotiya 4:5

Kambe loko a ri wena, tiya minkarhi hinkwayo, byarha maxangu, tirha ntirho wa muvuri wa Rito, hetisa tifanelo ta ntirho wa wena.

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

2 Timotiya 2:9

Evhangeli ya kona yi ndzi vangele maxangu, ndzi ko ndzi bohiwa hi tinketani kukota xigevenga, kambe Rito ra Xikwembu rona a ri bohiwanga,

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

Vaefesa 3:1

Hikokwalaho, mina Pawulo ndza mi khongelela n'wina vamatiko, ndzi ri mubohiwa hi mhaka ya ku tirhela Kriste.

Vafilipiya 3:10

Ndzi navela ntsena ku tiva Kriste, ni matimba ya ku pfuka ka yena eku feni, ndzi kota ni ku hlangana na yena eku vavisekeni ka yena, ndzi endliwa la kotisaka yena eku feni,

Luka 9:26

La khomiwaka hi tingana hikwalaho ka mina ni marito ya mina, N'wana-wa-Munhu na yena ú ta khomiwa hi tingana hikwalaho ka munhu loyi, siku a vuyaka eku kwetsimeni ka yena, a ri na Tata wa yena ni tintsumi leto hlawuleka.

2 Timotiya 1:16

Ingi Hosi yi nga tsetselela ndyangu wa ka Onesiforo, hikuva ú ndzi rhulisile mbilu ko tala; naswona, ku bohiwa ka mina hi tinketani a ku n'wi khomisanga tingana.

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Yuda 1:24

Eka yena loyi a nga ni matimba ya ku mi hlayisa leswaku mi nga khuguriwi mi wa, eka yena la kwetsimaka, la kotaka ku mi yimisa emahlweni ka yena mi nga ri na xivati, mi tsakile,

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

2 Timotiya 2:3

Na wena, amukela ku xaniseka ku fana ni nhenha leyinene ya Kriste Yesu.

1 Vatesalonika 3:4

Hikuva loko ha ha ri le ka n'wina, hi mi tivisile swi nga si humelela leswaku hi ta vona maxangu. Kutani swi fambise sweswo, hilaha mi tivaka hakona.

Vafilipiya 1:7

Hikokwalaho, ndzi kuma swi ndzi lulamele ku titwa hi ndlela leyi ehenhla ka n'wina hinkwenu, hikuva mi le mbilwini ya mina, sweswi ndzi nga ekhotsweni ku fana ni loko a ndza ha ntshunxekile ku lwela ni ku tiyisa Evhangeli, kutani n'wina hinkwenu mi averiwile nkateko wun'we na mina.

Vaefesa 3:13

Hikokwalaho ndza kombela ndzi ri: Mi nga heli timbilu loko mi vona leswaku ndzi xaniseka hikwalaho ka n'wina; hinkwaswo leswi swi pfuna n'wina.

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

2 Timotiya 4:17

Kambe Hosi yi yimile na mina yi ndzi tiyisa, leswaku ndzi kota ku vula Rito ndzi heta, ni leswaku vamatiko hinkwavo va ta kota ku ri twa. Naswona ndzi vutliwile enon'weni wa nghala;

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Varhoma 9:33

hilaha ku tsariweke hakona va ku: “Vona, ndzi veka eSiyoni ribye leri wisaka vanhu, ni ntambha leri ri va khunguvanyisaka; kambe loyi a pfumelaka eka yena la nga ribye leri, a nga ka a nga khomiwi hi tingana.”

Timhaka 5:41

Loko va ri vona, va huma ehubyeni va tsakile, hikuva a va kumiwile va ri lava fanelaka ku soriwa hikwalaho ka vito ra Yesu.

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

Nhlavutelo 1:2

Hi ku rungula hinkwaswo leswi a swi voneke, Yohane ú veka vumbhoni ehenhla ka Rito leri humaka eka Xikwembu, ni le henhla ka ntiyiso wa leswi vuriwaka hi Yesu Kriste.

1 Vakorinto 1:6

hikuva vumbhoni bya hina eka Kriste byi tiyisiwile exikarhi ka n'wina;

Yohane 19:35

Loyi a swi voneke, ú vula vumbhoni leswaku na n'wina mi ta kota ku pfumela. Vumbhoni bya yena byi tiyile, kutani wa swi tiva leswaku ú vula ntiyiso.

Pisalema 119:46

Switsundzuxo swa wena, ndzi ta swi vula emahlweni ka tihosi ndzi nga ri na tingana.

Vakolosa 1:24

Sweswi ke, ndzi tsaka hileswi ndzi xanisiwaka hikwalaho ka n'wina; kutani, hi ku xaniseka ka mina emirini, ndzi hetisa leswi kayiveleke emaxangwini ya Kriste, hikwalaho ka miri wa yena, yi nga Kereke.

Vaefesa 4:17

Hikokwalaho, ndzi vula leswi ni ku swi tiyisa hi vito ra Hosi, ndzi ri: Mi nga ha hanyi ku fana ni leswi vamatiko va hanyisaka xiswona, hi miehleketo ya vona leyi nga pfuniki nchumu.

2 Vakorinto 6:7

hi ku twarisa ntiyiso, hi ri ni matimba ya Xikwembu. Matlhari ya hina i ku lulama, hi ma tamela hi voko ra xinene ni lera ximatsi.

Varhoma 8:36

Swa ha fana ni leswi tsariweke va ku: “Siku hinkwaro ha dlawa hikwalaho ka wena, hi fanisiwa ni tinyimpfu leti yaka eku tlhaviweni.”

Yohane 15:27

na n'wina mi timbhoni ta mina, hikuva mi ve na mina ku sukela eku sunguleni.

Esaya 51:7

“Rhiyani ndleve mi ndzi yingisa n'wina mi tivaka leswi lulameke, n'wina mi hlayisaka Nawu wa mina. Mi nga tshuki mi chava lava va mi sandzaka, mi nga heli matimba loko va mi rhuketela,

Pisalema 19:7

Nawu wa HOSI wu hetisekile, wu hanyisa moya; switsundzuxo swa yona swi tiyile, swi tlharihisa vo kala mano.

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Vakolosa 1:11

Mawaku loko mi nga tiyisiwa swinene hi matimba, hi ku ya hi ntamu wa xona wo twakala, mi kota ku tiyisela swinene, ni ku leha mbilu mi tsakile.

Esaya 8:20

Leswi vanhu vo tano va swi vulavulaka, swi nge tlhaveli hi sana. N'wina tiyiselani eka leswi mi dyondzisiweke swona, leswi nga ni vumbhoni!

2 Timotiya 1:10

Kutani sweswi tintswalo leti ta tikomba erivaleni, hi ku ta ka muponisi wa hina Kriste Yesu, yena loyi a heriseke rifu, a humesela erivaleni vutomi lebyi nga onhakiki, hi matimba ya Evhangeli.

2 Timotiya 2:8

Tsundzuka Yesu Kriste, wa rixaka ra Davhida, loyi a pfuxiweke eku feni, hilaha Evhangeli leyi ndzi yi twarisaka yi vulaka hakona.