1 Vakorinto 4:4 - BIBELE Mahungu Lamanene

⁴ A ndzi titwi ndzi ri ni nandzu wa nchumu; kambe leswi a hi swona swi ndzi endlaka la lulameke; loyi a ndzi avanyisaka i Hosi.

Testamente Leyimpsha Xichangana

⁴ Anititwi na nili ni nandzu wa nchumu; kambe lesvi hi svona lesvi sviniyendlaka lweyi alulameke; lweyi aniyavanyisaka i Hosi.

Xitsonga (Bibele)

⁴ Hikuva a ndzi tivoni nandzu wa nchumu; hambiswiritano, a ndzi vekiwanga la lulameke hakona, kambe la ndzi avanyisaka i Hosi.

1 Vakorinto 4:4 Referans Kwoze

Pisalema 143:2

U nga tshuki u ndzi avanyisa mina nandza wa wena: A ku na munhu na un'we la misaveni la nga riki na nandzu emahlweni ka wena.

Pisalema 130:3

We HOSI, loko onge wa hi hlayela swidyoho swa hina, xana i mani loyi a nga tiyelaka ku yima emahlweni ka wena we N'wini wa hina xana?

2 Vakorinto 1:12

Ku tidzunisa ka hina hi loku: Ripfalo ra hina ri hi byela leswaku hi hanyile exikarhi ka vanhu hi ku lulama ni ku tenga loku humaka eka Xikwembu, ngopfu-ngopfu loko hi tirhisana na n'wina. Hi hanyile ku nga ri hi vutlhari bya misava leyi, kambe hi tintswalo ta Xikwembu.

Swivuriso 21:2

Hinkwaswo leswi munhu a swi endlaka, ú swi vona swi lulamile, kambe HOSI Xikwembu xi kambela mbilu ya yena.

Pisalema 19:12

I mani loyi a nga vonaka swihoxo swa yena xana? Ndzi basise eka milandzu leyi tumbeleke.

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Varhoma 2:13

Hikuva a hi vatwi va Nawu lava voniwaka va ri lava lulameke emahlweni ka Xikwembu, kambe lava fambaka hi ku lerisa ka wona, hi vona lava nga ta hlayiwa leswaku va lulamile.

Ntirho 40:4

“We HOSI, ndzi ntsongo ngopfu emahlweni ka wena, xana ndzi nga ku hlamula yini? Ndzi to timiyelela!

Ntirho 27:6

Ndzi khomile ku lulama ka mina, ndzi nge ku tshiki; ndza swi tiva: A ndzi endlanga swa tingana ni siku ni rin'we.

Ntirho 25:4

Emahlweni ka xona, ku hava la pfumalaka nandzu, munhu wa nyama a nge vi la tengeke eka xona.

Timhaka 23:1

Pawulo a honokela huvo, a ku: “N'wina varikwerhu, ndzi hanyile ndzi ri la ntshunxekeke swinene eripfalweni ra mina ni le mahlweni ka Xikwembu, ku fikela siku ra namuntlha.”

Yohane 21:17

A engeta ra vunharhu a ku ka yena: “Simoni, n'wana Yohane, xana wa ndzi rhandza xana?” Petro a khomiwa hi gome, hi mhaka ya leswi a n'wi vutiseke ra vunharhu a ku: “Xana wa ndzi rhandza xana?” Kutani a ku ka yena: “Hosi, u tiva hinkwaswo, wa swi tiva leswaku ndza ku rhandza.” Yesu a ku ka Petro: “Risa tinyimpfu ta mina.

Ntirho 15:14

Munhu wa nyama i ncini, leswaku a va la tengeke, la velekiweke hi wansati, a nga va la lulameke xana?

Ntirho 9:20

Hambileswi ndzi nga dyohangiki, marito ya mina ma ta ndzi kaneta; hambiloko ndzi nga onhanga nchumu, nomo wa mina wu ta ndzi avanyisa!

Varhoma 4:2

Loko Abrahama a hlayiwile la lulameke hikwalaho ka mintirho ya yena, ú ni swa ku tidzunisa ha swona; kambe ku nga ri emahlweni ka Xikwembu.

Pisalema 50:6

Matilo ma twarisa ku lulama ka Xikwembu, hikuva hi xona xi nga muavanyisi!

Pisalema 26:12

Mina ndzi titwa ndzi tshamisekile, kutani ndzi ta dzunisa HOSI Xikwembu enhlengeletanweni ya xona leyikulu.

Swivuriso 29:26

Vanhu vo tala va lava ku tsakeriwa hi tihosi, kambe i HOSI Xikwembu ntsena lexi avanyiselaka munhu timhaka ta yena.

1 Vakorinto 4:3

Eka mina i mhaka leyitsongo ngopfu ku avanyisiwa hi n'wina, kumbe hi huvo ya vanhu; naswona hambi a ri mina a ndzi tiavanyisi.