1 Timotiya 4:15 - BIBELE Mahungu Lamanene

¹⁵ Endla tifanelo leti, tinyiketele eka tona, leswaku hinkwavo va ta vona hilaha u yaka emahlweni hakona.

Testamente Leyimpsha Xichangana

¹⁵ Yendla timfanelo leti, na utinyiketela ka tona, lesvaku hinkwavu vatavona hilaha uyaka mahlweni hakona.

Xitsonga (Bibele)

¹⁵ Anakanya timhaka leti, u va eka tona, leswaku ku ya emahlweni ka wena ku voniwa hi vanhu hinkwavo.

1 Timotiya 4:15 Referans Kwoze

Matewu 5:16

Ku vonakala ka n'wina a ku voningele vanhu hi mukhuva wolowo, leswaku va ta vona mintirho ya n'wina leyo saseka, va dzunisa Tata wa n'wina la nge matilweni.

Pisalema 143:5

Ndzi anakanya minkarhi ya khale we HOSI, hinkwaswo leswi u swi endleke ndza swi tsundzuka, a ndzi rivali mintirho ya wena ya matimba.

Pisalema 104:34

Risimu leri ra mina a ri tsakise HOSI, hikuva ndzi titsakela eka yona.

Timhaka 6:4

Loko hi ri hina, hi ta ya emahlweni ni swikhongelo, hi vula ni Rito.”

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Pisalema 119:97

Nawu wa wena ndzi wu rhandza ngopfu, siku hinkwaro ndzi le ku wu anakanyeni.

Yoxuwa 1:8

Buku leyi ya Nawu u nga tshuki u hambana na yona, u fanele ku yi anakanya vusiku ni nhlekanhi leswaku u ta ka u nga tluli ni xin'we xa leswi tsariweke eka yona; kutani u ta humelela, ni swilo swa wena swi ta ku fambela kahle.

1 Timotiya 4:6

Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

Pisalema 119:148

Vusiku hinkwabyo vurhongo a byi khomi, hikuva ndzi le ku anakanyeni ka swileriso swa wena.

Pisalema 119:99

Ndzi tlula vadyondzisi va mina hinkwavo hi ku twisisa timhaka, hikuva ndzi anakanya switsundzuxo swa wena.

Pisalema 119:48

swileriso swa wena leswi ndzi swi rhandzaka, ndza swi xixima; a ndzi nga rivali milawu ya wena.

Pisalema 119:15

Ndzi ta anakanya swiletelo swa wena, ndzi langutisisa ni tindlela ta wena.

2 Vakorinto 8:5

I mhaka leyi hina a hi nga yi langutelanga, hikuva va rhangile hi ku tinyiketa eka Hosi, kutani hi ku rhandza ka Xikwembu va tlhele va tinyiketa eka hina.

Pisalema 105:5

Anakanyani mintirho ya yona leyo hlamarisa, ni hilaha ku lerisa ka yona ku mi lamuleleke hakona.

Pisalema 49:3

Ndzi lava ku vulavula marito ya vutlhari, ndzi anakanya leswi twalaka embilwini ya mina.

Pisalema 19:14

Marito ya mina ni miehleketo ya mina, a swi ve leswi amukelekaka emahlweni ka wena, we HOSI, wena u nga ribye ra mina ra vutumbelo, ni mukutsuri wanga.

1 Vakorinto 16:15

Ndza ha ri ni xitsundzuxo, vamakwerhu: Ma va tiva vanhu va ka Stefanasi, ni leswaku hi vona vapfumeri lavo rhanga lava humeke etikweni ra Akaya, ni leswaku va tinyiketile ku tirhela vahlawuriwa va Xikwembu.

Pisalema 119:23

Hambiloko varhangeri va tiko va ndzi lumbeta ehubyeni, mina nandza wa wena a ndzi rivali milawu ya wena.

Pisalema 77:12

A ndzi rivali leswi u swi endleke, mintirho ya wena hinkwayo ndza yi tsundzuka.

Pisalema 63:6

Loko ndzi etlele, ndza ku anakanya, vusiku hinkwabyo ndzi vulavula na wena hi ku khongela.

Pisalema 1:2

kambe a tsakela nawu wa HOSI, a wu anakanya vusiku ni nhlekanhi.

2 Vakorinto 4:14

hikuva ha swi tiva leswaku Xikwembu lexi xi pfuxeke Hosi Yesu eku feni, xi ta hi pfuxa na hina swin'we na Yesu, kutani xi ta hi humelerisa swin'we emahlweni ka xona, hina na n'wina.

1 Timotiya 4:14

U nga tlangi hi nyiko leyi u nga na yona, leyi u yi kumeke siku vakulukumba va ku tlhandlekeke mavoko, va vhumbha leswi u nga ta va swona.

1 Timotiya 4:16

Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

Tinhlayo 8:26

Hambiswiritano, loko va swi tsakela, va ha ta ya emahlweni va pfuna vamakwavo emintirhweni ya Ntsonga lowo Hlawuleka. Leswi hi swona leswi u nga ta endlisa swona, loko u avela Valevhi emintirho.”