1 Timotiya 6:18 - BIBELE Mahungu Lamanene

¹⁸ Va byele ku endla leswo lulama, va tala rifuwo ra mintirho leyinene, va hanana, va tiva ni ku pambulela van'wana.

Testamente Leyimpsha Xichangana

¹⁸ Vabzele kuyendla lesvinene, vatala rifuwo ra mintirho leyinene, vanyika, vativa ni kupambulela van'wana.

Xitsonga (Bibele)

¹⁸ va tirha leswo saseka, va fuwa mitirho leyinene va rhandza ku avela van'wana swa vona, va hanana;

1 Timotiya 6:18 Referans Kwoze

Vaheveru 13:16

Mi nga rivali ku endla leswinene ni ku pambulela van'wana leswi mi nga na swona, hikuva magandzelo lawa hi wona lama tsakisaka Xikwembu.

1 Yohane 3:17

Kambe loko munhu a ri ni swilo swa misava leyi, kutani a vona makwavo a ri eku pfumaleni, kambe a nonon'hwisa mbilu ya yena a nga n'wi pfuni, xana rirhandzu ro rhandza Xikwembu ri nga tshamisisa ku yini eka yena xana?

Varhoma 12:8

loyi a nga ni nyiko ya ku khongotela, a a khongotele; loyi a hananaka, a a hanane hi mbilu leyo basa; loyi a fambisaka van'wana, a a va fambise hi ku chivirika; loyi a twelaka van'wana vusiwana, a a swi endle hi ku tsaka.

Pisalema 37:3

Wena tshemba HOSI, u endla leswinene, kutani u ta tshamiseka etikweni, u nga chavisiwi hi nchumu.

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Luka 12:21

Yesu a heta hi ku vula a ku: “Swi tano ni ka loyi a tihlengeletelaka xuma, a nga fuweri Xikwembu.”

Vagalatiya 6:10

Hikokwalaho, minkarhi hinkwayo loko swi koteka, a hi endleleni vanhu hinkwavo leswinene, ngopfu-ngopfu va ndyangu wa lava pfumeleke.

Varhoma 12:13

Pambulelani vahlawuriwa va Xikwembu loko va pfumala, mi gingirika eku amukeleni ka vaendzi.

1 Timotiya 5:10

naswona ú fanele ku va ni vumbhoni lebyi twalaka hi tlhelo ra mintirho leyinene ya yena, ku fana ni ku kurisa vana hi ndlela ya kona, ni ku tsakela vaendzi, ni ku hlantswa milenge ya vahlawuriwa va Xikwembu, ni ku pfuna lava xanisekaka, ni ku tshama a ri karhi a endla leswinene hi matlhelo hinkwawo.

2 Vakorinto 8:9

Ma ti tiva tintswalo ta Hosi ya hina Yesu Kriste: A a fumile, hambiswiritano ú hundzukile xisiwana hikwalaho ka n'wina, leswaku mi endliwa swifumi hi vusiwana bya yena.

2 Vakorinto 8:12

Hikuva loko munhu a navela swinene ku nyika, Xikwembu a xi kombeli leswi a nga riki na swona, kambe xi amukela swo leswi a swi humesaka.

1 Vakorinto 16:2

Hi siku ro sungula ra vhiki, un'wana ni un'wana wa n'wina a a veke swin'wana hi tlhelo, eka leswi a swi bindzuriseke, leswaku nhlengo wu nga ha endliwi siku ndzi taka.

Esaya 58:7

Loko mi dya, mi nga tsoni lava nga ni ndlala, rhurhelani swisiwana leswi nga riki na kaya; loko mi vona munhu la hlakaleriweke, n'wi nyikeni swiambalo, mi nga tshiki varikwenu ekhombyeni.

Eklesiasta 11:6

Haxa mbewu ka ha ra nimixo, ni loko ri rhengile u nga tshami hi mavoko, hikuva a wu tivi leyi nga ta mila. Ku nga mila leyi kumbe liya, kumbe yi mila hinkwayo.

Pisalema 112:9

A nga karhali ku humesa swilo swa yena, a pfuna vapfumari ha swona; a nga tshiki ku hanana; hikokwalaho matimba ya yena ma ta ya ma kula, a xiximiwa hi vanhu.

3 Yohane 1:11

Nakulorhi, u nga tekeleli mikhuva leyo biha, kambe tekelela leyinene. Loyi a endlaka leswinene i wa Xikwembu; loyi a endlaka leswo biha a nga vonanga Xikwembu.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Esaya 32:8

Kasi munhu lonene ú endla makungu lamanene, mintirho ya yena hi leyinene ntsena.

Eklesiasta 3:12

Hi ku vona ka mina, vanhu va nge tikumeli swo tsakisa ku tlula ku tiphina hi leswo nandziha swa vutomi lebyi.

2 TIKRONIKA 24:16

kutani va n'wi lahla emutini wa Davhida, emasirheni ya tihosi, hikuva a a pfunile ngopfu tiko ra Israele loko a ri karhi a tirhela Xikwembu ni yindlu ya xona.

1 Petro 3:11

a a tshike leswo homboloka a endla swo lulama; a a lave ku rhula a tiyisela endleleni ya kona.

Timhaka 11:29

Kutani vadyondzisiwa va twanana leswaku un'wana ni un'wana wa vona, ú ta rhumela leswi a swi kotaka ku pfuna vamakwavo lava akeke etikweni ra Yudiya.

Timhaka 10:38

mi tiva ni ta Yesu wa Nazareta, ni hilaha Xikwembu xi cheleke hakona Moya lowo Kwetsima ni matimba ehenhla ka yena. A a famba-famba hinkwako, a ri karhi a endla leswinene, a horisa hinkwavo lava xanisiwaka hi Diyavulosi, hikuva Xikwembu a xi ri na yena.

Matewu 5:42

Nyika la kombelaka eka wena, u nga fularheli loyi a navelaka ku lomba xa nchumu eka wena.

Luka 3:11

A hlamula a ku ka vona: “Loyi a nga ni swiambalo swimbirhi, a a avele la pfumalaka; ni loyi a nga ni swakudya, a a endlise sweswo na yena.”

Vaefesa 4:28

Loyi a a toloverile ku yiva, a nga ha engeti a yiva; kambe a a tikarhate a tirha hi mavoko ya yena, a tirhela swo tipfuna ha swona, leswaku a ta kuma swo pambulela loyi a pfumalaka.