2 SAMIELE 1:2 - BIBELE Mahungu Lamanene

² Hi siku leri tlhandlamaka, ku ta fika munhu loyi a a huma eka Sawulo emixaxeni ya nyimpi; a a handzulerile swiambalo swa yena, a ticherile misava enhlokweni. Loko a fika, a kongoma Davhida, a tiwisela ehansi, a n'wi nkhinsamela.

Xitsonga (Bibele)

² Siku ra vunharhu, ku fika munhu la humaka enyimpini, eka Sawulo, tinguvu ta yena ti handzuriwile, a a ri ni ntshuri enhlokweni; a ta eka Davhida, kutani a wela ehansi, a khinsama.

2 SAMIELE 1:2 Referans Kwoze

1 SAMIELE 4:12

Wanuna wa nyimba ya va ka Benjamini a ta hi ku tsutsuma a huma enyimpini, a ta fika emutini wa Xilo siku rero. A a handzulerile swiambalo swa yena, a ticherile ni misava enhlokweni.

2 SAMIELE 4:10

Murhumiwa loyi a nga ta eSikilaga, a ta ndzi vikela ta ku lova ka Sawulo, a a ehleketa leswaku mahungu ya yena i manene. Kambe mina ndzi n'wi khomile, ndzi n'wi dlaya kwale Sikilaga. Hi yona hakelo leyi a yi kumeke, ya ‘mahungu lamanene’ ya yena!

1 SAMIELE 25:23

Loko Abigayele a vona Davhida, a hatla a xika embhongolweni, a wa hi mombo emahlweni ka Davhida, a korhamela ehansi

Yoxuwa 7:6

Kutani Yoxuwa ni vakulukumba va Israele va handzulela swiambalo swa vona, va ticheletela ritshuri etinhlokweni, va wela hansi hi mimombo emahlweni ka Areka ya HOSI Xikwembu, va etlela kona dyambu ri kondza ri pela.

Nhlavutelo 3:9

Vona, loko va ri va ntlawa wa ka Sathana, vahembi lava tivulaka Vayuda kasi a hi vona, ndzi ta endla leswaku va ta, va ta nkhinsama emahlweni ka wena va ku gandzela; va ta tiva leswaku ndzi ku rhandzile.

Matewu 16:21

Ku sukela nkarhini wolowo Yesu a sungula ku tivisa vadyondzisiwa va yena leswaku ú fanele ku ya eYerusalema, a twisiwa ku vaviseka lokukulu hi vakulukumba ni vaprista lavakulu ni vatsari, a dlawa, a tlhela a pfuka eku feni hi siku ra vunharhu.

Matewu 12:40

Hikuva hilaha Yonasi a heteke hakona masiku manharhu ni vusiku bya kona ekhwirini ra nhlampfi leyikulu, N'wana-wa-Munhu na yena ú ta heta masiku manharhu ni vusiku bya kona emarhumbyini ya misava.

Yuwele 2:13

Handzulani timbilu ta n'wina, ku nga ri swiambalo. Tlhelelani eka HOSI Xikwembu xa n'wina, hikuva xa tsetselela, xi twela vusiwana, xi hlwela ku kariha, xi tele tintswalo, xa tlhela emakungwini ya xona ya ku twisa vanhu ku vava.

Hosiya 6:2

Xi ta hi horisa hi masiku ma nga ri mangani, xi ta hi pfuxa emasangwini, kutani hi ta hanya emahlweni ka xona.

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Estere 5:1

Loko ku hundzile masiku manharhu, Estere a ambala swa yena swa vunkosikazi, a ya a ya yima endzeni ka muti wa hosi exivaveni lexi langutaneke ni yindlu ya xiluvelo. Hosi a yi ri endlwini yoleyo, yi tshamile exiluvelweni yi languta enyangweni.

Estere 4:16

“Yana u ya hlengeleta Vayuda hinkwavo lava nga Xuxani, kutani mi titsona swakudya masiku manharhu mi ndzi khongelela, mi nga dyi nchumu mi nga nwi nchumu vusiku ni nhlekanhi. Mina ni malandza ya mina ya xisati, na hina hi ta titsona swakudya. Endzhaku ka sweswo ndzi ta ya eka hosi, hambileswi nawu wu alaka. Loko swi vula ku fa, ndzi ta fa.”

2 SAMIELE 15:32

Loko Davhida a fika enhlohlorhini ya ntshava, laha ku nga ni gandzelo ra Xikwembu kona, a kotlana na Huxayi wa Muariki, loyi a a ta ku ta n'wi hlanganisa; Huxayi a a ambele nguvu leyi handzuleriweke, a tichele ni misava enhlokweni.

2 SAMIELE 14:4

Kutani wansati lowa le Tekowa a ya vulavula na hosi, a fika a korhama mombo wa yena wu ko wu khumba misava, a nkhinsamela hosi, a ku ka yona: “Ndzi pfune, we hosi!”

1 SAMIELE 20:41

Loko mufana a fambile, Davhida a huma endzhaku ka nhulu ya maribye, a nkhinsama, a korhama kanharhu mombo wu ko wu khumba hansi, kutani a vukarhana na Yonatani, va rila hi vumbirhi bya vona, Davhida a kondza a nga ha tikoti hi ku rila.

1 SAMIELE 4:16

Kutani wanuna yoloyi a ku ka Heli: “Mina a ndzi ri enyimpini, ndza ha ku baleka kona sweswi.” Heli a ku: “Xana ku humelele yini n'wananga?”

Genesa 43:28

Vona va hlamula va ku: “Tatana, yena nandza wa wena, wa ha pfukile, wa ha hanya ni sweswi.” Kutani va korhamela hansi, va n'wi nkhinsamela.

Genesa 37:34

Hiloko Yakobo a handzulela swiambalo swa yena, kutani a ambala leswo khwaxa, a rila n'wana wa yena masiku layo tala.

Genesa 37:29

Kuteloko Rhuveni a ya ekheleni, o kuma leswaku Yosefa a nga kona, kutani a handzulela swiambalo swa yena,

Genesa 22:4

Hi siku ra vunharhu, Abrahama ú te a tlukusa mahlo, o vona ndhawu ya kona ya ha ri kulenyana.

2 SAMIELE 1:3

Davhida a n'wi vutisa a ku: “U ta u huma kwihi xana?” Yena a hlamula a ku: “Ndzi ta hi ku tsutsuma, ndzi huma emixaxeni ya Vaisraele.”

Ezekiele 27:30

va tlhava mukhosi, va ku rila hi xiviti lexikulu, va tichela ritshuri etinhlokweni, va vumbuluka enkumeni;

2 SAMIELE 13:19

Kutani Tamari a tichela nkuma enhlokweni, a handzulela xiambalo lexo leha lexi a a xi ambarile, a tlhandleka mavoko enhlokweni, a muka a ri karhi a rila swinene.

2 SAMIELE 24:20

Loko Arawuna a languta enkoveni, a vona hosi Davhida ni malandza ya yena va ri karhi va tlhandlukela eka yena; hiloko a suka exivuyeni, a ya nkhinsamela hosi Davhida, mombo wa yena wu ko wu khumba ehansi.