1 Yohane 3:22 - BIBELE Mahungu Lamanene

²² Hi amukela eka xona hinkwaswo leswi hi swi kombelaka, hikuva hi hlayisa milawu ya xona ni ku endla leswi xi swi tsakelaka.

Testamente Leyimpsha Xichangana

²² Kutani hinkwasvu lesvi hisvikombelaka ka xona, hitanyikiwa svona; hikuva hihlayisa milawu ya xona, hiyendla lesvi svitsakisaka mahlweni ka xona.

Xitsonga (Bibele)

²² Kutani lexi hi xi kombelaka, hambi yi ri yini na yini, hi nyikiwa hi xona hikuva hi hlayisa ku lerisa ka xona kutani hi endla leswi xi tsakisaka.

1 Yohane 3:22 Referans Kwoze

Yohane 15:7

Loko mi tshama eka mina, ni loko marito ya mina ma tshama eka n'wina, kombelani xin'wana ni xin'wana lexi mi xi rhandzaka, kutani mi ta endleriwa xona.

Yohane 9:31

Ha swi tiva leswaku Xikwembu a xi yingisi vadyohi; kambe loko munhu a chava Xikwembu, a endla ku rhandza ka xona, Xikwembu xa n'wi yingisa.

Matewu 21:22

naswona hinkwaswo leswi mi swi kombelaka hi ku khongela, loko mi pfumela, mi ta nyikiwa swona.”

1 Yohane 5:14

Kutani ku tshemba loku hi nga na kona emahlweni ka Xikwembu, hileswaku loko hi kombela xilo xihi na xihi hilaha xi rhandzaka hakona, xa hi twa.

Marka 11:24

Hikokwalaho ndzi ri ka n'wina: Hinkwaswo leswi mi swi kombelaka hi ku khongela, pfumelani leswaku mi nyikiwile swona, kutani mi ta endleriwa swona.

Yohane 14:13

Xin'wana ni xin'wana lexi mi xi kombelaka hi vito ra mina, ndzi ta xi endla, leswaku Tatana a dzunisiwa eka N'wana.

Swivuriso 15:29

HOSI Xikwembu a xi tshineli kusuhi ni lavo homboloka, kambe swikhongelo swa lavo lulama, xa swi hlamula.

Pisalema 34:4

Ndzi komberile HOSI Xikwembu leswaku xi ndzi pfuna, kutani xi ndzi hlamurile, xi ndzi ntshunxa eku chaveni ka mina hinkwako.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Yohane 8:29

Loyi a ndzi rhumeke, ú na mina; a nga ndzi tshikanga ndzi ri ndzexe, hikuva masiku hinkwawo ndzi endla leswi swi n'wi tsakisaka.”

Vakolosa 1:10

hi ndlela leyi, mi ta hanya vutomi lebyi fanekelaka emahlweni ka Hosi, mi yi tsakisa etimhakeni hinkwato, mi tswala mihandzu hi ku tirha mintirho leyinene ya tinxaka-xaka, mi ya mi kula hi tlhelo ra ku tiva Xikwembu.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Yakobo 5:16

Hikokwalaho, byelanani ku dyoha ka n'wina, mi khongelelana leswaku mi ta hanya. Xikhongelo xa munhu wo lulama xi ni matimba ngopfu, xa tirha.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Vaheveru 13:21

ingi xi nga mi longela hinkwaswo leswinene leswi nga ta mi pfuna ku endla ku rhandza ka xona, xi ri karhi xi tirha eka hina leswi xi swi tsakelaka, ha Yesu Kriste. Eka xona a ku ve ku dzuneka hi masiku ni masiku. Amen!

Yohane 6:29

Yesu a va hlamula, a ku: “Ntirho wa Xikwembu hi lowu: Hileswaku mi pfumela eka Loyi xi n'wi rhumeke.”

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Timhaka 17:30

Hambiswiritano, Xikwembu xi tshikile minkarhi ya ku pfumala ku tiva yi hundza, kutani sweswi, ematikweni hinkwawo xi lerisa vanhu leswaku va hundzuka hinkwavo.

Yohane 15:10

Loko mi hlayisa milawu ya mina, mi ta tshama erirhandzwini ra mina, hilaha na mina ndzi hlayiseke milawu ya Tata wa mina, kutani ndzi tshama erirhandzwini ra yena.

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

Esaya 1:15

Loko mi tshambuluta mavoko ya n'wina, ndzi tisiva mahlo ndzi languta etlhelo; a ndzi nga mi yingisi, hambi mo endla swikhongelo leswo tala, hikuva mavoko ya n'wina ma tele ngati.

Swivuriso 28:9

Loyi a pfalaka tindleve, a nga lavi ku twa nchumu hi nawu, HOSI Xikwembu na xona, a xi nga twi swikhongelo swa yena.

Pisalema 10:17

We HOSI, u yingisa ku kombela ka lava xanisekaka, u pfuxa matimba ya vona, u va rhiyela ndleve,

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Ntirho 22:26

kutani u ta titsakela eka xona, u tlhela u langutana na xona.

Yakobo 4:3

Naswona loko mi kombela, ma hoxa, hikuva mi tilavela ntsena swo titsakisa ha swona.

1 Yohane 2:3

Kutani mhaka leyi yi hi khorwisaka leswaku hi tiva Tatana, hiloko hi hlayisa milawu ya yena.