1 Timotiya 3:8 - BIBELE Mahungu Lamanene

⁸ Vatirheli ekerekeni na vona va fanele ku va lava chavisekaka, va nga vi na milomo mimbirhi, va nga tinyiketi ebyalweni, va nga vi na makwanga yo lava ku vuyeriwa;

Testamente Leyimpsha Xichangana

⁸ Vadiyakoni kerekeni na vona vafanele kuva lava vaxiximekaka, vavulavula ntiyiso, vangatinyiketi bzaleni, vangavi lavanavelaka bindzu robiha;

Xitsonga (Bibele)

⁸ Na vona vadiyakoni, va ve vanhu lava fundzhekaka, va nga tshuki va va ni tindzimi timbirhi, va nga tinyiketi evhinyweni hi ku tlurisa, va nga tshuki va bindzula hi ku kanganyisa;

1 Timotiya 3:8 Referans Kwoze

Vafilipiya 1:1

Mina Pawulo nandza wa Kriste Yesu, na Timotiya nandza-kulorhi, hi tsalela vahlawuriwa va Xikwembu hinkwavo lava tshamaka eFilipiya, lava nga va ka Kriste Yesu, swin'we ni vafambisi va kereke ni vapfuni, hi ri:

Tito 2:3

Byela ni vavasati lava kuleke leswaku va va ni mahanyelo lawa vanhu lavo hlawuleka va fanelaka ku va na wona; va nga vi na mahlevo, va nga vi mahlonga ya byalwa; a va dyondzise leswo lulama,

1 Timotiya 5:23

U nga ha nwi mati ntsena, kambe nwana vhinyonyana, hileswi u karhatekaka endzeni ni ku tala ku va ni switlhavitlhavi emirini.

1 Timotiya 3:3

A nga vi xidakwa, kumbe munhu wa tinyimpi, kambe a va lowo rhula, a nga vi na vuntswaka, naswona a nga vi loyi a rhandzaka ngopfu mali.

Levhitika 10:9

“Wena ni vana va wena, mi nga tshuki mi ya nghena eka Ntsonga lowo Hlawuleka loko mi nwile vhinyo kumbe byala, hikuva mi nga fa. Nawu lowu mi fanele ku wu landzelela, n'wina ni vatukulu va n'wina, hilaha ku nga heriki.

Yakobo 3:10

Enon'weni wun'we ku huma ku dzunisa ni ku rhukana. Vamakwerhu, leswi a swi nga fanelanga ku va tano.

Tito 1:7

hikuva murhangeri ekerekeni ú fanele ku va munhu wo pfumala xisandzu, leswi a langutelaka ntirho wa Xikwembu. A nga tshuki a va munhu la titivaka ngopfu, kumbe munhu wa ximbilwa-mbilwana. A nga vi xidakwa, kumbe munhu wa tinyimpi, kumbe wa makwanga;

1 Timotiya 3:12

Vatirheli ekerekeni a va teke nsati un'we ntsena, kutani va fambisa vana va vona ni ndyangu wa vona swinene.

Ezekiele 44:21

A ku na muprista na un'we la nga ta nghena exivaveni xa le ndzeni emahlweni ka Tempele, loko a nwile vhinyo.

Pisalema 52:2

We mukanganyisi, ririmi ra wena i mukwana lowo kariha, ri kanela makungu yo herisa van'wana.

Pisalema 12:2

Hinkwavo ka vona, va byelana mavunwa; va kanganyisa hi ku vulavula swo tsakisa, kasi i vanhu va milomo mimbirhi.

Pisalema 5:9

Leswi humaka emilon'wini ya vona a swi na ntiyiso, timbilu ta vona ti tele vumbabva; hambiloko va vulavula swo tsakisa vanhu, minkolo ya vona i masirha lama ahlameke.

1 Petro 5:2

Risani ntlhambi wa Xikwembu lowu nge hansi ka n'wina, mi wu hlayisa ku nga ri hi ku sindzisiwa, kambe ku ri hi ku swi rhandza, hilaha Xikwembu xi swi lavaka hakona, naswona ku nga ri hi ku langutela bindzu leri khomisaka tingana, kambe hi ku hiseka.

Varhoma 3:13

Minkolo ya vona i masirha lama ahlameke, hi tindzimi ta vona va tolovele ku xisa, vuxungu bya timhiri byi le milon'wini ya vona,

Pisalema 50:19

“Milomo ya n'wina, mi yi tirhisa ku vulavula leswo homboloka, tindzimi ta n'wina ti tele vukanganyisi.

1 Timotiya 3:2

Hikokwalaho, mufambisi ú fanele ku va munhu la nga riki na xisandzu, a teka nsati un'we ntsena, a dya hi ku pima, a tikhoma, a chaviseka, a tsakela vaendzi, a kota ku dyondzisa.