1 Vakorinto 4:2 - BIBELE Mahungu Lamanene

² Sweswi ke, leswi lavekaka eka valanguteri hileswaku munhu a kumeka a ri la tshembekeke.

Testamente Leyimpsha Xichangana

² Svosvi-ke, lesvilavekaka ka vahendleleti hi lesvaku munhu akumeka na ali lweyi atshembekeke.

Xitsonga (Bibele)

² Ntsena leswi laviwaka eka vahlavuteri hileswaku un'wana ni un'wana a kumiwa a ri la tshembekeke.

1 Vakorinto 4:2 Referans Kwoze

Matewu 25:21

N'wini wa yena a ku ka yena: ‘Hiswona nandza lonene, la tshembekeke; u tshembekile eswilweni swi nga ri swingani, ndzi ta ku veka ku va mulanguteri wa leswo tala; nghena eku tsakeni ka n'wini wa wena.’

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Matewu 25:23

N'wini wa yena a ku ka yena: ‘Hiswona nandza lonene, la tshembekeke; u tshembekile eswilweni swi nga ri swingani, ndzi ta ku veka ku va mulanguteri wa leswo tala; nghena eku tsakeni ka n'wini wa wena.’

Swivuriso 13:17

Murhumiwa wo biha mbilu, ú nghenisa vanhu ekhombyeni, kasi loyi a tshembekaka, ú tisa ku rhula.

Tinhlayo 12:7

Kasi eka Muxe nandza wa mina a ndzi endlisi sweswo. Ndzi vekile hinkwaswo swa yindlu ya mina emavokweni ya yena.

Vakolosa 4:17

Naswona byelani Arkipo, mi ku: “Vona leswaku tifanelo leti u nyikiweke tona entirhweni wa Hosi u ti hetisisa swinene.”

2 Vakorinto 2:17

Hikuva a hi fani ni lavo tala, lava endlaka bindzu lero biha hi Rito ra Xikwembu; kambe hi vulavula kukotisa vanhu va timbilu leto tenga, kukota lava rhumiweke hi Xikwembu; hi vulavula emahlweni ka Xikwembu hi ri va ka Kriste.

Vakolosa 1:7

Mi dyondzisiwile swona hi Epafrasi, nandza-kulorhi la rhandzekaka, la tirhelaka Kriste hi ku tshembeka ematshan'wini ya hina.

1 Vakorinto 7:25

Hi tlhelo ra lava nga si tekaka kumbe ku tekiwa, a ndzi na xileriso xo huma eka Hosi, kambe ndzi vula ntsena miehleketo ya mina, ndzi ri munhu loyi Hosi yi n'wi endleke ku va wo tshembeka, hi tintswalo ta yona.

2 Vakorinto 4:2

Hi tshikile mintirho hinkwayo ya munyama ni ya tingana; a hi hanyi hi ku xisetela vanhu; a hi soholoti Rito ra Xikwembu; kambe hi humesela ntiyiso erivaleni, kutani hi tikomba hi ri lava nkhensekaka eripfalweni ra un'wana ni un'wana, ne mahlweni ka Xikwembu.

Vakolosa 4:7

Tixiko, makwerhu la rhandzekaka, nandza la tshembekeke ni mutirhi-kulorhi entirhweni wa Hosi, ú ta mi tivisa timhaka hinkwato ta mina, hilaha ti yimeke hakona.

1 Vakorinto 4:17

Hi swona leswi endlaka leswaku ndzi mi rhumela Timotiya, n'wana wa mina la rhandzekaka, la tshembekeke eHosini; ú ta mi tsundzuxa mahanyele ya mina eka Kriste Yesu, hilaha ndzi ma dyondzisaka hakona hinkwako, ekerekeni yin'wana ni yin'wana.

2 TIHOSI 12:15

Naswona, vavanuna lava khomisiweke mali leswaku va ya yi nyika vafambisi va ntirho, a va nga vutisiwi nchumu hi tlhelo ra yona, hikuva a va tirha hi ku tshembeka.

2 TIHOSI 22:7

Kambe mi nga va vutisi nchumu hi mali leyi mi va tameriseke yona, hikuva va tirha hi ku tshembeka.”

1 Vakorinto 4:1

Loko swi ri tano, mi fanele ku hi vona hi ri malandza ya Kriste, ni valanguteri va swihundla swa Xikwembu.

1 Vakorinto 4:3

Eka mina i mhaka leyitsongo ngopfu ku avanyisiwa hi n'wina, kumbe hi huvo ya vanhu; naswona hambi a ri mina a ndzi tiavanyisi.