1 Vakorinto 1:7 - BIBELE Mahungu Lamanene

⁷ hikokwalaho a mi pfumali nyiko ni yin'we ya Moya, loko mi ri karhi mi langutela ku hlavuteriwa ka Hosi ya hina Yesu Kriste,

Testamente Leyimpsha Xichangana

⁷ hi kolaho amipfumali nyiko ni yin'we ya Moya, loko mili karhi milangutela kuhlavuteliwa ka Hosi ya hina Yesu Kriste,

Xitsonga (Bibele)

⁷ hikwalaho-ke, a mi pfumalangi nyiko, ni loko yi ri yin'we ya tintswalo, n'wina mi langutelaka ku humelela eka Hosi ya hina Yesu Kriste,

1 Vakorinto 1:7 Referans Kwoze

Vafilipiya 3:20

Kambe ra hina kaya ri le matilweni, kutani hi langutela hi mbilu hinkwayo Muponisi wa hina loyi a nga ta ta a huma kona, a nga Hosi Yesu Kriste.

2 Petro 3:12

mi ri karhi mi langutela siku ra Xikwembu, mi endla leswaku ri hatla ri fika, ri nga siku leri ha rona ku nga ta tshwa matilo ma hela, ni hinkwaswo swa ntumbuluko swi nga ta n'okisiwa hi ndzilo.

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Yuda 1:21

Tshamani erirhandzwini ra Xikwembu. Langutelani musa wa Hosi ya hina Yesu Kriste lowu yisaka evutomini lebyi nga heriki.

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

1 Petro 4:13

Kambe tsakani hileswi mi averiwaka ku vaviseka ka Kriste, leswaku siku a humelelaka eku kwetsimeni ka yena, na n'wina mi ta tsaka mi tsakisisa.

Tito 2:13

hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

Varhoma 8:19

Hikuva swivumbiwa hinkwaswo swi langutela, hi ku navela lokukulu, leswaku Xikwembu xi kombisa erivaleni vana va xona.

Luka 17:30

Swi ta va tano hi siku leri N'wana-wa-Munhu a nga ta humelela ha rona.

1 Petro 5:4

Kutani siku murisi lonkulu a nga ta humelela, mi ta kuma harhi leyo kwetsima, leyi nga riki na ku onhaka.

1 Petro 1:13

Hikokwalaho, pfukani emiehleketweni! Tikhomeni! Vekani ku tshemba ka n'wina hinkwako ehenhla ka tintswalo leti mi nga ta kombiwa tona, siku Yesu Kriste a nga ta humelela.

2 Timotiya 4:8

Leswi saleke, hileswaku harhi ya vahluri yi ndzi yimerile, ku nga ku lulama loku Hosi, muavanyisi lowo lulama, yi nga ta ndzi nyika hi siku lerikulu; kutani a yi nga nyiki mina ntsena, kambe yi ta nyika ni hinkwavo lava tsakeleke ku humelela ka yona.

2 Vatesalonika 1:7

kutani xi ta mi nyika ku wisa swin'we na hina, n'wina mi xanisiwaka; xi ta endla sweswo siku Hosi Yesu a humelelaka hi le tilweni, swin'we ni tintsumi ta yena ta matimba,

1 Vatesalonika 1:10

Naswona mi langutela ku ta ka N'wana wa xona Yesu hi le matilweni, loyi xi n'wi pfuxeke exikarhi ka vafi, loyi a hi lamulelaka eku avanyiseni ka xona loku taka.

Vakolosa 3:4

Vutomi bya n'wina bya xiviri i Kriste, kutani loko a humelela, na n'wina mi ta humelela na yena eku kwetsimeni.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Luka 12:36

mi fana ni vanhu lava langutelaka n'wini wa vona, siku a vuyaka enkhubyeni wa vukati, leswaku loko a fika ni loko a gongondza, va ta hatlisa va n'wi pfulela.

Matewu 25:1

“Enkarhini wolowo, Mfumo wa matilo wu ta fana ni vanhwana va khume lava nga teka timboni ta vona ku ya hlanganisa muteki.

Genesa 49:18

“We HOSI, ndzi langutele ku ponisiwa hi wena!

2 Vakorinto 12:13

Xana mi tshama mi tluriwa hi tikereke tin'wana? Hi yini ke, loko ku nga ri ntsena hi leswi ndzi nga mi rhwexangiki ndzhwalo wo ndzi hlayisa? Ndzi khomeleni eka xihoxo xexo!

Varhoma 8:23

A ku konyi swivumbiwa ntsena, kambe na hina hi nga amukela mihandzu yo rhanga ya Moya lowo Kwetsima, ha konya endzeni ka hina, hi ri karhi hi langutela ku endliwa vana, ku nga ku kutsuriwa ka miri wa hina.

Vagalatiya 5:5

Loko a ri hina, hi ni ku tshemba leswaku Xikwembu xi ta hi endla lava lulameke emahlweni ka xona, kutani hi swona leswi hi swi langutelaka, hi matimba ya Moya lowu tirhaka eka hina, hi ku pfumela loku hi nga na kona.