1 Timotiya 6:1 - BIBELE Mahungu Lamanene

¹ Lava rhwexiweke joko ra vuhlonga, a va teke vinyi va vona va ri lava fanelaka ku xiximiwa, leswaku vito ra Xikwembu ni leswi hi swi dyondzisaka, swi nga tshuki swi soriwa.

Testamente Leyimpsha Xichangana

¹ Lava varhwexiweke mpingu wa vukarawa, avateke vinyi va vona tani lavafanelaka kuxiximiwa, lesvaku vito ra Xikwembu ni lesvi hisvijondzisaka, svingatshuki svisoliwa.

Xitsonga (Bibele)

¹ Makhumbi hinkwawo lama nga empingwini a ma ringanise leswaku veni va wona va lulameriwa hi ku chaviwa hinkwako, vito ra Xikwembu ni dyondzo ya xona swi nga tshuki swi sandziwa.

1 Timotiya 6:1 Referans Kwoze

Tito 2:5

va kota ku tikhoma ni ku tenga, va va lava hlayisaka mindyangu ya vona hi fanelo, va va ni tintswalo, va yingisa vanuna va vona, leswaku Rito ra Xikwembu ri ta ka ri nga sandziwi hi munhu.

Varhoma 2:24

Hikuva vito ra Xikwembu ri soriwa exikarhi ka vamatiko hinkwavo hikwalaho ka n'wina, hilaha Matsalwa ma vulaka hakona.

1 Petro 3:16

kambe mi swi endla hi moya wa ku olova ni wa xichavo. Naswona, mi tshama mi ri ni ripfalo leri tengeke, leswaku loko mi hemberiwa, lava sandzaka mahanyelo ya n'wina layo lulama ya Xikriste, va ta khomiwa hi tingana.

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Vagalatiya 5:1

Hi ntshunxiwile hileswi Kriste a hi ntshunxeke. Hikokwalaho, yimani mi tiya, mi nga ha tlheli mi tiveka ehansi ka mpingu wa vuhlonga.

Timhaka 15:10

Sweswi ke, xana mi ringela yini Xikwembu hi ku tlhandleka mpingu emakatleni ya vadyondzisiwa, lowu vatata wa hina, hambi hi ri hina, hi hlulekeke ku wu rhwala xana?

Timhaka 10:22

Va ku: “Hi rhumiwile hi Korneliyo, ndhuna ya dzana ra masocha, wanuna wo lulama la chavaka Xikwembu, la nkhensiwaka hi tiko hinkwaro ra Vayuda; ú lerisiwile hi ntsumi leyo hlawuleka ku ku vitana u ta emutini wa yena, leswaku a ta yingisa leswi u nga ta n'wi byela swona.”

Timhaka 10:7

Kuteloko ntsumi leyi vulavuleke na yena yi sukile, Korneliyo a vitana vambirhi exikarhi ka malandza ya yena, a vitana ni socha rin'we leri chavaka Xikwembu exikarhi ka masocha lama n'wi tirhelaka.

Luka 17:1

Yesu a ku ka vadyondzisiwa va yena: “Loko swi ri swikhunguvanyiso a swi nga pfumaleki, kambe ú ni khombo loyi swikhunguvanyiso swi humelelaka ha yena.

Matewu 11:30

hikuva joko ra mina ra olova, ni ndzhwalo wa mina wa vevuka.”

Malakiya 1:6

HOSI ya matimba hinkwawo yi ri: “N'wana wa xinuna ú xixima tata wa yena, ni nandza ú komba xichavo eka n'wini wa yena. Kambe n'wina a mi ndzi xiximi, ni xichavo a mi ndzi kombi, hambileswi ndzi nga tata wa n'wina ni n'wini wa n'wina; ndzi vula n'wina vaprista lava solaka vito ra mina, kutani mi ri: ‘Hi sorile vito ra wena hi ndlela yihi ke?’

1 Timotiya 5:14

Mina a ndzi ta tsakela leswaku vavasati va tinoni lavantshwa va tekiwa, va kuma vana, va hlayisa mindyangu ya vona, va nga nyiki nala enkarhi wa ku hi hleva.

