1 Vakorinto 3:1 - BIBELE Mahungu Lamanene

¹ Hikokwalaho vamakwerhu, mina ndzi hlulekile ku vulavula na n'wina tanihi loko ndzi vulavula ni lava nga va Moya; kambe ndzi vulavurile na n'wina tanihi loko mi ri vanhu va misava ntsena, lava fanaka ni swihlangi eka Kriste.

Testamente Leyimpsha Xichangana

¹ Hikolaho vamakwerhu, mina nihlulekile kuvulavula na n'wina kufana ni loko nivulavula ni lavanga va Moya; kambe ni vulavulile na n'wina kufana ni loko mili vanhu va misava ntsena, lavafanaka ni vatsongwana ka Kriste.

Xitsonga (Bibele)

¹ Loko ndzi ri mina, vamakwerhu, ndzi hlulekile ku vulavula na n'wina kukotisa loko ingi mi ri va Moya; kambe ndzi vulavule na n'wina kukotisa loko ingi mi ri va nyama, ni swihlangi eka Kriste.

1 Vakorinto 3:1 Referans Kwoze

Vaheveru 5:13

Un'wana ni un'wana loyi a hanyaka hi ntswamba, a nga si kuma dyondzo ya leswo lulama, hikuva i xihlangi.

1 Vakorinto 2:6

Hambiswiritano, hi vulavula hi swa vutlhari exikarhi ka lava kuleke emoyeni, byi nga ri vutlhari bya minkarhi leyi, kumbe bya tihosi ta minkarhi leyi, hikuva va le ku herisiweni;

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

Varhoma 7:14

Ha swi tiva leswaku Nawu i wa Moya; kasi mina, ndzi munhu wa nyama ntsena, ndzi xavisiwile ku va hlonga ra ku dyoha.

1 Yohane 2:12

Ndzi tsalela n'wina, vana vanga, hikuva swidyoho swa n'wina swi rivaleriwile hikwalaho ka Kriste.

Vagalatiya 6:1

Vamakwerhu, naloko un'wana a kumiwa a ri karhi a endla xihoxo, n'wina lava mi nga va Moya, n'wi vuyiseni hi moya wa musa. Eka un'wana ni un'wana wa n'wina, ndzi ri, tivonele leswaku na wena u nga ringiwi.

Matewu 16:23

Yena a hundzuluka, a ku ka Petro: “Suka ka mina Sathana! U xikhunguvanyiso eka mina, hikuva a wu ehleketi swa Xikwembu, u ehleketa swa vanhu ntsena.”

1 Vakorinto 14:37

Loko un'wana a tivona a ri mudyondzisi wa Rito, kumbe a ri la nga ni tinyiko ta Moya, a a tive leswaku timhaka leti ndzi mi tsalelaka tona, i swileriso swa Hosi.