1 Timotiya 3:16 - BIBELE Mahungu Lamanene

¹⁶ Hakunene, hi nga tiyisa leswaku xihundla xa vukhongeri bya hina i xikulu: “Ú vonakisiwile a ri munhu, ú vuriwile la lulameke emoyeni, ú voniwile hi tintsumi; ú twarisiwile ematikweni, ú pfumeriwile emisaveni, a tekeriwa henhla eku kwetsimeni.”

Testamente Leyimpsha Xichangana

¹⁶ Hakunene, hingatiyisa lesvaku xihundla xa vukhongeli bza hina i xikulu: “Ahumelelile tani hi munhu, ahlayiwile lweyi alulameke moyeni, avoniwile hi tintsumi; apaluxiwile matikweni, apfumeliwile laha misaveni, atekeliwa henhla kukwetsimeni.”

Xitsonga (Bibele)

¹⁶ Kunene xihundla xa vukhongeri hi lexikulu: Xikwembu xi tivonakisile enyameni, xi kumiwe xi lulamile eMoyeni, xi voniwile hi tintsumi, xi vuriwile ematikweni, xi pfumeriwile emisaveni, xi tlakusiwile eku kwetsimeni.

1 Timotiya 3:16 Referans Kwoze

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Marka 16:19

Kuteloko Hosi Yesu a vulavurile na vona, a tlakuriwa a ya etilweni, a ya tshama evokweni ra xinene ra Xikwembu.

Varhoma 16:25

Eka yena la kotaka ku mi tiyisa, hi ku ya hi Mahungu Lamanene lawa ndzi ma dyondzisaka, ma nga mahungu ya Yesu Kriste, naswona hi ku ya hi xihundla lexi nga hlavuteriwa, xi nga xihundla lexi a xi fihlekile malembe ni malembe,

Luka 24:4

Va ku va ha hlamala ha swona, vavanuna vambirhi va tshuka va humelela eka vona, va ri ni swiambalo leswi hatimaka.

Vakolosa 1:23

Kambe mi fanele ku tiya eku pfumeleni, mi yimile emasungulweni ya kona mi nga tsekatseki, mi nga hambani ni ku tshemba loku mi ku kumeke hi ku twa Evhangeli; Evhangeli leyi yi twarisiwile eka swivumbiwa hinkwaswo leswi nge hansi ka tilo, kutani mina Pawulo, ndzi endliwile nandza wa yona.

1 Yohane 1:2

Vutomi byi tikombile eka swona, kutani hi byi vonile. