1 Yohane 5:14 - BIBELE Mahungu Lamanene

¹⁴ Kutani ku tshemba loku hi nga na kona emahlweni ka Xikwembu, hileswaku loko hi kombela xilo xihi na xihi hilaha xi rhandzaka hakona, xa hi twa.

Testamente Leyimpsha Xichangana

¹⁴ Loku hi kona kutshemba loku hinga nakona ka yena, hi lesvaku loko hikombela xokarhi mayelanu ni kurhandza ka yena, yena wahiyingisa.

Xitsonga (Bibele)

¹⁴ Kutani ku tshemba loku tiyeke loku hi nga na kona ka xona, hileswaku, loko hi kombela lexi rhandziwaka hi xona, xa hi yingisa.

1 Yohane 5:14 Referans Kwoze

Yohane 14:13

Xin'wana ni xin'wana lexi mi xi kombelaka hi vito ra mina, ndzi ta xi endla, leswaku Tatana a dzunisiwa eka N'wana.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Yohane 15:7

Loko mi tshama eka mina, ni loko marito ya mina ma tshama eka n'wina, kombelani xin'wana ni xin'wana lexi mi xi rhandzaka, kutani mi ta endleriwa xona.

Matewu 21:22

naswona hinkwaswo leswi mi swi kombelaka hi ku khongela, loko mi pfumela, mi ta nyikiwa swona.”

Pisalema 34:17

Loko lavo lulama va kombela ku pfuniwa, HOSI Xikwembu xa va twa, xi va kutsula emaxangwini ya vona hinkwawo.

Yakobo 4:3

Naswona loko mi kombela, ma hoxa, hikuva mi tilavela ntsena swo titsakisa ha swona.

Yohane 9:31

Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Vaefesa 3:12

Hi ku hlangana na yena, ni ku pfumela eka yena, hi ntshunxekile ku ta emahlweni ka Xikwembu hi nga ri na ku kanakana.

Yohane 16:24

Ku fikela sweswi, a mi si kombela nchumu hi vito ra mina; kombelani, mi ta nyikiwa, leswaku ku tsaka ka n'wina ku va loku hetisekeke.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

Swivuriso 15:29

HOSI Xikwembu a xi tshineli kusuhi ni lavo homboloka, kambe swikhongelo swa lavo lulama, xa swi hlamula.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Pisalema 69:33

hikuva HOSI Xikwembu xi pfuna lava nga khombyeni, a xi rivali vanhu va xona lava bohiweke.

Pisalema 31:22

Eku chaveni ka mina a ndzi ku: Ndzi yisiwile kule na wena, a wu nga ha ndzi voni! Kasi wena u ndzi twile loko ndzi ku khongela, u twile ku huwelela ka mina loko ndzi kombela ku pfuniwa.

Vaheveru 10:35

Hikokwalaho, mi nga heli mbilu, hikuva ku tiyisela ku ni hakelo leyikulu.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

Yohane 11:42

Mina ndzi swi tivile leswaku masiku hinkwawo wa ndzi yingisa, kambe ndzi vurile swilo leswi hikwalaho ka ntshungu lowu yimeke kwala, wu ta kala wu pfumela leswaku hi wena la ndzi rhumeke.”

Ntirho 34:28

Swisiwana leswi va swi xaniseke swi huwelerile, Xikwembu xi twile xirilo xa lava tsongahatiweke.

Vaheveru 3:6

Kambe Kriste, ú tshembekile tanihi n'wana la nga n'wini endlwini ya Xikwembu. Kutani hina hi yindlu ya xona, loko hi khomelela hi tiya, eku tshembeni ni le ku tlangeleni ka hina hi tlhelo ra swilo leswi hi swi langutelaka.

1 TIHOSI 3:12

yingisa: Ndzi ta endla leswi u swi kombelaka. Ndzi ta ku nyika vutlhari ni ku twisisa, leswaku u ta kota ku hlawula, u tlula hi vutlhari vanhu hinkwavo lava hanyeke u nga si va kona, ni lava nga ta velekiwa endzhaku ka wena.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Swivuriso 10:24

Lowo biha ú teriwa hi swilo leswi a swi chavaka ngopfu, kambe lavo lulama va nyikiwa leswi va swi navelaka.