2 Petro 1:3 - BIBELE Mahungu Lamanene

³ Hi matimba ya yena ya vukwembu, Kriste ú hi nyikile swilo hinkwaswo leswi swi hi pfunaka ku hanya vutomi bya vukhongeri, hi mhaka ya ku tiva loyi a hi vitaneleke eku kwetsimeni ka yena ne ku sasekeni ka yena ka xiviri.

Testamente Leyimpsha Xichangana

³ Hi matimba ya vukwembu bza yena, Kriste ahinyikile svilo hinkwasvu lesvi svihipfunaka kuhanya vutomi bza vukhongeli, hi mhaka ya kutiva lweyi ahivitaneleke kukwetsimeni ka yena ni le kudzunekeni ka ntiyiso.

Xitsonga (Bibele)

³ Hi matimba ya vukwembu bya yena u hi nyikile swilo hinkwaswo, leswi nga swa vutomi ni swa vukhongeri hi ku tiva la hi vitaneke hi ku kwetsima ni matimba ya yena;

2 Petro 1:3 Referans Kwoze

1 Petro 5:10

Kutani endzhaku ka loko mi twisiwile ku vava nkarhinyana, Xikwembu xa tintswalo hinkwato lexi xi mi vitaneke ku nghena eku kwetsimeni ka xona loku nga heriki, eka Kriste, xona hi xiviri xa xona xi ta mi pfuxa, xi mi aka ni ku mi tiyisa, mi nga tsekatseki.

2 Timotiya 1:9

Xi hi ponisile ni ku hi vitana ku va vanhu va xona, ku nga ri hikwalaho ka mintirho ya hina, kambe ku ri hikwalaho ka makungu ya xona ntsena ni hikwalaho ka tintswalo leti xi hi nyikeke tona eka Kriste Yesu minkarhi yi nga si va kona.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Varhoma 8:32

Xona hakunene, lexi nga tsetselelangiki N'wana wa xona wa xiviri kambe xi n'wi nyiketile hikwalaho ka hina hinkwerhu, xana xi nga tsandzekisa ku yini ku hi nyika swilo hinkwaswo mahala xana, kasi xi hi nyikile ni N'wana wa xona?

2 Vakorinto 12:9

Kambe Hosi yi te ka mina: “Tintswalo ta mina eka wena ti ringene; hikuva matimba ya mina ma hetiseka laha ku nga ni ku tsana kona.” Hikokwalaho ndzi ta tsaka ngopfu ku tidzunisa hi ta ku tsana ka mina, leswaku matimba ya Kriste ma ta aka eka mina.

1 Petro 2:21

Mi vitaneriwe swona, hikuva Kriste na yena ú twile ku vaviseka hikwalaho ka n'wina, a mi boxela ntila leswaku mi ta n'wi landzelela.

2 Vatesalonika 2:14

Xikwembu xi mi vitanele swona hi Evhangeli leyi hi mi tiviseke yona, leswaku mi averiwa ku kwetsima ka Hosi ya hina Yesu Kriste.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

1 Vatesalonika 2:12

hi mi khongoterile, hi mi tiyisile ni ku mi susumeta leswaku mi hanya hi mukhuva lowu tsakisaka Xikwembu, lexi xi mi vitanelaka ku averiwa ku fuma ka xona ni ku twala ka xona.

1 Vatesalonika 4:7

Hikuva Xikwembu a xi hi vitanelanga ku hanya ethyakeni, kambe eku tengeni.

1 Petro 1:15

Kambe, leswi loyi a nga mi vitana a hlawulekeke, hlawulekani na n'wina emahanyelweni hinkwawo ya n'wina.

Vaefesa 4:1

Hikwalaho ke, mina ndzi nga mubohiwa hi mhaka ya ku tirhela Hosi, ndza mi khongotela ku hanya hi ndlela leyi fambelanaka ni ku vitaniwa ka n'wina.

1 Vakorinto 1:9

Xikwembu xa tshembeka, xona lexi xi mi vitaneleke ku va ni xinakulobye ni N'wana wa xona Yesu Kriste Hosi ya hina.

2 Petro 1:2

Tintswalo ni ku rhula a swi ve na n'wina swi mi talela, eku tiveni ka Xikwembu ni ka Yesu Hosi ya hina.

