1 Yohane 2:13 - BIBELE Mahungu Lamanene

¹³ Ndzi tsalela n'wina, vatatana, hikuva mi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi hlurile Lowo biha.

Testamente Leyimpsha Xichangana

¹³ Nitsalela n'wina, vatatana, hikuva mitivile lweyi anga yena kusukela kusunguleni. Nitsalela n'wina lavampsha hikuva mihlulile lweyi wobiha.

Xitsonga (Bibele)

¹³ Vatatana, ndza mi tsalela, hikuva mi tivile la nga kona kaharhi eku sunguleni. Lavantshwa, ndza mi tsalela, hikuva mi hlurile lowo biha. Vana, ndzi mi tsalele, hikuva mi tiva Tatana.

1 Yohane 2:13 Referans Kwoze

Yohane 14:7

Loko mi tiva mina, mi ta tiva ni Tata wa mina; ku sukela sweswi, ma n'wi tiva, naswona mi n'wi vonile.”

1 Yohane 2:14

Ndzi tsalela n'wina, vana, hikuva mi tiva Tatana. Ndzi tsalela n'wina, vatatana, hikuva ma n'wi tiva loyi a nga yena ku sukela eku sunguleni. Ndzi tsalela n'wina, lavantshwa, hikuva mi ni matimba, ni rito ra Xikwembu ri akile eka n'wina, naswona mi hlurile Lowo biha.

1 Yohane 4:4

Kambe n'wina vana vanga, mi va Xikwembu, kutani mi hlurile va mavunwa, hikuva Moya lowu nga eka n'wina wu tlula hi vukulu moya lowu wu nga eka vanhu va misava.

1 Yohane 1:1

Swa Rito ra vutomi, a swi ri kona ku sukela eku sunguleni; hi swi twile ni ku swi vona hi mahlo; hi swi langutile ni ku swi khumba hi mavoko ya hina, kutani hi swona leswi hi mi tivisaka swona.

Luka 10:22

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana leswaku i mani, loko a nga ri Tatana; naswona a ku na loyi a tivaka Tatana leswaku i mani, loko a nga ri N'wana, ni loyi N'wana a lavaka ku hlavutela Tatana eka yena.”

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

1 Yohane 5:18

Ha swi tiva leswaku un'wana ni un'wana la tswariweke hi Xikwembu, a nga ha tshameli ku dyoha, hikuva ú hlayisiwa hi N'wana wa Xikwembu, kutani Lowo biha a nga n'wi khumbi.

1 Yohane 3:12

Hi nga fani na Kayini, loyi a a twanana na Lowo biha, kutani ú dlele makwavo. Xana ú n'wi dlele hikwalaho ka yini? Hikuva mintirho ya yena a yi ri leyo biha, kasi ya makwavo a yi ri leyo lulama.

Matewu 11:27

“Tatana ú vekile swilo hinkwaswo emavokweni ya mina; kutani a ku na loyi a tivaka N'wana, loko a nga ri Tatana; naswona a ku na loyi a tivaka Tatana, loko a nga ri N'wana, ni loyi N'wana a lavaka ku hlavutela Tatana eka yena.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

1 Yohane 2:12

Ndzi tsalela n'wina, vana vanga, hikuva swidyoho swa n'wina swi rivaleriwile hikwalaho ka Kriste.

1 Yohane 2:1

Vana vanga, ndzi mi tsalela timhaka leti leswaku mi ta ka mi nga dyohi; kambe loko un'wana a tshuka a dyoha, hi ni muyimeri eka Tatana, a nga Yesu Kriste la lulameke.

Tito 2:6

Hi mukhuva wolowo, khongotela vavanuna lavantshwa ku tikhoma.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Yohane 16:3

Va ta mi endla swilo leswi hikuva a va hi tivanga, hambi Tatana hambi mina.

Yohane 14:9

Yesu a ku ka yena: “I khale ndzi ri na n'wina, kasi ni sweswi a wu si ndzi tiva, Filipi? Loyi a ndzi voneke, ú vonile Tatana; hikokwalaho ka yini u ku: ‘Hi kombe Tatana’?

Yohane 8:19

Va ku ka yena: “Tata wa wena ú kwihi?” Yesu a hlamula, a ku: “A mi ndzi tivi, hambi a ri Tata wa mina a mi n'wi tivi; loko onge mi ndzi tivile, ingi mi tivile na Tata wa mina.”

Matewu 13:38

nsimu i misava; mbewu leyinene i vana va Mfumo; mfava i vana va Lowo biha.

Matewu 13:19

Un'wana ni un'wana la twaka Rito ra Mfumo wa Xikwembu, kambe a nga ri twisisi, swi fana ni loko mbewu yi haxiwile endleleni. Lowo biha a ta, a n'wi tekela leswi haxiweke embilwini ya yena.

Swivuriso 20:29

Lavantshwa va bomba hi matimba ya vona, lava dyuhaleke va tinyungubyisa hi timpfi.

Pisalema 91:14

Xikwembu xi ri: “Leswi munhu loyi a ndzi tivaka ni ku ndzi namarhela, ndzi ta n'wi ponisa ndzi n'wi hlayisa.

Pisalema 90:2

Loko tintshava ti nga si va kona, ni loko u nga si tumbuluxa misava ni leswi nga ka yona, u vile Xikwembu, naswona wa ha ta va xona hilaha ku nga heriki.

1 Timotiya 5:1

U nga holoveli munhu nkulukumba, kambe n'wi khongotele tanihi tata wa wena; vavanuna lavantshwa u fanele ku va khoma tanihi vamakwenu va xinuna.

Yohane 17:21

ndzi navela leswaku hinkwavo va va un'we, ku fana ni leswi wena Tatana u nga ka mina, na mina ndzi nga ka wena, leswaku na vona va va eka hina, kutani misava yi ta pfumela leswaku u ndzi rhumile.

Zakariya 9:17

Hakunene tiko ri ta saseka, ri tsakisa! Majaha ni vanhwana va ta kula va tsakile, hikuva va ta phameriwa swakudya ni swakunwa leswinene.

Yuwele 2:28

“Endzhaku ka sweswo, nkarhi wu ta fika lowu ndzi nga ta chela moya wa mina ehenhla ka vanhu hinkwavo. Vana va n'wina va xinuna ni va xisati va ta vhumbha, lava dyuhaleke va n'wina va ta lorha milorho, vana va n'wina va majaha va ta vona swivono.

Pisalema 148:12

n'wina majaha na n'wina vanhwana, n'wina lavakulu na n'wina lavatsongo.

Matewu 5:37

Eku vulavuleni ka n'wina ‘Ina’ a a ve ‘Ina’, ‘E-e’ a va ‘E-e’; leswi engeteleriwaka eka sweswo swi huma eka Lowo biha.

Yohane 16:33

Ndzi mi byerile swilo leswi leswaku mi va ni ku rhula eka mina. La misaveni, mi ta va ni mahlomulo, kambe tiyani timbilu, ndzi hlurile misava.”

Nhlavutelo 2:7

“ ‘Loyi a nga ni tindleve a a yingise leswi Moya wu swi byelaka tikereke. Loyi a hlulaka, ndzi ta n'wi pfumelela ku dya mihandzu ya murhi wa vutomi lowu nga eParadeyisini, eku sasekeni ka Xikwembu.’ ”

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.