1 Timotiya 4:2 - BIBELE Mahungu Lamanene

² ni hikokwalaho ka ku xiseteriwa hi vahembi lava mapfalo ya vona ma tlanyaleke.

Testamente Leyimpsha Xichangana

² ni hikolaho ka kukanganyisiwa hi vahembi lava vafeke mapfalu.

Xitsonga (Bibele)

² hi ku ya hi ku kanganyisa ka vafundhisi lavo hemba, lava mapfalo ya vona ma feke, lava nga ta sivela vanhu ku tekana;

1 Timotiya 4:2 Referans Kwoze

Vaefesa 4:19

kutani a va ha ri na tingana; va tinyiketile emikhuveni ya manyala, va endla swa thyaka hinkwaswo, va nga koti ku tikhoma.

Varhoma 16:18

hikuva lavo tano a va tirheli Hosi ya hina Kriste, kambe va tirhela ku navela ka vona ntsena; hi ku nandzihisa marito ni ku sasekisa mavulavulele, va hambukisa mianakanyo ya lava nga tiviki nchumu.

Timhaka 20:30

naswona, ndzi tiva leswaku ku ta huma van'wana exikarhi ka n'wina lava nga ta vula mavunwa ku tilavela vadyondzisiwa.

Nhlavutelo 16:14

leyi i mimoya ya mademona leyi endlaka masingita, leyi rhendzelekaka hi tihosi ta misava hinkwayo, yi ti rhamba nyimpi, ku ya lwa ni Xikwembu xa matimba hinkwawo hi siku lerikulu ra kona.

2 Timotiya 3:5

Va ta tiendla wonge hi loko va ri ni vukhongeri, kambe va ta ala matimba ya byona. Fambela kule ni vanhu lavo tano.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Matewu 24:24

Hikuva ku ta humelela Vamesiya va mavunwa, ni vaprofeta va mavunwa, va ta endla mahlori lamakulu ni swihlamariso, ku xisa hambi va ri vona vahlawuriwa va Xikwembu, loko swi endleka.

Matewu 7:15

“Tivoneleni eka vaprofeta va mavunwa lava taka ka n'wina va ambele tanihi tinyimpfu, kasi etimbilwini ta vona, i timhisi leti bvanyengetaka.

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Yeremiya 23:32

Mina HOSI ndzi lwa ni lava tisaka milorho ya mavunwa, lava hambukisaka vanhu va mina hi ku jakatseka ka vona loku kanganyisaka. Vaprofeta lava, mina a ndzi va rhumanga, naswona a ndzi va lerisanga nchumu; leswi va swi dyondzisaka, a swi nga pfuni vanhu va mina nikutsongo. Ndzi vula sweswo mina HOSI.”

1 TIHOSI 22:22

Moya wu hlamula wu ku: ‘Ndzi ta nghena emilon'weni ya vaprofeta va Akabu ndzi ri moya wa mavunwa.’ Xikwembu xi ku: ‘Hiswona, n'wi yenge, u ta swi kota. Famba u ya endlisa sweswo.’ ”

1 TIHOSI 13:18

Kutani muprofeta wo dyuhala a ku ka yena: “Na mina ndzi muprofeta ku fana na wena. Kutani, hi ku lerisiwa hi HOSI Xikwembu, ntsumi yi vulavurile na mina yi ku: ‘Tlhelela na yena ekaya ka wena, leswaku a ta dya vuswa ni ku nwa mati kona.’ ” Kasi muprofeta wo dyuhala a a kanganyisa munhu wa Xikwembu hi mavunwa.

Yeremiya 23:14

Kasi na le xikarhi ka vaprofeta va le Yerusalema, ndzi vona manyala lama chavisaka ku tlula mpimo: Va endla vuoswi, va tsakela mavunwa, va seketela vadyohi emintirhweni ya vona leyo biha, kutani a ka ha ri na un'we la chavaka ku endla leswo homboloka. Vanhu lava eka mina va onhakile hinkwavo kukota va le Sodoma, vaaki va Yerusalema a va hambananga ni va le Gomora.

Yeremiya 5:21

“Twanani leswi maphuphula ndzin'wina, n'wina vanhu vo pfumala mano: Mi ni mahlo, kambe a mi voni, ni tindleve mi na tona, kambe a mi twi.

Esaya 9:15

Nhloko, i nkulukumba kumbe munhu wo chaviseka; muprofeta loyi a dyondzisaka mavunwa, hi yena ncila;

Yeremiya 23:26

Xana swilo leswi swi ta hela rini? Xana vaprofeta lava va ehleketa yini? Va ta xisa vanhu va mina ni ku va kanganyisa ku fikela rini xana?