2 SAMIELE 1:10 - BIBELE Mahungu Lamanene

¹⁰ Kavaloko ndzi tshinela kusuhi na yena, ndzi n'wi dlaya, hikuva a ndzi swi vona leswaku a nga ka a nga hanyi loko a hluriwile. Kutani ndzi teka harhi ya vuhosi leyi a yi ri enhlokweni ya yena, ni sindza leri a ri ri evokweni ra yena, ndzi ta na swona laha ka wena, we n'wini wanga.”

Xitsonga (Bibele)

¹⁰ Kavaloko ndzi n'wi tshinelela, ndzi n'wi dlaya, hikuva a ndzi tiva leswaku a nga ka a nga hanyi leswi a weke; kutani ndzi tekile harhi leyi ngi yi ri enhlokweni ya yena, ni sindza ra le vokweni, ndzi swi tisile halenu eka hosi yanga.”

2 SAMIELE 1:10 Referans Kwoze

Matewu 7:2

hikuva mi ta avanyisiwa hi ku avanyisa loku mi avanyisaka van'wana ha kona; ni mpimo lowu mi pimelaka van'wana ha wona, mi ta pimeriwa ha wona na n'wina.

Vaavanyisi 9:54

Kutani Abimeleke a vitana jaha leri a ri n'wi rhwalela matlhari, a ku ka rona: “Humesa banga ra wena, u ndzi dlaya, hikuva a ndzi lavi leswaku vanhu va ku, ndzi dlele hi wansati!” Kutani jaha ra kona ri n'wi tlhava, a fa.

2 TIHOSI 11:12

Yoyada a humesa Yowasi n'wana wa hosi, a n'wi tlhandleka harhi ya vuhosi enhlokweni, a n'wi nyika ni mfungho wa vuhosi, kutani va n'wi veka hosi hi ku n'wi chela mafurha enhlokweni; va phokotela mavoko, va huwelela va ku: “Hosi! Hanya hilaha ku nga heriki!”

Swirilo 5:16

Yóò! Hi le khombyeni, hikuva hi dyohile, kutani harhi ya ntsako yi sukile etinhlokweni ta hina.

2 SAMIELE 12:30

Davhida a teka ni harhi ya nsuku enhlokweni ya Milikomo, xikwembu xa Vaamoni xo vatliwa; harhi leyi a yi tika ku tlulanyana 40 kg; a yi ri ni ribye ra nkoka, leri Davhida a ri tekeke, a ri vekela eharhini ya yena. Davhida a phangha ni swilo swo tala emutini wa kona, a ya na swona ekaya.

1 SAMIELE 22:18

Hiloko hosi Sawulo a lerisa Dowege, a ku: “Yana wena, u ya juma vaprista u va dlaya!” Kutani Dowege lowa Muedomu a ya juma vaprista; hi siku rero a dlaya vaprista vo ringana 85, lava a va ambarile nceka wa ntsembyani lowu vuriwaka “efodi”.

Vaavanyisi 1:7

Kutani Adoni-Bezeki a ku: “Tihosi ta 70 leti ndzi ti tsemeke makhudzu ya milenge ni ya mavoko, a ti hamba ti rholela mahlanhla laha ndzi dyaka kona; kutani, leswi ndzi swi endleke eka tona, Xikwembu xi swi tlheriserile eka mina.” Kutani va famba na yena eYerusalema, a ya fela kona.

2 SAMIELE 1:9

Sawulo a ku ka mina: ‘Tshinela kusuhi, u ndzi dlaya, hikuva ndzi khomiwile hi gome lerikulu, hambileswi ndza ha hefemulaka!’

2 SAMIELE 1:16

Davhida a ri karhi a byela Muamaleke, a ku: “Rifu leri, u lo tivangela hi wexe, hikuva u lo timangalela, loko u vula leswaku hi wena la dlayeke muhlawuriwa wa HOSI Xikwembu.”