1 Yohane 2:18 - BIBELE Mahungu Lamanene

¹⁸ N'wina vana, nkarhi wa makumu wu fikile, kutani kukotisa leswi mi tweke leswaku Nala wa Kriste wa ta, sweswi Valala va Kriste lavo tala va humelerile; hikokwalaho, ha tiva leswaku i nkarhi wa makumu.

Testamente Leyimpsha Xichangana

¹⁸ Vananga, lowu hi wona nkarhi wa makumu, tani hi loko misvitwile lesvaku Antikriste wata, ni svosvi valala va Kriste lavotala vahumelelile; xilesvo hitiva lesvaku i nkarhi wa makumu.

Xitsonga (Bibele)

¹⁸ Vana, i nkarhi wa makumu kutani kukota leswi mi swi tweke leswaku Antikriste u ta ta, ni sweswi va Antikriste lavo tala va kona; hikwalaho hi tivaka leswaku i nkarhi wa makumu.

1 Yohane 2:18 Referans Kwoze

1 Yohane 4:3

Kutani moya wihi na wihi lowu nga vuriki sweswo hi tlhelo ra Yesu, a hi wa Xikwembu. Lowu hi wo moya wa Nala wa Kriste, lowu mi tweke ta wona leswaku wa ta; kutani nisweswi wu kona la misaveni.

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

1 Yohane 2:22

Munhu wa vunwa i mani xana, loko a nga ri loyi a kanetaka leswaku Yesu i Mesiya? Munhu wo tano, hi ye Nala wa Kriste, loyi a landzulaka Tatana ni N'wana.

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Matewu 24:5

Hikuva lavo tala va ta ta hi vito ra mina, un'wana ni un'wana a ku: ‘Hi mina Mesiya’, kutani va ta xisa lavo tala.

1 Yohane 4:1

Varhandziwa, mi nga pfumeleni moya wihi na wihi, kambe kambisisani mimoya ku vona loko hakunene yi ri ya Xikwembu; hikuva vaprofeta va mavunwa va hangalakile ni misava.

Marka 13:6

Lavo tala va ta ta hi vito ra mina, un'wana ni un'wana a ku: ‘Mina ndzi yena’, kutani va ta xisa lavo tala.

2 Petro 2:1

Khale, vaprofeta va mavunwa na vona va humelele exikarhi ka vanhu, tanihi leswi ku nga ta va ni vadyondzisi va mavunwa exikarhi ka n'wina, lava nga ta nghenisa hi le xihundleni tidyondzo to hambuka leti onhaka; va ta landzula hambi a ri N'wini loyi a va kutsuleke, va tivangela ku lova loku nga ta hatla ku va wela.

Matewu 24:11

Ku ta humelela vaprofeta va mavunwa lavo tala, va ta xisa vanhu lavo tala.

Yuda 1:18

va mi byerile va ku: “Eminkarhini leyo hetelela, ku ta humelela vasandzi lava susumetiwaka hi ku navela ka vona loko biha va nga chavi Xikwembu.”

2 Petro 3:3

Xo sungula, mi fanela ku twisisa leswaku, emasikwini yo hetelela, ku ta humelela vasandzi lava fambisiwaka hi ku navela ka vona loko biha; va ta mi sandza,

Vaheveru 1:2

Kambe emasikwini lawa yo hetelela, xi vulavurile na hina hi N'wana, loyi xi n'wi vekeke ku va mudyandzhaka wa swilo hinkwaswo, loyi naswona xi tumbuluxeke tilo ni misava ha yena.

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.

1 Petro 1:5

n'wina lava mi pfumeleke, kutani mi hlayisiwa hi matimba ya Xikwembu, leswaku mi ta kuma ku ponisiwa loku yimeleke ku kombisiwa enkarhini wa makumu.

Yohane 21:5

Kutani Yesu a ku ka vona: “Vana vanga, mi phasile xana?” Va n'wi hlamula, va ku: “E-e.”

Varhoma 13:11

Endlani leswi, hikuva mi tiva leswaku i nkarhi wihi sweswi: Hi wona nkarhi wa n'wina wa ku pfuka evurhongweni; hikuva namuntlha, ku ponisiwa ku kusuhi ku tlula siku hi pfumeleke.

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

1 Petro 4:7

Ku hela ka swilo hinkwaswo ku le kusuhi. Hikokwalaho, tlharihani mi tikhoma, mi ta kota ku khongela.