1 Timotiya 5:15 - BIBELE Mahungu Lamanene

¹⁵ Hikuva nisweswi van'wana va hambukile ndlela, va landzelela Sathana.

Testamente Leyimpsha Xichangana

¹⁵ Hikuva ni svosvi van'wana vahambukile ndleleni, valandzelela Sathana.

Xitsonga (Bibele)

¹⁵ Ni sweswi, van'wana va tlhelele endzhaku ku landza Satana.

1 Timotiya 5:15 Referans Kwoze

2 Petro 2:2

Vanhu lavo tala va ta landza swa manyala leswi va swi endlaka, naswona ndlela ya ntiyiso yi ta sandziwa hi mhaka ya vona.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

1 Timotiya 1:20

Exikarhi ka vona, ku na Himenayo na Aleksandro, lava ndzi va nyiketeke eka Sathana, leswaku va ta dyondza ku tshika ku sandza Xikwembu.

Nhlavutelo 12:9

Hiloko dragona leyikulu leyi yi cukumetiwa yi ya wela hansi, yona nyoka ya khale leyi vuriwaka Diyavulosi kumbe Sathana, Mukanganyisi wa misava hinkwayo; yi cukumetiwa yi ya wela ehansi emisaveni, tintsumi ta yona na tona ti cukumetiwa kun'we na yona.

2 Petro 3:16

Hi swona leswi a toloveleke ku swi vula emapapileni ya yena hinkwawo, loko a khumba timhaka leti. Emapapileni ya kona ku ni swilo swin'wana leswi swi nonon'hwaka ku swi twisisa; lava pfumalaka vutivi ni lava nga tiyangiki va swi gombonyokisa, hilaha va endlaka hakona eka matsalwa laman'wana, kutani swi va lovisa.

2 Timotiya 2:18

lava tshikeke ntiyiso, hi ku vula leswaku swa ku pfuka eku feni swi hundzile khale, kutani va khunguvanyisa van'wana eku pfumeleni.

2 Timotiya 1:15

Wa swi tiva leswaku hinkwavo lava nga le tikweni ra Asiya va ndzi fularhele, kutani exikarhi ka vona ku na Figelo na Hermogene.

Matewu 4:10

Hiloko Yesu a ku ka yena: “Suka Sathana, hikuva ku tsariwile leswi: “ ‘U ta gandzela Hosi, Xikwembu xa wena, u tirhela xona ntsena.’ ”