1 Vakorinto 4:1 - BIBELE Mahungu Lamanene

¹ Loko swi ri tano, mi fanele ku hi vona hi ri malandza ya Kriste, ni valanguteri va swihundla swa Xikwembu.

Testamente Leyimpsha Xichangana

¹ Loko svilitano, mifanele kuhivona tani malandza ya Kriste, ni vahendleleti va svihundla sva Xikwembu.

Xitsonga (Bibele)

¹ Loko swi ri tano, munhu un'wana ni un'wana wa hi tiva leswaku hi malandza ya Kriste, ni vahlavuteri va swihundla swa Xikwembu.

1 Vakorinto 4:1 Referans Kwoze

1 Petro 4:10

Leswi un'wana ni un'wana a nyikiweke nyiko ya yena, tirhisani tinyiko leti mi pfunana ha tona, mi va valanguteri lavanene va tinyiko ta Xikwembu ta tinxaka-xaka.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

1 Timotiya 3:9

va fanele ku hlayisa xihundla xa vupfumeri hi ripfalo leri tengeke.

2 Vakorinto 4:5

Hina a hi titwarisi, kambe hi twarisa Kriste Yesu, hi ku: I Hosi! Kutani hina hi tivula malandza ya n'wina hikwalaho ka Yesu.

Vaefesa 6:19

Na mina mi ndzi khongelela, leswaku Xikwembu xi ndzi pfula xifuva loko ndzi lava ku dyondzisa, ndzi ta kota ku vulavula ndzi nga chavi nchumu, ni ku tivisa vanhu xihundla xa Evhangeli.

Vakolosa 2:2

Ndzi lava leswaku timbilu ta vona ti tiyisiwa, ni leswaku va khomana swin'we hi rirhandzu, kutani va ta fumisiwa hi matlhelo hinkwawo hi ku nyikiwa ku twisisa loku hetisekeke, leswaku va tiva xihundla xa Xikwembu, a nga Kriste;

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Vakolosa 4:3

na hina mi hi khongelela, leswaku Xikwembu xi hi pfulela nyangwa yo dyondzisa Rito ra xona, leswaku hi ta vula erivaleni xihundla xa Kriste, lexi ndzi nga ekhotsweni hikwalaho ka xona;

Vaefesa 1:9

Xikwembu xi endlile leswi ku nga khale a xi lava ku swi endla ha Kriste: Xi hi tivisile ku rhandza ka xona loku a ku fihlekile,

2 Vakorinto 12:6

Loko a ndzi lavile ku tidzunisa, a byi nga ta va vuphukuphuku, hikuva a ndzi ta va ndzi vula ntiyiso; kambe leswi a ndzi nga swi endli, hikuva munhu un'wana a nga tshuka a anakanya leswo tlakuka ngopfu hi mina, ku tlula leswi a swi vonaka, kumbe a swi twaka eka mina.

2 Vakorinto 11:23

Xana i malandza ya Kriste? Na mina ndzi nandza wa yena, ku tlula vona (ndzi vulavula tanihi loko ndzi ri munhu wa rihuhe). Ndzi xanisekile ku va tlula, hi ku tirha swo nonon'hwa, ni ku pfaleriwa emakhotsweni, ni ku biwa ku tlurisa mpimo, ni ku va kusuhi ni ku dlawa minkarhi yo tala.

Luka 12:42

Yesu a hlamula a ku: “Xana mulanguteri lowo tshembeka wa vutlhari i mani xana? Hi loyi n'wini wa yena a nga ta n'wi kuma a ri karhi a hlayisa malandza laman'wana, a ma avela swakudya hi nkarhi wa kona, hikuva hi wona ntirho lowu a nyikiweke wona. Mulanguteri yoloyi ú ta va a katekile, siku n'wini wa yena a vuyaka.

Matewu 24:45

“Xana nandza la tshembekaka, wo tlhariha, hi wihi xana? Hi loyi n'wini wa yena a n'wi vekeke ku hlayisa malandza laman'wana la mutini, a ma phamela swakudya hi nkarhi wa kona.

1 Timotiya 3:16

Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

1 Timotiya 3:6

A nga vi munhu loyi a ha ku pfumelaka, hikuva a nga tshuka a tela hi manyunyu a tikukumuxa, kutani a avanyisiwa kukota Diyavulosi.

2 Vakorinto 6:4

Etimhakeni hinkwato hi tikombile hi ri malandza ya Xikwembu hi ku tiyisela ka hina lokukulu emaxangwini, ni le ku karhatekeni, ni le mahlomulweni;

1 Vakorinto 4:13

loko hi lumbetiwa, hi hlamula hi marito ya tintswalo. Hi hundzukile thyaka ra misava ni tala ra hinkwaswo leswi cukumetiwaka, ku fikela namuntlha.

1 Vakorinto 3:5

Apolosi i ncini? Na Pawulo i ncini? I malandza ntsena lawa mi pfumeleke hi mhaka ya wona; un'wana ni un'wana wa hina ú tirha leswi Hosi yi n'wi nyikeke ku swi tirha.

1 Vakorinto 2:7

kambe hi vulavula hi swa vutlhari bya Xikwembu, byi nga bya xihundla, vutlhari lebyi fihliweke, lebyi Xikwembu xi byi lunghiseke ka ha ri eku sunguleni, byi ta hi nyika ku dzuneka.

Marka 4:11

Kutani a ku ka vona: “N'wina mi nyikiwile ku tiva xihundla xa Mfumo wa Xikwembu, kasi eka lava va nge handle, hinkwaswo swi humelela hi swifaniso.

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Luka 8:10

Kutani a ku: “N'wina, mi nyikiwile ku tiva swihundla swa Mfumo wa Xikwembu, kambe van'wana va nyikiwa swona hi swifaniso, leswaku: “ ‘Ni loko va vona, va nga vonisisi, ni loko va twa, va nga twisisi.’

Luka 1:2

va ti rungurile hilaha na hina hi nga ti twa hakona eka lava a va ri timbhoni ta tona ni malandza ya rito ra Xikwembu ka ha ri eku sunguleni;

Varhoma 11:25

Kutani vamakwerhu, ku endlela leswaku mi nga ti tshuka mi titiva ngopfu, ndzi lava leswaku mi tiva xihundla lexi: Hileswaku, hi tlhelo rin'wana, Vaisraele va nonon'hwisiwile, vamatiko va kondza va nghena eka Xikwembu hi ntalo.

1 Vakorinto 4:2

Sweswi ke, leswi lavekaka eka valanguteri hileswaku munhu a kumeka a ri la tshembekeke.