2 TIKRONIKA 1:4 - BIBELE Mahungu Lamanene

⁴ Areka ya Ntwanano a yi nga ri kona, hikuva Davhida a a yi lulamiserile ndhawu eYerusalema, a yi dzimela ntsonga, kutani a ya yi teka emutini wa Kiriyata-Yeyarimi, a vuya na yona Yerusalema.

Xitsonga (Bibele)

⁴ Kambe Davhida a a tekile areka ya Xikwembu eKiriyata-Yeyarimi, ku yi yisa endhawini leyi a yi lunghiseleke, hikuva a a yi yimisele ntsonga eYerusalema.

2 TIKRONIKA 1:4 Referans Kwoze

2 SAMIELE 6:17

Va fika ni Areka ya HOSI, va yi tikirheta endhawini ya yona, entsongeni lowu Davhida a a wu dzimele ku yi veka kona, kutani Davhida a humesela HOSI Xikwembu magandzelo lama hisiwaka ni ya xinakulobye.

2 SAMIELE 6:2

Kutani a suka a famba ni vavanuna lava hinkwavo ku ya teka Areka ya Xikwembu emutini wa Baale-Yuda, va vuya na yona. Hi yona Areka leyi thyiweke vito ra HOSI ya matimba hinkwawo, Xikwembu lexi tshamaka xiluvelweni ehenhla ka tikerubu.

1 TIKRONIKA 16:1

Va fika ni Areka ya Xikwembu, va yi tikirheta entsongeni lowu Davhida a a wu dzimele ku yi veka kona, kutani va humesela Xikwembu emagandzelo lama hisiwaka ni ya xinakulobye.

1 TIKRONIKA 15:1

Davhida a tiakela tindlu emutini lowu thyiweke vito ra yena, a lulamisa ni ndhawu ya ku veka eka yona Areka ya Xikwembu, a yi dzimela ni ntsonga.

Yoxuwa 9:17

Kutani Vaisraele va suka va famba, va fika emitini ya vanhu lava hi siku ra vunharhu. Miti ya vona a ku ri Gibiyoni, na Kefira, na Berota, na Kiriyata-Yeyarimi.

2 TIKRONIKA 5:2

Kutani Solomoni a rhamba vakulukumba hinkwavo va Israele eYerusalema, va nga vafambisi hinkwavo va tinyimba ta Vaisraele, ni varhangeri va mindyangu ya vona; makungu ya yena a ku ri ku ya teka Areka ya Ntwanano wa HOSI Xikwembu emutini wa Davhida lowu vuriwaka Siyoni.

2 TIKRONIKA 6:2

Hikokwalaho mina ndzi ku akerile yindlu leyo chaviseka, leyi u nga ta tshama eka yona hilaha ku nga heriki.”

1 TIKRONIKA 15:3

Kutani Davhida a hlengeleta Vaisraele hinkwavo eYerusalema leswaku va heleketa Areka ya HOSI endhawini leyi yi nga lunghiseriwa yona.

1 TIKRONIKA 15:12

Kutani a ku ka vona: “Hi n'wina tinhloko ta miti ya va ka Levhi: Tibasiseni n'wina ni varikwenu, leswaku mi ta kota ku tisa Areka ya HOSI Xikwembu xa Israele endhawini ya yona leyi ndzi yi lungiseke.