1 Yohane 1:7 - BIBELE Mahungu Lamanene

⁷ Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Testamente Leyimpsha Xichangana

⁷ Loko hifamba kuvonakaleni, kufana na xona xinga kuvonakaleni, hi ni vuhlengeli, kutani angati ya Yesu Kriste N'wana wa xona yahibasisa ka svijoho hinkwasvu.

Xitsonga (Bibele)

⁷ Kambe kungakuloko hi famba eku vonakaleni, kukota xona xi nga eku ku vonakaleni, hi ni ku hlangana swin'we, kutani ngati ya Yesu Kriste, N'wana wa xona, ya hi hlantswa, yi susa swidyoho hinkwaswo swa hina.

1 Yohane 1:7 Referans Kwoze

Vaefesa 5:8

Hikuva khale n'wina hi n'wexe a mi ri emunyameni, kambe sweswi, leswi mi nga hundzuka vanhu va Hosi, mi le ku vonakaleni. Hanyani ku fana ni vanhu va ku vonakala,

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

Varhoma 13:12

Vusiku byi hundzile, dyambu ri lava ku huma. Hikokwalaho, a hi cukumeteni mintirho ya munyama, kutani hi hakarha matlhari ya ku vonakala.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

1 Yohane 1:5

Mahungu lawa hi ma tweke eka N'wana, lawa hi mi tivisaka wona, hi lawa: Hileswaku Xikwembu i ku vonakala, kutani eka xona ku hava munyama nikutsongo.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

Yohane 12:35

Yesu a ku ka vona: “Ku vonakala ka ha ta va kona nkarhinyana exikarhi ka n'wina; fambani loko ma ha ri ni ku vonakala, leswaku munyama wu ta ka wu nga mi kumi; kasi loyi a fambaka emunyameni a nga tivi laha a yaka kona.

1 Yohane 5:6

Yesu Kriste hi yena loyi a teke eka hina hi mati ya nkhuvulo wa yena, ni ngati ya ku dlawa ka yena; ku nga ri hi mati ntsena, kambe hi mati ni ngati. Kutani Moya i mbhoni ya swona, hikuva Moya i ntiyiso.

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

Pisalema 89:15

We HOSI, ku katekile tiko ra vanhu lava tivaka ku ku bela nkulungwana, va nga lava amukelekaka eka wena, lava hanyaka eku vonakaleni.

Pisalema 56:13

hikuva u ndzi ntshunxile ematimbeni ya rifu, a wu pfumelanga leswaku ndzi rheta ndzi wa, u ndzi fambisile emahlweni ka wena we Xikwembu, eku vonakaleni loku nyikaka vutomi.

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Esaya 2:5

N'wina va ka Yakobo, tanani hi famba eku vonakaleni ka HOSI!

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

1 Yohane 5:8

Moya, mati ni ngati; kutani hi vunharhu bya swona swa twanana.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Yohane 1:29

Siku leri tlhandlamaka, Yohane a vona Yesu a ri karhi a ta a n'wi kongomile, kutani a ku: “Vonani! Hi lexi Xinyimpfana xa Xikwembu lexi susaka swidyoho swa misava!

3 Yohane 1:4

Loko ndzi twa leswaku vana va mina va hanya entiyisweni, eka mina ku hava ku tsaka kun'wana loku tlulaka koloko.

Pisalema 104:2

Ku vonakala i xifunengelo xa wena; u vambile matilo ku fana ni tende.

2 Yohane 1:4

Ndzi tlangerile ngopfu ku kuma leswaku vana van'wana va wena va landza ntiyiso, hilaha Tatana a hi leriseke hakona.

Amosi 3:3

Xana vanhu vambirhi va nga khomisana ndlela, loko va nga rhanganga va boha swin'we makungu ya riendzo rero xana?

Pisalema 51:2

Ndzi hlantswe swinene u ndzi basisa, u susa ku homboloka ka mina ni ku dyoha ka mina.

Esaya 6:7

Kutani yi khumba nomo wa mina yi ku: “Ndzilo lowu wu khumbile milomo ya wena; hikokwalaho vubihi bya wena byi herisiwile, u rivaleriwile ni swidyoho swa wena.”

Esaya 33:24

Emutini lowu, a ku nga vi na muvabyi na un'we, vanhu hinkwavo lava tshamaka etikweni leri, va ta va va rivaleriwile swidyoho swa vona.

Matewu 6:12

u hi rivalela swidyoho swa hina, tanihi loko na hina hi rivalela lava hi dyohelaka;

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Yohane 5:4

hikuva, hi minkarhi yin'wana, ntsumi ya Hosi a yi xikela evuhlambelweni, yi ta pfindlusa mati; kutani la rhangeke a nghena loko mati ma ha ku pfindlusiwa, a a hanyisiwa, hambi a ri ni vuvabyi byihi na byihi.]