1 Yohane 2:26 - BIBELE Mahungu Lamanene

²⁶ Ndzi mi tsalele timhaka leti, hikwalaho ka lava ringetaka ku mi xisa.

Testamente Leyimpsha Xichangana

²⁶ Nimitsalela svilo lesvi hinkwasvu hikolaho ka lava vamikanganyisaka.

Xitsonga (Bibele)

²⁶ Ndzi mi tsalela timhaka leti, hikwalaho ka lava mi xisaka.

1 Yohane 2:26 Referans Kwoze

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

Marka 13:22

hikuva ku ta humelela Vamesiya va mavunwa, ni vaprofeta va mavunwa; va ta endla mahlori ni swihlamariso ku hambukisa na vona vahlawuriwa va Xikwembu, loko swi endleka.

Vakolosa 2:8

Chavani leswaku munhu a nga mi phasi hi tidyondzo ta vutlhari, hi marito ya vunwa lama nga pfuniki nchumu, lama humaka eka mintolovelo ya vanhu ni ka mimoya leyi fumaka misava leyi, ku nga ri eka Kriste.

1 Timotiya 4:1

Kutani ke, Moya wu vula wu tiyisile leswaku emasikwini lama taka, van'wana va ta hambana ni vupfumeri, hi mhaka ya ku landza mimoya leyi kanganyisaka ni tidyondzo ta mademona,

Swivuriso 12:26

Lowo lulama ú hambana ni leswo biha, kasi mikhuva ya lavo homboloka ya va lahla.

2 Timotiya 3:13

naswona vanhu lavo biha ni vakanganyisi va ta ya emahlweni va nyanya ku biha, va ri karhi va xisa, na vona va xisiwa.

Vakolosa 2:18

Munhu a nga tshuki a mi tekela hakelo ya n'wina, hi ku tsakela swo tilondla-londla ni ku gandzela tintsumi, a ri karhi a pfumela ngopfu swa milorho ya yena, a tikurisa hi swa hava, hi miehleketo ya yena ya swa nyama;

Ezekiele 13:10

“Hakunene vaprofeta lava va xisa vanhu va mina, hikuva va ri: ‘Ku rhurile!’ kasi a ku na ku rhula. Loko vanhu va mina va aka khumbi, vaprofeta va ri phama hi misava ntsena va ri chuchuta.