1 Timotiya 5:14 - BIBELE Mahungu Lamanene

¹⁴ Mina a ndzi ta tsakela leswaku vavasati va tinoni lavantshwa va tekiwa, va kuma vana, va hlayisa mindyangu ya vona, va nga nyiki nala enkarhi wa ku hi hleva.

Testamente Leyimpsha Xichangana

¹⁴ Mina anitatsakela lesvaku vavasati va vafelakazi lavampsha vatekiwa, vakuma vana, vahlayisa minjangu ya vona, vanganyiki nala nkama wa kuhleva.

Xitsonga (Bibele)

¹⁴ Hikwalaho, ndzi rhandza leswaku lavantshwa va tekiwa, va veleka vana, va risa tindlu ta vona, va nga tshuki va nyika mukaneti nkarhi, ni lowutsongo, wa ku hleva.

1 Timotiya 5:14 Referans Kwoze

Tito 2:5

va kota ku tikhoma ni ku tenga, va va lava hlayisaka mindyangu ya vona hi fanelo, va va ni tintswalo, va yingisa vanuna va vona, leswaku Rito ra Xikwembu ri ta ka ri nga sandziwi hi munhu.

1 Timotiya 6:1

Lava rhwexiweke joko ra vuhlonga, a va teke vinyi va vona va ri lava fanelaka ku xiximiwa, leswaku vito ra Xikwembu ni leswi hi swi dyondzisaka, swi nga tshuki swi soriwa.

Tito 2:8

tirhisa marito lama nga wona ya xiviri, lama nga solekiki, leswaku loyi a lwaka na wena a ta khoma hi tingana hi ku pfumala leswo biha leswi a nga swi vulaka ehenhla ka hina.

1 Timotiya 4:3

Vaxisi lava va arisa ku tekana, va lerisa leswaku ku tshikiwa swakudya leswi Xikwembu xi swi vumbeke leswaku swi amukeriwa hi ku nkhensa hi lava va pfumelaka ni ku tiva ntiyiso.

Daniele 6:4

Kutani tihosana ni valanguteri lavan'wana va lava lexi va nga hehlaka Daniele ha xona entirhweni wa yena wa mfumo, kambe a va kumanga na xin'we lexi hoxekeke, hikuva a a tirha hi ku tshembeka.

Swivuriso 14:1

Wansati la tlhariheke, ú tiakela muti, kasi la nga xiphukuphuku wa wu hahlula.

Vaheveru 13:4

Ku tekana a ku ve loku xiximiwaka hi vanhu hinkwavo, vukati byi nga onhiwi hi ku kanganyisana, hikuva Xikwembu xi ta avanyisa timbhisa ni vaoswi.

1 Timotiya 5:11

Kambe ala ku tsala mavito ya vavasati va tinoni lavantshwa; hikuva loko va ngheniwa hi ku navela, va lava ku tekiwa, kutani va fularhela Kriste.

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

2 Vakorinto 11:12

Hambiswiritano, ndza ha ta ya emahlweni ndzi endla leswi ndzi swi endlaka sweswi, leswaku ndzi ta ka ndzi nga nyiki nkarhi eka lava lavaka ku tidzunisa hi ku vula leswaku va ni ntirho wo fana ni wa hina.

Varhoma 14:13

Loko swi ri tano, a hi tshikeni ku avanyisana. Ematshan'wini ya swona, tiboheni leswaku mi nga veki endleleni ya makwenu xo n'wi khunguvanyisa kumbe ku n'wi wisa.

2 SAMIELE 12:14

Hambiswiritano, leswi mintirho ya wena yi sandziseke HOSI Xikwembu, n'wana wa wena wa mufana loyi a ha ku velekiwaka, ú ta fa hakunene!”

Genesa 18:9

Kutani va n'wi vutisa va ku: “Ú kwihi Sara nsati wa wena xana?” A hlamula a ku: “Ú kwala ntsongeni.”

Genesa 18:6

Kavaloko Abrahama a hatlisa a ya eka Sara entsongeni, a fika a ku: “Hatla u teka swirhundzu swinharhu swa mapa lamanene, u ma pfuva u sweka swimbhundzwa.”

Yeremiya 29:6

Titekeleni vasati mi kuma vana va xinuna ni va xisati, mi lovota ni vana va n'wina va xinuna, mi lovorisa ni lava va xisati leswaku na vona va ta kuma vana va xinuna ni va xisati; andzani eBabilona mi nga hunguteki.