1 Vakorinto 10:3 - BIBELE Mahungu Lamanene

³ hinkwavo va dyile swakudya swo fana swo huma tilweni;

Testamente Leyimpsha Xichangana

³ hinkwavu vajile svakuja sva moya sva kufana, lesvihumeke tilweni;

Xitsonga (Bibele)

³ hinkwavo va dya swakudya swin'we swa Moya;

1 Vakorinto 10:3 Referans Kwoze

Duteronoma 8:3

Xi mi tshinyile hi ku mi rhumela ndlala, kutani xi mi phamela manna, swi nga swakudya leswi a mi nga swi tivi, hambi va ri vatata wa n'wina va nga swi tivangiki. Swilo leswi, xi swi endlerile ku mi dyondzisa leswaku munhu a nga ka a nga hanyi hi vuswa ntsena, kambe ú ta hanya hi marito hinkwawo lama humaka enon'weni wa HOSI Xikwembu.

Nehemiya 9:15

U va nyikile swakudya leswi humaka etilweni leswaku va susa ndlala; u va nyikile ni mati lama humaka eribyeni leswaku va tima torha. U va lerisile leswaku va nghena va teka tiko leri u hlambanyeke leswaku u ta va nyika rona ri va ra vona.

Nehemiya 9:20

U va nyikile Moya wa wena lowunene wu va letela; u va phamerile manna, va dya, u va nyikile ni mati va tima torha.

Eksoda 16:35

Vaisraele va dyile manna ku ringana malembe ya 40, ku kondza va ya fika etikweni leri a ri tshameka; va fikile endzilekaneni wa Kanana va ha dya manna.

Eksoda 16:4

HOSI Xikwembu xi ku ka Muxe: “Ndzi ta mi rhumela vuswa byi huma etilweni; kutani siku rin'wana ni rin'wana vanhu va fanele ku huma va ya hlengeleta swo ringana ku dya siku rin'we ntsena. Ndzi lava ku va kambela, ku vona loko va ta yingisa kumbe va nga yingisi nawu wa mina.

Pisalema 105:40

Loko va kombela nyama, xi va tisela switsatsatsa, xi va nyika ni vuswa lebyi humaka etilweni va dya va xurha.

Eksoda 16:15

Loko Vaisraele va swi vona, va vutisana va ku: “I swilo muni leswi?” hikuva a va nga tivi leswaku a swi ri swilo muni. Kutani Muxe a ku ka vona: “Lebyi i vuswa lebyi mi nyikiwaka hi HOSI Xikwembu, lebyi mi nga ta dya byona.