1 Vakorinto 1:5 - BIBELE Mahungu Lamanene

⁵ Eka yena mi endliwile lava fumeke matlhelo hinkwawo, eku vulavuleni hinkwako, ne ku tiveni hinkwako,

Testamente Leyimpsha Xichangana

⁵ Ha yena miyendliwile lavafuweke hi matlhelo hinkwawu, kuvulavuleni hinkwaku, ni le kutiveni hinkwaku,

Xitsonga (Bibele)

⁵ hikuva mi nyikiwe hi yena swilo hinkwaswo, eku vulavuleni hinkwako ka marito, ni le ku tiveni hinkwako,

1 Vakorinto 1:5 Referans Kwoze

2 Vakorinto 9:11

ú ta mi fumisa hinkwaswo, leswaku mi ta tiva ku hanana hi mukhuva wihi ni wihi, kutani leswi swi endla leswaku van'wana va nkhensa Xikwembu hikwalaho ka leswi mi swi endlaka.

2 Vakorinto 8:7

Mi swifumi eka hinkwaswo leswi mi nga na swona, eku pfumeleni, eku vulavuleni, evutivini, ni le ku hisekeni hinkwako, ni le rirhandzwini leri hi ri pfuxeke eka n'wina; hi mukhuva wolowo, kombani leswaku mi swifumi eku humeseni ka nyiko yoleyo ya tintswalo.

Vakolosa 2:3

eka yena ku tumbetiwile rifuwo hinkwaro ra vutlhari ni ra vutivi.

Vafilipiya 1:9

Xikhongelo xa mina hi lexi: Ndzi khongela leswaku rirhandzu ra n'wina ri ya mahlweni ri kula masiku hinkwawo, ri va ni vutivi ni ku twisisa loku hetisekeke,

Varhoma 15:14

Loko ndzi ri mina, vamakwerhu, ndza tshemba leswaku na n'wina mi talele hi vunene, ni leswaku mi ni vutivi lebyo tala bya tinxaka-xaka; ma swi kota ni ku tsundzuxana.

Yakobo 3:13

Exikarhi ka n'wina, ku nga va ni loyi a tlhariheke, la nga ni vutivi: A a kombe mintirho ya yena hi mahanyelo ya yena lamanene, lama nga ni vutlhari ni ku titsongahata.

Vakolosa 3:10

hikuva mi ambarile munhu wa hanyelo lerintshwa loyi a pfuxetiwaka kambe na kambe, leswaku mi kota ku tiva swinene Xikwembu lexi xi n'wi tumbuluxeke hi xifaniso xa xona.

Vaefesa 6:19

Na mina mi ndzi khongelela, leswaku Xikwembu xi ndzi pfula xifuva loko ndzi lava ku dyondzisa, ndzi ta kota ku vulavula ndzi nga chavi nchumu, ni ku tivisa vanhu xihundla xa Evhangeli.

Vaefesa 1:17

ndzi kombela leswaku Xikwembu xa Hosi ya hina Yesu Kriste, Tatana la dzunekaka, xi mi nyika Moya wa vutlhari, xi tihlavutela ha wona eka n'wina, leswaku mi ta xi tiva swinene.

1 Vakorinto 12:8

Un'wana ú nyikiwa hi Moya ku vulavula swa vutlhari, un'wana ú nyikiwa ku vulavula swa vutivi, hi ku ya hi Moya wolowo;

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

Vaefesa 3:8

Mina ndzi nga lontsongo ngopfu eka vahlawuriwa va Xikwembu hinkwavo, ndzi nyikiwile nkateko lowu wa ku fikisa eka vamatiko mahungu lamanene ya rifuwo leri nga hlayekiki ra Kriste,

Vaefesa 2:7

Xi endlile leswi ku komba, eminkarhini leyi taka, ku tala loku nga pimekiki ka tintswalo ta xona, hi vunene lebyi xi hi endleleke byona ha Kriste Yesu.

1 Vakorinto 13:2

Ni loko kumbe ndzi ri ni matimba yo vula Rito, ndzi ri ni ku twisisa swihundla hinkwaswo ni vutivi hinkwabyo, ni loko ndzi ri ni ku pfumela hinkwako, ndzi ko ndzi susa tintshava, kambe ndzi nga ri na rirhandzu, a ndzi nchumu.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

1 Vakorinto 14:26

Loko swi ri tano, ku nga endliwa yini, vamakwerhu? Loko mi hlengeletana, un'wana a nga va ni Pisalema, un'wana a nga va ni dyondzo, kumbe mhaka leyi a kombisiweke yona hi Xikwembu, kumbe nyiko yo vulavula hi ririmi leri nga tiviwiki, kumbe nyiko yo hlamusela leswi vulavuriweke; kambe hinkwaswo a swi ve leswi akisaka nhlengeletano.

1 Vakorinto 13:8

Rirhandzu a ri heli, ni siku ni rin'we. Loko ma ri matimba ya hina yo vula Rito, ma ta hundza; na tona tindzimi ti ta nyamalala; hambi byi ri byona vutivi byi ta hundza.

1 Vakorinto 12:10

un'wana ú nyikiwa matimba yo endla mahlori, un'wana matimba yo vula Rito; un'wana ú kota ku vona ku hambana exikarhi ka mimoya; un'wana ú nyikiwa ku vulavula hi tindzimi leti nga tiviwiki ta tinxaka-xaka, un'wana matimba yo hlamusela tindzimi leti.

1 Vakorinto 8:11

Kutani makwenu loyi a tsaneke, loyi Kriste a n'wi feleke, wa onhaka hi mhaka ya vutivi bya wena.

Varhoma 15:4

Hinkwaswo leswi tsariweke hi lava khale, swi tsariwile leswaku hi dyondza ha swona, ni leswaku hi va ni ku langutela, hikwalaho ka ku tiyisela ni ku chaveleriwa loku hi ku kumaka eMatsalweni.

Varhoma 11:12

Kutani leswi nandzu wa ku wa ka vona wu endleke leswaku minkateko yi tala emisaveni, ni leswi ku tsandzeka ka vona ku endleke leswaku minkateko yi talela vamatiko, ngopfu-ngopfu ku vuya ka Vaisraele hi ntalo, ku ta tisa minkateko leyikulu!

Timhaka 2:4

Hinkwavo va tala hi Moya lowo Kwetsima, kutani va sungula ku vulavula hi tindzimi tin'wana, hilaha Moya wu nga va nyika ku vulavula hakona.

2 Vakorinto 6:10

ha vavisiwa, hambiswiritano hi tsakile masiku hinkwawo; wonge hi swisiwana, kasi hi fumisa lavo tala; wonge a hi na nchumu, kasi hi ni swilo hinkwaswo.