1 Yohane 4:12 - BIBELE Mahungu Lamanene

¹² Ku hava munhu na un'we la tshamaka a vona Xikwembu; loko hi rhandzana, Xikwembu xi tshame ka hina, kutani rirhandzu ra xona ri hetisekile eka hina.

Testamente Leyimpsha Xichangana

¹² Aku na munhu ni mun'we lweyi atshamaka avona Xikwembu; loko hina hirhandza Xikwembu, xona xi le ka hina, kutani rirhandzu ra xona rihetisekile ka hina.

Xitsonga (Bibele)

¹² A ku na munhu la tshamaka a vona Xikwembu, ni siku ni rin'we; loko hi rhandzana, Xikwembu xi tshama eka hina, kutani rirhandzu ra xona ri hetisekile eka hina.

1 Yohane 4:12 Referans Kwoze

Yohane 1:18

A ku na munhu la tshamaka a vona Xikwembu ni siku ni rin'we. Loyi a nga swakwe, loyi a nga Xikwembu, loyi a nge xifuveni xa Tatana, hi yena loyi a nga endla leswaku Tatana a tiviwa.

1 Yohane 2:5

Kambe un'wana ni un'wana la hlayisaka Rito ra Xikwembu, hakunene rirhandzu ra yena eka xona ri hetisekile. Hi ndlela yoleyo hi nga tiva swinene leswaku hi le ka xona.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

1 Yohane 4:20

Loko un'wana a ku: “Ndzi rhandza Xikwembu”, kambe a venga makwavo, i muhembi; hikuva la nga rhandziki makwavo loyi a n'wi vonaka hi mahlo, a nge koti ku rhandza Xikwembu lexi a nga xi voniki.

1 Yohane 3:24

Loyi a hlayisaka milawu ya xona, ú tshame eka xona, na xona eka yena. Kutani ndlela leyi hi tivaka leswaku xi tshame ka hina, hi leyi: Hileswaku hi ni Moya lowu xi hi nyikeke wona.

Eksoda 33:20

Xi engeta xi ku: “Loko wu ri mombo wa mina wona, u nga ka u nga wu voni, hikuva a ku na munhu loyi a nga hanyaka, loko a ndzi vona.”

1 Yohane 4:6

Hina hi va Xikwembu. Un'wana ni un'wana la tivaka Xikwembu, wa hi yingisa, kasi loyi a nga riki wa Xikwembu, a nga hi yingisi. Hikwalaho ka leswi, hi tiva ku hambana exikarhi ka Moya wa ntiyiso ni moya wa mavunwa.

1 Timotiya 1:17

Eka Hosi ya minkarhi hinkwayo, leyi nga riki na ku fa, leyi nga voniwiki, xona Xikwembu xi ri xoxe, a ku ve ku chaviseka ni ku dzuneka, hilaha ku nga heriki! Amen.

Tinhlayo 12:8

Muxe ndzi hlamulana na yena hi nomo, a twa leswi ndzi swi vulaka, hikuva a swi lavi nhlamuselo; ú vona ni xivumbeko xa mina. Kutani hikwalaho ka yini n'wina mi nga chavi ku hleva Muxe nandza wa mina xana?”

Genesa 32:30

Hikokwalaho, Yakobo a thya ndhawu leyi vito ra Penuwele (hileswaku: “Mombo-wa-Xikwembu”), hikuva a a ku: “Ndzi vonile mombo wa Xikwembu, kambe ndza ha hanya.”

Vaheveru 11:27

Hi ku pfumela, Muxe ú sukile etikweni ra Egipta a nga chavi vukari bya hosi, hikuva ú tiyiserile onge hi loko a ri karhi a vona loyi a nga voniwiki.

1 Vakorinto 13:13

Sweswi, ku tiyile swilo swinharhu leswi: Ku pfumela, ni ku langutela, ni rirhandzu; kambe lexikulu ngopfu eka swona i rirhandzu.

1 Yohane 4:16

Hikokwalaho, ha tiva ni ku tshemba rirhandzu leri Xikwembu xi nga na rona eka hina. Xikwembu i rirhandzu, kutani loyi a tshamaka erirhandzwini, ú tshame eka Xikwembu, na Xikwembu xi tshama eka yena.