1 Yohane 2:15 - BIBELE Mahungu Lamanene

¹⁵ Mi nga rhandzeni misava, kumbe swilo leswi nge misaveni. Loko munhu a rhandza misava, rirhandzu ro rhandza Tatana a ri kona eka yena.

Testamente Leyimpsha Xichangana

¹⁵ Mingarhandzeni misava, hambi svilo lesvi svinga misaveni. Loko munhu arhandza misava, rirhandzu ra Tatana ari kona ka yena.

Xitsonga (Bibele)

¹⁵ Mi nga rhandzeni misava, hambi swi ri leswi nga emisaveni; kungakuloko munhu a rhandza misava, rirhandzu ra Tatana a ri kona eka yena.

1 Yohane 2:15 Referans Kwoze

Yakobo 4:4

Vanhu ndzin'wina lava nga tshembekiki, xana a mi swi tivi leswaku ku rhandza swa misava swi vula ku lwa na Xikwembu xana? Hikokwalaho, loyi a tinyiketaka eku rhandzeni ka swa misava, ú tiendla nala wa Xikwembu.

Varhoma 12:2

Mi nga landzi hanyelo ra nguva leyi, kambe mi pfumela ku hundzuka mi va vantshwa emiehleketweni ya n'wina, mi ta kota ku twisisa leswi ku rhandza lokunene ka Xikwembu, loku nkhensekaka ni ku hetiseka, ku nga swona.

Matewu 6:24

“A ku na munhu loyi a nga kotaka ku tirhela tihosi timbirhi; hikuva ú ta venga yin'wana, a rhandza leyin'wana. Mi nge koti ku tirhela Xikwembu ni rifuwo ra misava.

Luka 16:13

“A ku na nandza loyi a nga kotaka ku tirhela tihosi timbirhi, hikuva ú ta venga yin'wana, a rhandza leyin'wana; kumbe ú ta namarhela yin'wana a fularhela leyin'wana. Mi nge koti ku tirhela Xikwembu ni rifuwo ra misava leyi.”

Yohane 15:19

Loko a mi ri va misava, misava a yi ta rhandza swa yona. Kambe leswi mi nga riki va misava, ni leswi ndzi mi hlawuleke eka yona, misava ya mi venga.

1 Yohane 3:17

Kambe loko munhu a ri ni swilo swa misava leyi, kutani a vona makwavo a ri eku pfumaleni, kambe a nonon'hwisa mbilu ya yena a nga n'wi pfuni, xana rirhandzu ro rhandza Xikwembu ri nga tshamisisa ku yini eka yena xana?

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

Vagalatiya 1:10

Xana sweswo swi komba leswaku ndzi navela ku nkhensiwa hi vanhu kumbe hi Xikwembu ke? Xana ndzi vonaka ndzi ri la ringetaka ku tsakisa vanhu ke? Loko onge ndza ha ringeta ku endla sweswo, a ndzi nga ta va nandza wa Kriste.

1 Yohane 4:5

Vona i va misava, hikokwalaho leswi va swi vulaka i swa misava, kutani va misava va va yingisa.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

1 Yohane 5:10

Loyi a pfumelaka eka N'wana wa Xikwembu, vumbhoni byi le ka yena. Loyi a nga pfumeriki Xikwembu, ú xi endlile muhembi, hikuva a nga pfumelanga vumbhoni lebyi Xikwembu xi byi humeseke ehenhla ka N'wana wa xona.

Matewu 4:8

Diyavulosi a engeta a n'wi yisa entshaveni leyo leha ngopfu, a n'wi komba mimfumo hinkwayo ya misava ni ku dzuneka ka yona,

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.