1 Vakorinto 2:3 - BIBELE Mahungu Lamanene

³ Loko ndzi tile eka n'wina, a ndzi ri la tsaneke, ni ku chava, ni ku rhurhumela ngopfu.

Testamente Leyimpsha Xichangana

³ Loko nitile ka n'wina, anili lweyi anga ni gome, ni kuchava, ni kurhurhumela ngopfu.

Xitsonga (Bibele)

³ Na mina loko ndzi ri kona exikarhi ka n'wina, a ndzi ri ku tsaneni ni le ku chaveni ni le ku rhurhumeleni lokukulu;

1 Vakorinto 2:3 Referans Kwoze

2 Vakorinto 13:4

A a tsanile loko a vambiwa exihambanweni, kambe sweswi, hi matimba ya Xikwembu, wa hanya. Na hina, ha tsana swin'we na yena, kambe matimba ya Xikwembu ma ta hi nyika vutomi bya yena, leswaku hi kota ku tirha exikarhi ka n'wina.

2 Vakorinto 13:9

Hi tsakile loko hi tsanile, ni loko n'wina mi tiyile; kutani leswi hi swi kombelaka, hileswaku n'wina mi va lava hetisekeke.

2 Vakorinto 10:10

Un'wana a nga vula a ku: “Mapapila ya Pawulo ma tika, ma tlhava, kambe loko a ri exikarhi ka hina hi n'wi vona, ho kuma a ri la solekaka, naswona a swi tikombi leswaku a nga va xivulavuri.”

2 Vakorinto 10:1

Sweswi ke, ndzi mi khongotela hi musa ni vunene bya Kriste, mina Pawulo loyi mi nge ndza soleka loko ndzi ri exikarhi ka n'wina, kasi loko ndzi ri kule na n'wina mi ri ndzi nhenha!

2 Vakorinto 6:4

Etimhakeni hinkwato hi tikombile hi ri malandza ya Xikwembu hi ku tiyisela ka hina lokukulu emaxangwini, ni le ku karhatekeni, ni le mahlomulweni;

2 Vakorinto 4:16

Hikokwalaho a hi heli mbilu; hambileswi hi hlakalaka hi tlhelo ra munhu wa hina wa le handle, hi tlhelo ra munhu wa hina wa le ndzeni, hi hundzuka lavantshwa siku rin'wana ni rin'wana.

2 Vakorinto 4:1

Hikokwalaho leswi Xikwembu, hi tintswalo ta xona, xi nga hi rhuma ku tirha ntirho wolowo, a hi heli mbilu.

Timhaka 18:12

Enkarhini lowu Galiyo a ri muyimeri wa vuhosi le Akaya, Vayuda va pfumelelana ku pfukela Pawulo, kutani va n'wi yisa ehubyeni,

Timhaka 18:6

Kambe loko vona va n'wi kaneta ni ku n'wi sandza, a phumunha ntshuri eswiambalweni swa yena, a ku ka vona: “Nandzu lowu, wu dlaya n'wina vini va wona; loko ndzi ri mina, ndzi humile ka wona; ku sukela sweswi, ndzi ta ya eka vamatiko.”

2 Vakorinto 7:5

Swi tiyile leswaku, loko ndzi fikile eMakedoniya, a ndzi kumanga ku wisa nikutsongo; a ndzi ri eku xanisekeni matlhelo hinkwawo: a ndzi rhendzeriwe hi timholovo, hala ni hala, kutani a ndzi ri ni ku chava embilwini.

Timhaka 17:1

Pawulo na Silasi va famba hi ndlela leyi hundzaka hi le Amfipoli ni le Apoloniya, va fika eTesalonika, laha a ku ri ni sinagoga ra Vayuda.

Timhaka 18:1

Endzhaku ka sweswo Pawulo a suka eAtena, a ya eKorinto.

Esaya 19:16

Nkarhi wa ta lowu Vaegipta va nga ta rhurhumela hi ku chava ku fana ni vavasati, loko va vona HOSI ya matimba hinkwawo yi tlakusile voko, yi lava ku va ba.

2 Vakorinto 7:15

Hikokwalaho, rirhandzu ra yena eka n'wina ri yile ri kula loko a anakanya hilaha mi yingiseke hakona, n'wina hinkwenu, ni hilaha mi n'wi amukeleke hakona, hi xichavo ni ku rhurhumela.

Vaefesa 6:5

N'wina mahlonga, yingisani vini va n'wina va laha misaveni, hi xichavo ni ku titsongahata, mi swi endla hi timbilu to basa, ku fana ni loko mi tirhela Kriste hi xiviri;