1 Timotiya 4:16 - BIBELE Mahungu Lamanene

¹⁶ Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

Testamente Leyimpsha Xichangana

¹⁶ Tikambisise hi wexe, ni jondzo leyi uyijondzisaka. Tiya ka svona, hikuva loko uyendlisa svosvo, utatiponisa ni kuponisa vayingisi va wena.

Xitsonga (Bibele)

¹⁶ U tilangutela, wena, ni ku dyondzisa ka wena, kutani u tiya kona, hikuva loko u endlisa sweswo, u ta tihanyisa; u ta hanyisa ni lava ku yingisaka.

1 Timotiya 4:16 Referans Kwoze

Tito 1:9

a a ve munhu la namarhelaka Rito leri tshembekeke, leri fambelanaka ni leswi swi dyondzisiwaka, a ta kota ku tiyisa van'wana hi dyondzo leyi nga yona ya xiviri, ni ku komba ku hoxa ka lava lwaka na yona.

Tito 2:7

A ku rhange wena u va xikombiso xa mintirho leyinene hi matlhelo hinkwawo. Ku dyondzisa ka wena a ku ve loku humaka embilwini, u va ni ndzhuti;

1 TIKRONIKA 28:10

Tsundzuka leswi: HOSI Xikwembu xi ku hlawurile leswaku u va wena loyi a nga ta aka Tempele ni xivandla xa yona lexo hlawuleka. Kutani sweswi tiya nhlana, u sungula ku tirha!”

2 Timotiya 4:2

Twarisa Rito, u hiseka hi nkarhi wa kona hambi ku nga ri hi nkarhi wa kona; khorwisa, u laya ni ku khongotela; u nga tsandzeki hi tlhelo ra ku lehisa mbilu ni le ku dyondziseni.

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Vaheveru 13:9

Mi nga kanganyisiwi hi tidyondzo ta tinxaka-xaka leti nga tivikaniki. Swi lulamile loko mbilu yi tiyisiwa hi tintswalo ta Xikwembu, ku nga ri hi milawu hi tlhelo ra swakudya, leyi nga pfuniki nchumu eka lava va yi landzelelaka.

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

2 Timotiya 3:14

Kambe loko a ri wena, yana emahlweni na leswi u swi dyondzeke, swi nga leswi u nga pfumela ni ku tiya eka swona, hikuva u tiva lava u swi dyondzeke eka vona;

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Esaya 55:11

Swi ta va tano ni rito leri humaka enon'wini wa mina: Ri nge vuyeli ka mina ri nga tirhanga nchumu; ri ta endla ku rhandza ka mina, ri hetisisa ni makungu ya mina.

1 Timotiya 4:6

Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

1 Timotiya 1:3

Loko ndza ha ya le Makedoniya, ndzi ku khongoterile ku tshama le Efesa; nasweswi ndza ha vula sweswo, hikuva ku ni van'wana le Efesa lava dyondzisaka mavunwa; va byele ku ma tshika,

Varhoma 16:17

Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

2 Timotiya 2:10

kutani, etimhakeni hinkwato, ndzi tiyisela hikwalaho ka vahlawuriwa va Xikwembu, leswaku na vona va ta kuma ku ponisiwa loku humaka eka Kriste Yesu, va kuma ni ku kwetsima loku nga heriki.

1 Vakorinto 9:27

kambe ndzi xanisa miri wa mina, ndzi wu endla hlonga, leswaku ndzi nga kumeki ndzi ri la tsandzekaka, endzhaku ka loko mina ndzi ta va ndzi dyondzisile van'wana.

Timhaka 6:4

Loko hi ri hina, hi ta ya emahlweni ni swikhongelo, hi vula ni Rito.”

Marka 13:9

“Loko mi ri n'wina, tivoneleni; va ta mi nyiketa etihubyeni; mi ta biwa emasinagogeni, mi ta yimisiwa emahlweni ka tindhuna ni tihosi hikwalaho ka mina, mi va timbhoni eka tona.