2 Petro 1:5

Hikwalaho ka swona sweswo, endlani hi matimba hinkwawo ku seketela ku pfumela ka n'wina hi vunene, vunene byona mi byi seketela hi vutivi,

1 Petro 3:9

Mi nga tlheriseli ku biha hi ku biha, kumbe ndzhukano hi ndzhukano, kambe ematshan'wini ya sweswo, katekisani, hikuva hi leswi mi nga vitaneriwa ku endla swona, leswaku mi ta kuma nkateko na n'wina.

Vakolosa 1:16

Ha yena, Xikwembu xi tumbuluxile swilo hinkwaswo, ematilweni ni la misaveni, swilo leswi vonekaka ni leswi nga vonekiki, kukota swiluvelo kumbe leswi nga ni vuhosi, ni leswi nga ni vundhuna kumbe ku fuma. Hinkwaswo swi tumbuluxiwile ha yena, naswona swi tumbuluxeriwe yena.

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Vaefesa 4:4

Ku ni miri wun'we, ni Moya wun'we, tanihi leswi ku nga ni ku tshemba kun'we loku Xikwembu xi nga mi nyika kona, siku xi mi vitaneke;

Vafilipiya 4:8

Eku heteleleni vamakwerhu, hinkwaswo leswi nga ntiyiso, hinkwaswo leswi chavisekaka, hinkwaswo leswi lulameke, hinkwaswo leswi tengeke, hinkwaswo leswi tsakisaka, hinkwaswo leswi nkhensekaka, ni loko ku ri ni swin'wana leswi nga ni vunene kumbe ku dzuneka, swilo leswi hinkwaswo, tshamani mi ri karhi mi swi anakanya.

Matewu 28:18

Kutani Yesu a va tshinelela, a vulavula na vona, a ku: “Ndzi nyikiwile vuhosi hinkwabyo etilweni ni la misaveni;

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Varhoma 9:24

Swibya leswi, hi hina lava xi hi vitaneke, hina hi humaka ku nga ri exikarhi ka Vayuda ntsena, kambe ni le xikarhi ka vamatiko.

Swivuriso 12:4

Wansati wa migingiriko i harhi ya vuhosi enhlokweni ya nuna wa yena, kasi wansati loyi a khomisaka nuna wa yena tingana, ú fana ni vuvabyi lebyi borisaka marhambu.

Rhuti 3:11

Sweswi n'wananga, rhula mbilu, ndzi ta ku endlela hinkwaswo leswi u swi kombelaka, hikuva u wansati wo xiximeka, hilaha vaaki hinkwavo va muti wa ka hina va swi tivaka hakona.

Swivuriso 31:29

“Vavasati lava gingirikaka, va tele, kambe na un'we, a nga fiki eka wena.”

Swivuriso 31:10

Wansati wa migingiriko, a swi olovi ku n'wi kuma, swilo swo bomba ha swona, ú swi tlula kule.

Vafilipiya 3:8

Ku nga ri swona ntsena: Ndzi tekile hinkwaswo swi ri leswi nga ha pfuniki nchumu, loko swi ringanisiwa ni risima leri tlulaka hinkwaswo ra ku tiva Kriste Yesu Hosi ya mina. Hikwalaho ka yena, ndzi fularhele hinkwaswo ndzi swi vona swi ri thyaka ntsena, leswaku ndzi ta kuma Kriste,

2 Petro 1:6

mi seketela vutivi hi ku tikhoma, ni ku tikhoma hi ku tiyisela, ni ku tiyisela hi vukhongeri,

2 Petro 1:8

Hikuva loko mi ri ni swilo leswi, ni loko swi mi talela swi andza, swi ta endla leswaku mi nga phyami kumbe ku pfumala mihandzu, kutani swi ta mi fikisa eku tiveni loku hetisekeke ka Hosi ya hina Yesu Kriste.

2 Petro 1:10

Hikokwalaho, vamakwerhu, hisekelani ngopfu-ngopfu ku tiyisa ku vitaniwa ni ku hlawuriwa ka n'wina, hikuva loko mi endla sweswo a mi nga khuguki mi wa ni siku ni rin'we.

2 Petro 2:20

Hikuva, loko vanhu va pona thyaka ra misava hi ku tiva Hosi ya hina ni Muponisi Yesu Kriste, kutani va tlhela va phasiwa ni ku hluriwa hi swona, xiyimo xa vona xo hetelela xi bihile ku tlula lexo sungula.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!