1 Yohane 3:6 - BIBELE Mahungu Lamanene

⁶ Ku hava ni un'we la tshamelaka ku dyoha, loko a ri eka yena. Un'wana ni un'wana la tshamelaka ku dyoha, a nga n'wi vonanga, naswona a nga n'wi tivanga.

Testamente Leyimpsha Xichangana

⁶ Mani na mani lweyi atshamaka ka yena angajohi; mani na mani lweyi ajohaka angamuvonanga, nasvona angamutivanga.

Xitsonga (Bibele)

⁶ Un'wana ni un'wana la tshamaka eka yena a nga dyohi; un'wana ni un'wana la dyohaka, a nga n'wi vonanga, na swona, a nga n'wi tivanga.

1 Yohane 3:6 Referans Kwoze

3 Yohane 1:11

Nakulorhi, u nga tekeleli mikhuva leyo biha, kambe tekelela leyinene. Loyi a endlaka leswinene i wa Xikwembu; loyi a endlaka leswo biha a nga vonanga Xikwembu.

1 Yohane 3:9

Ku hava ni un'we loyi a tshamelaka ku dyoha, loko a tswariwile hi Xikwembu, hikuva mbewu ya Xikwembu yi mirile eka yena, kutani a nga ka a nga ha tshameli ku dyoha, hikuva ú tswariwile hi Xikwembu.

1 Yohane 2:4

Loyi a vulaka a ku: “Ndza n'wi tiva”, kambe a nga hlayisi milawu ya yena, i muhembi, kutani ntiyiso a wu kona eka munhu wo tano.

1 Yohane 4:8

Loyi a nga riki na rirhandzu, a nga tivi Xikwembu, hikuva Xikwembu i rirhandzu.

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

1 Yohane 2:28

Kutani sweswi, vana vanga, tshamani eka Kriste, leswaku loko a humelela, hi ta tiya nhlana, naswona hi nga vi na tingana eku fikeni ka yena.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

1 Yohane 2:3

Kutani mhaka leyi yi hi khorwisaka leswaku hi tiva Tatana, hiloko hi hlayisa milawu ya yena.