1 Vakorinto 12:3 - BIBELE Mahungu Lamanene

³ Hikokwalaho, ndza mi tsundzuxa ndzi ri, munhu la fambisiwaka hi Moya wa Xikwembu, a nga ka a nga vuli a ku: “Yesu a a rhukaniwe!” Naswona a ku na munhu la nga vulaka a ku: “Yesu i Hosi!” loko a nga ri la fambisiwaka hi Moya lowo Kwetsima.

Testamente Leyimpsha Xichangana

³ Hikolaho, namitsundzuxa nili, munhu lweyi afambisiwaka hi Moya wa Xikwembu, angakala angavuli aku: “Yesu aarhukiwe!” Nasvona aku na munhu lweyi angavulaka aku: “Yesu i Hosi!” Loko angali lweyi afambisiwaka hi Moya Lowokwetsima.

Xitsonga (Bibele)

³ Hikwalaho ndzi mi ti visaka leswaku a ku na munhu la vulavulaka hi Moya wa Xikwembu, a ku: “Yesu i anathema.” Na swona a ku na munhu la nga tivaka ku vula a ku: “Yesu i Hosi,” loko ku nga ri hi Moya lowo Kwetsima.

1 Vakorinto 12:3 Referans Kwoze

2 Vakorinto 3:5

Hina hi hexe a hi na matimba yo tirha ntirho lowu; hi nga ka hi nga vuli leswaku hi na lexi xi humaka eka hina, kambe matimba ya hina ma huma eka Xikwembu.

Varhoma 10:9

Loko u vula hi nomo wa wena leswaku Yesu i Hosi, ni loko u pfumela embilwini ya wena leswaku Xikwembu xi n'wi pfuxile exikarhi ka vafi, u ta ponisiwa.

Yohane 13:13

Mi ndzi vula ‘Mudyondzisi’ ni ‘Hosi’; ma vurisa, hikuva ndzi yena.

1 Vakorinto 8:6

eka hina ku ni Xikwembu xin'we ntsena, Tatana loyi swilo hinkwaswo swi humaka eka yena, na hina hi hanyelaka yena; naswona ku ni Hosi yin'we ntsena, Yesu Kriste loyi hinkwaswo swi taka hi le ka yena, na hina hi hanyaka hikwalaho ka yena.

Yohane 15:26

“Siku ku nga ta fika Muyimeri, loyi ndzi nga ta mi rhumela yena a ta hi le ka Tatana, a nga Moya wa ntiyiso lowu humaka eka Tatana, ú ta humesa vumbhoni ehenhla ka mina;

Matewu 22:43

A ku ka vona: “Loko swi ri tano, hikwalaho ka yini Davhida a kombisiwile hi Moya ku vula leswaku Mesiya i N'wini wa hinkwaswo ke? Hakunene Davhida ú te:

Marka 9:39

Kambe Yesu a ku: “Mi nga tshuki mi n'wi sivela, hikuva a ku na munhu loyi a nga hatlaka a vula swo biha hi mina, loko a endlile mahlori hi vito ra mina.

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Duteronoma 21:23

ntsumbu wa yena wu nga tshuki wu tshama vusiku hinkwabyo emhandzeni. Mi fanele ku n'wi lahla siku rero, hikuva ntsumbu lowu hayekiweke emhandzeni i ndzhukano eka HOSI Xikwembu. Mi nga tshuki mi nyamisa tiko leri HOSI Xikwembu xa n'wina xi mi nyikaka rona leswaku ri va ndzhaka ya n'wina.

2 Vakorinto 11:4

Hikuva loko ku fika un'wana, a mi ndyondzisa ta Yesu un'wana, a nga ri yena loyi hi mi dyondziseke ta yena, kumbe loko mi amukela Moya wumbe, wu nga ri wona lowu mi wu amukeleke, kumbe Evhangeli yimbe, yi nga ri yona leyi mi yi amukeleke ka hina, mi twanana na swona hi ndlela yo hlamarisa.

Varhoma 9:3

Hikuva a ndzi ta navela, mina hi xiviri xa mina, ku va loyi a cukumetiwaka, ndzi hambanisiwa na Kriste hikwalaho ka vona lava va nga va rixaka ra ka hina hi ku velekiwa.

Nhlavutelo 1:10

Kutani, hi siku ra Hosi, ndzi tela hi Moya, ndzi twa rito leri huwelelaka hi le ndzhaku ka mina, ri pfuma kukota nanga,

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Yohane 13:14

Kutani ke loko mina, Hosi ya n'wina ni Mudyondzisi wa n'wina, ndzi mi hlambisile milenge, na n'wina mi ta fanela ku hlambisana milenge,

Pisalema 109:20

We HOSI, vanhu lava va ndzi vekaka nandzu ni ku ndzi lumbeta, va be hi mindzhukano yeleyo!

Timhaka 8:37

Filipi a ku: “Loko u pfumela hi mbilu ya wena hinkwayo, u nga khuvuriwa.” A hlamula a ku: “Ndza pfumela leswaku Yesu Kriste i N'wana wa Xikwembu.”]