2 TIHOSI 1:11 - BIBELE Mahungu Lamanene

¹¹ Hosi Ahaziya a engeta a rhuma ndhuna yin'wana ni tinhenha ta yona ta 50. Ndhuna yi hlamulana na Eliya, yi ku ka yena: “Wena munhu wa Xikwembu, hosi Ahaziya ú lerisa sweswo ú ri: ‘Rhelela hi ku hatlisa!’ ”

Xitsonga (Bibele)

¹¹ Ahaziya a engeta a rhuma eka yena ndhuna yin'wana ya ntlhanu wa makume, yi ri ni vanhu va yona va ntlhanu wa makume; yi vulavula, yi ku eka Eliya: “Munhu wa Xikwembu, hosi yi ri: ‘Hatlisa u xika!’ ”

2 TIHOSI 1:11 Referans Kwoze

Matewu 2:16

Loko Heroda a vona leswaku ú kanganyisiwile hi tintlhari, a kariha ngopfu, kutani a rhuma vanhu va ya dlaya vana hinkwavo va vafana va le Betlehema ni le tikweni ra kona hinkwaro, va malembe mambirhi ni lava tlhandlamaka, a ringanisa nkarhi lowu a nga vutisisa tintlhari ha wona.

Yeremiya 5:3

We HOSI, u tsakela ku vona munhu la nga ni ntiyiso. Vanhu lava u va bile, kambe a va twanga ku vava. U lavile ku va herisa, kambe va arile ku tshinyiwa. Va tiomisile tinhloko, va nga pfumeli ku hundzuka.

Esaya 32:7

Miehleketo ya mukanganyisi yi bihile, ú endla makungu layo homboloka, leswaku a ta onha timhaka ta swisiwana hi mavunwa, a swi kaneta hambiloko swi nga ri na nandzu.

Esaya 26:11

U tlakusile voko ra wena, we HOSI, kambe a va ri voni. Va kombe leswaku u hisekela vanhu va wena, va ta khoma hi tingana, va herise hi ndzilo lowu a wu wu lunghisele valala va wena!

Swivuriso 29:12

Mufumi loyi a yingiselaka mavunwa, vatsundzuxi va yena hinkwavo va ta hundzuka vahembi.

1 SAMIELE 6:9

N'wina mo yi languta ntsena: Loko yi khoma ndlela leyi kongomaka ekaya ka yona, ni loko yi tlhandlukela eBeta-Xemexe, khombo lerikulu leri ri nga hi wela, ri ta va ri vangiwile hi HOSI Xikwembu. Kambe loko swi nga ri tano, hi ta tiva leswaku a hi nkhavi wa xona lowu wu hi beke, i khombo leri nga lo tshuka ri humelela.”

Tinhlayo 16:41

Kambe siku leri tlhandlamaka, ntshungu hinkwawo wa Vaisraele wu dzumadzumela Muxe na Aroni, wu ku ka vona: “Hi n'wina mi dlayiseke vanhu va HOSI Xikwembu.”

2 TIHOSI 1:10

Kambe Eliya a hlamula ndhuna ya tinhenha ta 50, a ku: “Loko hakunene ndzi ri munhu wa Xikwembu, ndzilo a wu xike hi le tilweni, wu ku herisa, wena ni tinhenha ta wena ta 50.” Kavaloko ndzilo wu xika hi le tilweni, wu herisa ndhuna ni tinhenha ta yona.

2 TIHOSI 1:12

Kambe Eliya a va hlamula, a ku: “Loko hakunene ndzi ri munhu wa Xikwembu, ndzilo a wu xike hi le tilweni, wu ku herisa, wena ni tinhenha ta wena ta 50.” Kavaloko ndzilo wa Xikwembu wu xika hi le tilweni, wu herisa ndhuna ni tinhenha ta yona.