1 Yohane 2:14 - BIBELE Mahungu Lamanene

¹⁴ Ndzi tsalela n'wina, vana, hikuva mi tiva Tatana. Ndzi tsalela n'wina, vatatana, hikuva ma n'wi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi ni matimba, ni rito ra Xikwembu ri akile eka n'wina, naswona mi hlurile Lowo biha.

Testamente Leyimpsha Xichangana

¹⁴ Nitsalela n'wina vananga, hikuva mitivile Tatana. Nitsalela n'wina vatatana, hikuva mitiva lweyi anga kona kusukela kusunguleni. Nitsalela n'wina lavampsha, hikuva mi ni matimba, ni rito ra Xikwembu ritshame ka n'wina, nasvona mihlulile lweyi wobiha.

Xitsonga (Bibele)

¹⁴ Vatatana, ndzi mi tsalela, hikuva mi tivile la nga kona ka ha ri eku sunguleni. Lavantshwa, ndzi mi tsalela, hikuva mi ni matimba, kutani rito ra Xikwembu ri tshame eka n'wina, kambe mi hlurile lowo biha.

1 Yohane 2:14 Referans Kwoze

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

1 Yohane 2:13

Ndzi tsalela n'wina, vatatana, hikuva mi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi hlurile Lowo biha.

Vakolosa 3:16

Rito ra Kriste a ri tshame ka n'wina, ri andza. Dyondzisanani, mi khongotelana hi vutlhari hinkwabyo, mi twarisa Xikwembu hi ku yimbelela tipisalema, ni tinsimu, ni ku yimbelela swa Moya, mi ri karhi mi nkhensa etimbilwini ta n'wina.

Yohane 15:7

Loko mi tshama eka mina, ni loko marito ya mina ma tshama eka n'wina, kombelani xin'wana ni xin'wana lexi mi xi rhandzaka, kutani mi ta endleriwa xona.

Vaefesa 6:10

Eku heteleleni, ndzi ri, tiyani swinene, mi namarhela Hosi, mi tiseketela hi ntamu wa yona lowu nga tsandziwiki ha nchumu.

Yohane 8:31

Yesu a ku ka Vayuda lava pfumeleke ka yena: “Loko mi tiyisela eritweni ra mina, mi vadyondzisiwa va mina hakunene;

Yohane 5:38

Rito ra yena a ri akanga eka n'wina, hikuva a mi pfumeri eka loyi Tatana a n'wi rhumeke.

Nhlavutelo 2:7

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, ndzi ta n'wi pfumelela ku dya mihandzu ya murhi wa vutomi lowu nga eParadeyisini, eku sasekeni ka Xikwembu.’ ”

3 Yohane 1:3

Hakunene ndzi tlangerile ngopfu loko vamakwerhu van'wana va fikile, kutani va vurile hilaha u hanyaka entiyisweni hakona; hakunene ku hanya entiyisweni i ntolovelo wa wena.

2 Yohane 1:2

hikwalaho ka ntiyiso wolowo, lowu akeke eka hina ni lowu nga ta va na hina hilaha ku nga heriki.

Vaheveru 8:10

Lowu hi wona ntwanano lowu ndzi nga ta wu endla ni Vaisraele, endzhaku ka masiku walawo, ku vula Hosi: Ndzi ta nghenisa milawu ya mina emiehleketweni ya vona, ndzi yi tsala etimbilwini ta vona, kutani ndzi ta va Xikwembu xa vona, vona va va vanhu va mina.

Vakolosa 1:11

Mawaku loko mi nga tiyisiwa swinene hi matimba, hi ku ya hi ntamu wa xona wo twakala, mi kota ku tiyisela swinene, ni ku leha mbilu mi tsakile.

2 Timotiya 2:1

Hikokwalaho n'wananga, tiya entintswalweni leti nge ka Kriste Yesu.

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Nhlavutelo 2:3

Wa karhi wa tiyisela; u twisiwe ku vaviseka hikwalaho ka vito ra mina, kutani a wu karhalanga.

1 Yohane 1:10

Loko hi vula leswaku a hi dyohanga, hi xi endla muhembi, kutani Rito ra xona a ri kona eka hina.

Yohane 8:37

Ndza swi tiva leswaku mi vatukulu va Abrahama, kambe mi lava ku ndzi dlaya, hikuva rito ra mina ri hava ndhawu eka n'wina.

1 Yohane 1:1

Swa Rito ra vutomi, a swi ri kona ku sukela eku sunguleni; hi swi twile ni ku swi vona hi mahlo; hi swi langutile ni ku swi khumba hi mavoko ya hina, kutani hi swona leswi hi mi tivisaka swona.