1 Yohane 4:4 - BIBELE Mahungu Lamanene

⁴ Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

Testamente Leyimpsha Xichangana

⁴ Vananga, n'wina mi va Xikwembu, kutani mivahlulile va mavunhwa; hikuva Moya lowunga ka n'wina wutlula hi vukulu moya lowu wunga misaveni.

Xitsonga (Bibele)

⁴ Loko mi ri n'wina, vana vanga, mi va Xikwembu, kutani mi va hlurile hikuva la nga na n'wina, u tlula hi vukulu la nga emisaveni.

1 Yohane 4:4 Referans Kwoze

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

1 Yohane 5:4

Xin'wana ni xin'wana lexi tswariweke hi Xikwembu, xi hlula misava, kutani ku hlula loku hlulaka misava i ku pfumela ka hina.

Varhoma 8:37

E-e! Eka sweswo hinkwaswo, hi hlula hi va hi hlurisisa hikwalaho ka yena loyi a hi rhandzeke.

1 Yohane 4:16

Hikokwalaho, ha tiva ni ku tshemba rirhandzu leri Xikwembu xi nga na rona eka hina. Xikwembu i rirhandzu, kutani loyi a tshamaka erirhandzwini, ú tshame eka Xikwembu, na Xikwembu xi tshama eka yena.

1 Vakorinto 2:12

Hina a hi amukelanga moya wa misava leyi, kambe hi amukerile Moya lowu humaka eka Xikwembu, leswaku hi ta tiva hinkwaswo leswi hi nyikiweke swona hi Xikwembu.

1 Yohane 5:19

Ha swi tiva leswaku hi va Xikwembu, ni leswaku misava hinkwayo yi le hansi ka matimba ya Lowo biha.

1 Yohane 4:13

Leswi swi hi khorwisaka leswaku hi tshame ka xona, na xona eka hina, hileswaku xi hi nyikile swa Moya wa xona.

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

Vaefesa 3:17

ni leswaku Kriste a aka etimbilwini ta n'wina hi ku pfumela. Ndzi khongela leswaku mi mila timitsu erirhandzwini ni ku veka masungulo ya n'wina ehenhla ka rona,

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

1 Yohane 3:24

Loyi a hlayisaka milawu ya xona, ú tshame eka xona, na xona eka yena. Kutani ndlela leyi hi tivaka leswaku xi tshame ka hina, hi leyi: Hileswaku hi ni Moya lowu xi hi nyikeke wona.

Yohane 12:31

Misava leyi sweswi ya karhi ya avanyisiwa, kutani mufumi wa misava leyi ú ta hlongoriwa sweswi.

Yohane 17:23

Mina eka vona, na wena eka mina, leswaku va endliwa lava hetisekeke, va kondza va va un'we, kutani misava yi ta tiva leswaku u ndzi rhumile, ni leswaku u va rhandzile ku fana ni leswi u ndzi rhandziseke xiswona.

1 Yohane 4:6

Hina hi va Xikwembu. Un'wana ni un'wana la tivaka Xikwembu, wa hi yingisa, kasi loyi a nga riki wa Xikwembu, a nga hi yingisi. Hikwalaho ka leswi, hi tiva ku hambana exikarhi ka Moya wa ntiyiso ni moya wa mavunwa.

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

1 Yohane 2:13

Ndzi tsalela n'wina, vatatana, hikuva mi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi hlurile Lowo biha.

1 Vakorinto 6:13

Un'wana a nga ku: “Swakudya i swa khwiri, kutani khwiri i ra swakudya.” Ina, kambe Xikwembu xi ta swi herisa hi vumbirhi bya swona. Miri a wu vumberiwanga vuoswi, kambe wu vumberiwe Hosi, ni Hosi i hosi ya miri.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

Yohane 16:11

hi ta ku avanyisa, hikuva mufumi wa misava leyi ú avanyisiwile.

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

Yohane 14:30

A ndzi nga ha vulavuri swo tala na n'wina, hikuva mufumi wa misava leyi wa ta; kambe a nga na matimba ehenhla ka mina.

1 Yohane 2:1

Vana vanga, ndzi mi tsalela timhaka leti leswaku mi ta ka mi nga dyohi; kambe loko un'wana a tshuka a dyoha, hi ni muyimeri eka Tatana, a nga Yesu Kriste la lulameke.

1 Yohane 3:20

Loko ripfalo ra hina ri hi avanyisa, hi tiva leswaku Xikwembu xi tlula ripfalo leri ra hina hi vukulu, naswona xi tiva hinkwaswo.