2 TIKRONIKA 1:14 - BIBELE Mahungu Lamanene

¹⁴ Solomoni a hlengeleta makalichi ya nyimpi ni vagadi va tihanci. Makalichi ya yena a ma ringana 1 400. Vagadi va tihanci vona a va ringana 12 000, kutani va vekiwa emitini ya makalichi, ni le ntsindza eYerusalema.

Xitsonga (Bibele)

¹⁴ Solomoni a hlengeleta tigolonyi ni vakhandziyi va tihanci, kutani a va ni tigolonyi ta 1 400, ni vakhandziyi va tihanci va 12 000; a va veka emitini ya tigolonyi ni kusuhi ni hosi eYerusalema.

2 TIKRONIKA 1:14 Referans Kwoze

1 TIHOSI 4:26

Naswona, Solomoni a a ri ni swivala swa 40 000 swa tihanci ta makalichi, ni vagadi va 12 000 va tihanci ta nyimpi.

2 TIKRONIKA 9:25

Solomoni a a ri ni swivala swa 4 000 swa tihanci ni makalichi ya nyimpi; vagadi va tihanci ta yena a va ri 12 000, va tshama emitini ya makalichi, ni le ntsindza eYerusalema.

1 TIHOSI 9:19

A engeta a aka miti hinkwayo leyi tinhundzu ta yena ni makalichi ya yena a swi hlayisiwa eka yona, ni miti leyi vagadi va yena va tihanci a va tshama eka yona, ni hinkwaswo leswi a naveleke ku swi aka eYerusalema, ni le Lebanoni, ni le tindhawini hinkwato leti fumiwaka hi yena.

1 TIHOSI 10:16

Hosi Solomoni a pfanganyisa nsuku ni tinsimbhi tin'wana, a vumba ha swona switlhangu leswikulu swa 200, xin'wana ni xin'wana xi teka nsuku wo tika ku tlula 7 kg.

Duteronoma 17:16

Ntsena munhu loyi a nga ta vekiwa ku va hosi, a nga tshuki a tiengetelela tihanci ta nyimpi, kumbe ku tlherisela vanhu va Israele etikweni ra Egipta, a xava tihanci ha vona, hikuva HOSI Xikwembu xi mi byerile xi ku: ‘Mi nga tshuki mi tlhelela etikweni leriya, ni siku ni rin'we!’

1 TIHOSI 5:6

Kutani ke, lerisa vanhu leswaku va ndzi tsemela timhandze ta kedari ta le Lebanoni; malandza ya mina ma ta tirhisana ni malandza ya wena, kutani ndzi ta ku tamerisa muholo wa malandza ya wena, hi ku ya hi ntsengo lowu u nga ta wu veka, hikuva wa swi tiva leswaku, laha ka hina, vavanuna lava tivaka ku tsema timhandze kukotisa Vasidoni a va kona.”

2 TIKRONIKA 8:6

Solomoni a pfuxa ni muti wa Baalata, a engeta a aka ni miti hinkwayo leyi tinhundzu ta yena ni makalichi ya yena ya nyimpi a swi hlayisiwa eka yona, ni miti leyi vagadi va tihanci a va tshama eka yona. Solomoni ú akile hinkwaswo leswi a swi rhandzeke, eYerusalema, ni le Lebanoni, ni le tindhawini hinkwato leti fumiwaka hi yena.