1 Vakorinto 1:6 - BIBELE Mahungu Lamanene

⁶ hikuva vumbhoni bya hina eka Kriste byi tiyisiwile exikarhi ka n'wina;

Testamente Leyimpsha Xichangana

⁶ hikuva vumboni bza hina ha Kriste bzitiyisiwile mahlweni ka n'wina;

Xitsonga (Bibele)

⁶ hilaha vumbhoni bya Yesu Kriste byi tiyisiweke eka n'wina;

1 Vakorinto 1:6 Referans Kwoze

Nhlavutelo 1:2

Hi ku rungula hinkwaswo leswi a swi voneke, Yohane ú veka vumbhoni ehenhla ka Rito leri humaka eka Xikwembu, ni le henhla ka ntiyiso wa leswi vuriwaka hi Yesu Kriste.

2 Timotiya 1:8

Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Nhlavutelo 19:10

Kutani ndzi nkhinsama ni ku korhama emilengeni ya yena ku ta yi gandzela, kambe yi ku ka mina: “U nga tshuki u endla sweswo, mina ndzi nandza ntsena, kukota wena ni vamakwenu lava hlayisaka vumbhoni lebyi humesiweke hi Yesu. Gandzela Xikwembu!” Vumbhoni lebyi humesiweke hi Yesu, hi wona mongo wa vuhlavuteli.

2 Vakorinto 12:12

Ndzi mi nyikile vumbhoni bya leswaku ndzi muapostola wa xiviri, hi ku mi lehisela mbilu swinene, ni ku endla mahlori, ni swihlamariso, ni mintirho ya matimba exikarhi ka n'wina.

Varhoma 15:19

hi matimba ya mahlori ni swihlamariso, ni matimba ya Moya; hi mukhuva wolowo, ndzi haxile Mahungu Lamanene ya Kriste ematlhelweni hinkwawo, ku sukela le Yerusalema, ku ya fika le Iliriya;

Timhaka 20:24

Hambiswiritano, ndzi vona leswaku ku lahlekeriwa hi vutomi, a swi na mhaka nikutsongo eka mina, loko ndzi nga kota ntsena ku heta leswi ndzi nga rhumiwa ku endla swona, ni ntirho lowu ndzi wu amukeleke eka Hosi Yesu, wa ku vula Mahungu Lamanene ya tintswalo ta Xikwembu.

Nhlavutelo 12:17

Dragona yi kariha swinene hikwalaho ka wansati loyi, yi suka yi ya lwa ni va rixaka ra yena lava saleke, lava hlayisaka milawu ya Xikwembu ni ku humesa vumbhoni bya Yesu.

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

Vagalatiya 3:5

Xana loyi a mi avelaka Moya, a tlhela a endla mahlori exikarhi ka n'wina, ú swi endla hi mhaka ya leswi mi hlayisaka Nawu, kumbe hileswi mi pfumeleke Evhangeli, siku mi nga yi twa, xana?

Timhaka 28:23

Va n'wi vekela siku, kutani va ta ka yena va telenyana, endlwini leyi a a tshama ka yona. Pawulo a va hlamusela ta Mfumo wa Xikwembu, a ti tiyisa hi vumbhoni bya yena; a ringeta ni ku va kombisa ta Yesu, hi ku hlaya eNawini wa Muxe, ni ka vaprofeta, a vulavula ku sukela nimixo ku ya fika nimadyambu.

Timhaka 23:11

Evusikwini lebyi tlhandlamaka, Hosi yi tikomba eka Pawulo, yi ku: “Tiyisa mbilu Pawulo, hikuva kukotisa leswi u humeseke vumbhoni lebyo tiya ehenhla ka mina kwala Yerusalema, swi fanele leswaku u humesa vumbhoni lebyo tano ni le Rhoma.”

Timhaka 22:18

ndzi vona Hosi yi ri karhi yi ndzi byela, yi ku: ‘Hatlisa u suka eYerusalema, u nga hlweri, hikuva vanhu va kona a va nga amukeri vumbhoni lebyi u byi vulaka ehenhla ka mina.’

Timhaka 20:21

Ndzi tsundzuxile swinene Vayuda ni Vagriki ku hundzukela eka Xikwembu ni ku pfumela eka Hosi ya hina Yesu.

Timhaka 18:5

Loko Silasi na Timotiya va tile va huma le Makedoniya, Pawulo a tinyiketa ku dyondzisa Rito ntsena, a nga ha tirhi swin'wana; a tiyisa eka Vayuda leswaku Mesiya, hi yena Yesu.

Marka 16:20

Loko va ri vona, va suka va famba, va ya twarisa Evhangeli hinkwako, Hosi yi ri karhi yi tirhisana na vona, yi tiyisa marito ya vona hi mahlori lawa a ma humelela enkarhini wolowo.]

Nhlavutelo 12:11

Vamakwerhu va n'wi hlurile hi ngati ya Xinyimpfana, ni vumbhoni lebyi va byi humeseke, kutani a va tsetselelanga vutomi bya vona ku fikela loko va dlawa.

Nhlavutelo 6:9

Loko Xinyimpfana xi lemurile xilemo xa vuntlhanu, ndzi vona ehansi ka alitari mimoya ya lava a va dlayiwile hi mhaka ya ku twarisa Rito ra Xikwembu ni hikwalaho ka ku humesa vumbhoni bya vona.

Nhlavutelo 1:9

Mina Yohane, ndzi makwenu ni nakuloni hikwalaho ka Yesu, hikuva ndzi tiyisela ku fana na n'wina emaxangwini ya vanhu lava Mfumo wu nga wa vona. Ndzi yisiwile exihlaleni lexi vuriwaka Patmosi, hi mhaka ya leswi ndzi nga haxa Rito ra Xikwembu ni ku tiyisa vumbhoni bya Yesu.

Timhaka 11:21

Matimba ya Hosi a ma ri na vona; kutani vanhu lavo tala va pfumela, va hundzukela ka Hosi.

Timhaka 11:17

Kutani ke, leswi Xikwembu xi va nyikeke nyiko leyi fanaka ni leyi hi nga yi kuma hina, hi ku pfumela eka Hosi Yesu Kriste, xana a ndzi ri mani mina ku alela Xikwembu xana?”