1 Timotiya 6:6 - BIBELE Mahungu Lamanene

⁶ Hakunene vukhongeri lebyi nga ni ku tsaka ka mbilu i rifuwo lerikulu.

Testamente Leyimpsha Xichangana

⁶ Hakunene vukhongeli lebzinga ni kutsaka ka mbilu i rifuwo lerikulu.

Xitsonga (Bibele)

⁶ Kunene vukhongeri, loko byi ri ni ku tsaka ka mbilu, i rifuwo lerikulu;

1 Timotiya 6:6 Referans Kwoze

Vaheveru 13:5

Mi nga fumiwi hi mali eku hanyeni ka n'wina, kutani mi kolwa hi leswi mi nga na swona, hikuva Xikwembu xi te: “Ndzi nga ka ndzi nga ku tshiki, kumbe ku ku cukumeta, ni siku ni rin'we.”

1 Timotiya 6:8

Hikokwalaho, loko hi ri ni swakudya ni tinguvu, hi ta kolwa hi swona.

Swivuriso 16:8

Ku va ni swilo switsongo leswi u swi kumeke hi tindlela letinene, swi tlula ku va ni xuma lexo tala lexi u xi kumeke hi tindlela leto biha.

1 Timotiya 4:8

hikuva hambiloko ku chuka-chukisa miri ku ri loku ku pfunaka hi matlhelo man'wana, vukhongeri byi pfuna hi matlhelo hinkwawo, naswona byi tshembisa vutomi bya nkarhi lowu, ni bya lowu taka.

Vafilipiya 1:21

Hikuva eka mina, ku hanya i Kriste, ni ku fa i ku vuyeriwa.

Swivuriso 15:16

Xisiwana lexi chavaka HOSI Xikwembu, xi fumile ku tlula loyi a nga ni xuma lexo tala, lexi n'wi pfumataka vurhongo.

Pisalema 37:16

Leswitsanana leswi munhu wo lulama a nga na swona, swi tlula rifuwo ra vanhu vo tala lavo homboloka;

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Varhoma 8:28

Kambe hi tiva leswaku, etimhakeni hinkwato, Xikwembu xi le ntirhweni wa ku tisa leswinene eka lava va xi rhandzaka, va nga lava xi va vitaneke, hi ku ya hi makungu ya xona.

Luka 3:14

Masocha na wona ma n'wi vutisa ma ku: “Hina ke, hi ta endla yini?” A ku ka vona: “Mi nga phanghi swilo swa vanhu, mi nga va tekeli swona hi ku xisa, kambe mi kolwa hi hakelo ya n'wina.”

Eksoda 2:21

Kutani Muxe a pfumela ku tshama eka munhu loyi; hiloko a nyika Muxe Sipora n'wana wa yena leswaku a va nsati wa yena.

2 Vakorinto 4:17

Hikuva maxangu lawa ya nga riki na ku tika ngopfu, lawa ya nga ya nkarhinyana ntsena, ma hi tisela ku kwetsima loku nga ni ntikelo swinene, loku nga heriki, loku tlulaka ngopfu mpimo hinkwawo.

Swivuriso 28:25

La nga ni makolo, ú vanga madzolonga, kasi munhu loyi a tshembaka HOSI Xikwembu, ú ta dya a xurha.

Yeremiya 35:9

A hi tiakelanga tindlu to tshama eka tona; hambi ma ri masimu ya vhinya kumbe ya mavele, hambi mbewu yinene, hina hi hava.

Luka 12:15

Kutani a ku ka vona: “Tlharihani mi tivonela eka makwanga wahi ni wahi, hikuva vutomi bya munhu a byi humi eka swilo leswi a swi fuweke hambiloko swi n'wi talele ngopfu.”

2 TIHOSI 6:2

Hi pfumelele ku ya tsema timhandze enkoveni wa Yordani, un'wana ni un'wana a vuya ni yin'we, hi lulamisa ndhawu yo hlengeletanela kona.” Elixa a va hlamula, a ku: “Fambani!”