Yeremiya 23:22

Loko ingi va nghenile ehubyeni ya mina, a va ta tivisa vanhu va mina marito ya mina ya xiviri, a va ta va pfuna ku hundzuka, va va tshikisa mahanyelo ya vona layo biha ni mintirho ya vona leyo homboloka.

Yakobo 5:20

tsundzukani leswi: Un'wana ni un'wana la vuyiselaka endleleni mudyohi loyi a a lahlekile, ú ta ponisa moya wa munhu loyi eku feni, kutani ú ta funengeta swidyoho leswo tala.

Tito 2:15

Dyondzisa timhaka leti, u tirhisa matimba hinkwawo lawa u nga nyikiwa wona ku khongotela ni ku tshinya van'wana. Ku nga vi na loyi a ku langutelaka ehansi.

Vakolosa 4:17

Naswona byelani Arkipo, mi ku: “Vona leswaku tifanelo leti u nyikiweke tona entirhweni wa Hosi u ti hetisisa swinene.”

1 Vakorinto 9:22

Eka lava tsaneke, ndzi tiendlile loyi a tsaneke, leswaku ndzi ta kota ku koka lava tsaneke. Kutani ke, ndzi tiendlile hinkwaswo eka vanhu lava hinkwavo, leswaku hi tindlela hinkwato ndzi nga kota ku ponisa van'wana.

Varhoma 11:14

leswaku kumbexana ndzi nga endla va rixaka ra ka hina va va ni mavondzo, ndzi ta ponisa van'wana va vona.

Varhoma 2:7

Lava tiyiselaka ku endla leswinene, va ri karhi va navela ku va lava kwetsimaka ni lava dzunekaka ni lavo ka va nga ha fi, Xikwembu xi ta va nyika vutomi lebyi nga heriki;

Timhaka 26:22

Kambe ndzi pfuniwile hi Xikwembu ku fikela siku ra namuntlha, kutani sweswi ndzi yimile kwala ndzi ri karhi ndzi humesa vumbhoni eka lavatsongo ni ka lavakulu; a ndzi vuli timhaka tin'wana, loko ti nga ri leti Muxe ni Vaprofeta va nga vula leswaku ti ta humelela:

2 TIKRONIKA 19:6

Kutani a byela vaavanyisi lava a ku: “Tivoneleni loko mi avanyisa timhaka, hikuva ntirho lowu, a mi rhwexiwanga hi vanhu, mi rhwexiwile hi HOSI Xikwembu; loko mi avanyisa timhaka, hi xona xi nga ta vulavula.

Filemoni 1:19

Mina Pawulo, ndzi tsala leswi hi ndzexe, hi xandla xa mina, ndzi ri: “Ndzi ta hakela!” — ehandle ka ku vula leswaku wena hi xiviri, u leswi u nga swona hikwalaho ka mina.

1 Vatesalonika 2:16

Va ringetile ni ku hi sivela ku dyondzisa vamatiko emahungu lawa a ma ta va ponisa, kutani hi mukhuva lowu va kurisile nandzu wa swidyoho swa vona masiku hinkwawo; kambe sweswi, eku heteleleni, vukari bya Xikwembu byi va wele henhla.

Eksoda 23:13

Tivoneleni leswaku mi endla hinkwaswo leswi ndzi mi byeleke swona. Naswona, mi nga tshuki mi kumbuka swikwembu swin'wana, mi nga vulavuli hi swona.

1 Vakorinto 1:21

Hikuva, evutlharini bya xona, Xikwembu xi endlile leswaku vanhu va misava, hi vutlhari bya vona, va tsandzeka ku xi tiva. Kutani swi tsakisile Xikwembu ku ponisa lava pfumelaka, hi ku tirhisa swo sweswi vanhu va nge i “vuhunguki”, loko hi twarisa Rito.

1 Timotiya 4:15

Endla tifanelo leti, tinyiketele eka tona, leswaku hinkwavo va ta vona hilaha u yaka emahlweni hakona.