1 Yohane 2:10 - BIBELE Mahungu Lamanene

¹⁰ Loyi a rhandzaka makwavo, ú tshame eku vonakaleni, kutani kona ku hava xilo lexi khunguvanyisaka.

Testamente Leyimpsha Xichangana

¹⁰ Lweyi arhandzaka makwavu a le kuvonakaleni, ka yena aku na kukhunguvanyeka.

Xitsonga (Bibele)

¹⁰ La rhandzaka makwavo u tshame eku vonakaleni, kutani ku khunguvanyisa ku hava eka yena.

1 Yohane 2:10 Referans Kwoze

1 Yohane 3:14

Ha swi tiva leswaku hi humile eku feni ku ya nghena evutomini, hikuva hi rhandza vamakwerhu. Loyi a nga riki na rirhandzu, ú tshama eku feni.

Varhoma 14:13

Loko swi ri tano, a hi tshikeni ku avanyisana. Ematshan'wini ya swona, tiboheni leswaku mi nga veki endleleni ya makwenu xo n'wi khunguvanyisa kumbe ku n'wi wisa.

Hosiya 6:3

A hi tikarhateni, hi tikarhatela ku tirhela HOSI Xikwembu: Xikwembu xi fana ni vurhonga, xi nge tsandzeki ku humelela; xi ta ta eka hina ku fana ni mpfula ya xirimo, ku fana ni ku sewula ka mpfula ya ximun'wana.”

2 Petro 1:10

Hikokwalaho, vamakwerhu, hisekelani ngopfu-ngopfu ku tiyisa ku vitaniwa ni ku hlawuriwa ka n'wina, hikuva loko mi endla sweswo a mi nga khuguki mi wa ni siku ni rin'we.

Yohane 8:31

Yesu a ku ka Vayuda lava pfumeleke ka yena: “Loko mi tiyisela eritweni ra mina, mi vadyondzisiwa va mina hakunene;

Matewu 18:7

Yi ni khombo misava hikwalaho ka ku khunguvanyisa; loko ku ri ku khunguvanyisa, kunene ku fanele ku va kona, kambe ú ni khombo munhu loyi ku khunguvanyeka ku humelelaka hikwalaho ka yena.

Matewu 13:21

kambe a nga na timitsu endzeni ka yena, ú tiyisela nkarhinyana ntsena; kutani loko khombo kumbe ku xaniseka swi humelela hikwalaho ka Rito, a hatla a khunguvanyeka.

Vafilipiya 1:10

mi ta kota ku hlawula leswi nga swinene ku tlula swin'wana; hi mukhuva wolowo, mi ta va lava tengeke, mi nga ha ri na nandzu ku fikela esikwini ra Kriste;

Pisalema 119:165

Lava rhandzaka nawu wa wena, va ni ku rhula lokukulu, ku hava lexi xi nga va khugulaka va wa.

Yohane 11:9

Yesu a hlamula a ku: “Xana siku rin'we a ri na tiawara ta 12 xana? Loko munhu a famba ninhlekanhi, a nga khuguriwi, hikuva ú vona ku vonakala ka misava leyi;

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

1 Yohane 2:11

Kambe loyi a vengaka makwavo, ú le munyameni, naswona ú famba emunyameni, a nga tivi lomu a yaka kona, hikuva munyama wu n'wi dlaye mahlo.