1 Vakorinto 10:32

Mi nga khunguvanyisi Vayuda, hambi Vagriki, hambi kereke ya Xikwembu.

Matewu 11:9

Kumbe ndzi byeleni, a mi yela ku ya vona yini ke? A a ri muprofeta xana? Ina, a a ri yena, ni ku tlula ni muprofeta.

Ezekiele 36:23

Ndzi ta basisa vito ra mina lerikulu, hikuva mi ri sorisile exikarhi ka vamatiko; kambe loko ndzi ta va ndzi kombisile ku hlawuleka ka mina emahlweni ka vamatiko lava, va ta tiva leswaku HOSI Xikwembu, hi mina! Ndzi vula sweswo mina HOSI N'wini wa hinkwaswo.

Ezekiele 36:20

Kambe loko va fikile ematikweni, va sorisile vito ra mina lero hlawuleka, ku kondza loko vamatiko va hlamala va ku: ‘Vanhu lava i va HOSI Xikwembu, kambe va susiwile etikweni ra xona!’

Esaya 58:6

Leswi ndzi swi tsakelaka loko mi titsona hi leswi: Tsemani tintambhu leti mi boheke van'wana ha tona, mi susa mpingu lowu mi va rhwexeke wona; ntshunxani lava tshikeleriwaka, mi tshova joko rihi na rihi leri va rhwexiweke rona.

Esaya 52:5

Xana i swilo muni leswi ndzi swi vonaka laha Babilona xana? Vanhu va mina va le vukhumbini, kambe a va hakeleriwanga nchumu. Lava va va fumaka va tibumabuma, va le ku sandzeni ka vito ra mina siku rin'wana ni rin'wana.

Esaya 47:6

A ndzi hlundzukerile vanhu va mina, ndzi nga ha ri na mhaka na vona; ndzi va nyiketile emavokweni ya wena, kambe u va khomile hi tihanyi, u sindzisa ni lava dyuhaleke ku tirha mintirho leyo tika ku tlula mpimo.

Nehemiya 9:5

Kutani Yexuwa, na Kadimiele, na Bani, na Haxabiniya, na Xerebiya, na Hodiya, na Xebaniya, na Petahiya, va ku: “Yimani mi dzunisa HOSI Xikwembu xa n'wina; xi dzuniseni hilaha ku nga heriki! Dzunisani vito ra xona leri dzunekaka, rona leri tlulaka swilo hinkwaswo leswi dzunisiwaka ni ku twarisiwa!”

2 TIHOSI 5:13

Kambe malandza ya yena ma ta kusuhi na yena, ma n'wi khongotela ma ku: “Tatana, loko onge muprofeta a ku lerisile ku endla xanchumu lexo tika ngopfu, a wu nga ta xi endla xana? Sweswi ke, ku karhata yini xana, leswi a ku byelaka ntsena ku ya hlamba leswaku u basisiwa xana?”

2 SAMIELE 12:14

Hambiswiritano, leswi mintirho ya wena yi sandziseke HOSI Xikwembu, n'wana wa wena wa mufana loyi a ha ku velekiwaka, ú ta fa hakunene!”

Duteronoma 28:48

hikokwalaho mi ta tirhela valala va n'wina lava HOSI Xikwembu xi nga ta va rhumela ku lwa na n'wina. Mi ta fa hi ndlala, ni torha, ni vusweti, mi pfumala hinkwaswo; xi ta mi tlhandleka joko ra nsimbhi xi kondza xi mi herisela makumu.

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

Genesa 24:12

Kutani a khongela a ku: “We HOSI, wena Xikwembu xa n'wini wa mina Abrahama, ndzi kombela leswaku u ndzi humelerisa namuntlha, u komba ku tshembeka ka wena eka n'wini wa mina Abrahama.

Genesa 24:2

Kutani Abrahama a byela nandza wa yena lonkulu, loyi a a hlayisa swilo swa yena hinkwaswo, a ku: “Vekela voko ra wena exikarhi ka milenge ya mina,

Genesa 16:9

Ntsumi ya HOSI Xikwembu yi ku ka yena: “Tlhelela eka n'wini wa wena, u hamba u titsongahata eka yena.”