1 Yohane 3:20 - BIBELE Mahungu Lamanene

²⁰ Loko ripfalo ra hina ri hi avanyisa, hi tiva leswaku Xikwembu xi tlula ripfalo leri ra hina hi vukulu, naswona xi tiva hinkwaswo.

Testamente Leyimpsha Xichangana

²⁰ na hili karhi hitiva lesvaku loko timbilu ta hina tihiyavanyisa, Xikwembu i xikulu kutlula timbilu ta hina, nasvona xitiva svilo hinkwasvu.

Xitsonga (Bibele)

²⁰ Hikuva loko timbilu ta hina ti hi avanyisa Xikwembu i xikulu eka timbilu ta hina, kambe xi tiva hinkwaswo.

1 Yohane 3:20 Referans Kwoze

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

1 Vakorinto 4:4

A ndzi titwi ndzi ri ni nandzu wa nchumu; kambe leswi a hi swona swi ndzi endlaka la lulameke; loyi a ndzi avanyisaka i Hosi.

1 Yohane 4:4

Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Ntirho 33:12

We Yobo, wa hoxa loko u vurisa leswi, ndzi tshike ndzi ku byela: Xikwembu i xikulu ku tlula munhu.

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Nhlavutelo 2:23

Ndzi ta dlaya vana va yena, kutani tikereke hinkwato ti ta tiva leswaku hi mina loyi a kambisisaka mianakanyo ni timbilu. Kutani ndzi ta avanyisa un'wana ni un'wana wa n'wina hi ku ya hi mintirho ya n'wina.

Pisalema 90:8

U andlala ku homboloka ka hina emahlweni ka wena; swidyoho leswi hi swi endleke exihundleni, wa swi paluxa.

Tito 3:11

hikuva wa swi tiva leswaku munhu lowo tano ú onhakile, kutani swidyoho swa yena swi komba leswaku ú humile endleleni.

Ntirho 27:6

Ndzi khomile ku lulama ka mina, ndzi nge ku tshiki; ndza swi tiva: A ndzi endlanga swa tingana ni siku ni rin'we.

Yohane 8:9

Kuteloko va twile sweswo, va huma ha un'we un'we, ku sungula hi lavakulu; kutani Yesu a sala a ri yexe, wansati na yena a ri kwalaho.

Vaheveru 6:13

Loko Xikwembu xi tshembisile Abrahama, leswi a ku ri hava un'wana la nga nkulu eka xona loyi a xi ta hlambanya hi vito ra yena, xi lo tihlambanyela hi xoxe,

Timhaka 5:33

Loko va huvo va twa marito lawa, va kariha ngopfu, kutani va tiyimisela ku va dlaya.

Varhoma 8:34

Kriste Yesu loyi a feke, kumbe hi nga ku, yena loyi a pfuxiweke eku feni, wa ha ri yena loyi a nga evokweni ra xinene ra Xikwembu, kutani hi yena loyi a hi khongelelaka.

1 Yohane 3:19

Kutani, ndlela ya ku hi khorwisa leswaku hi vanhu va ntiyiso, ni ya ku tiyisa ripfalo ra hina emahlweni ka Xikwembu hi leyi:

1 Yohane 3:21

Varhandziwa, loko ripfalo ra hina ri nga hi avanyisi, hi ni ku tshemba emahlweni ka Xikwembu.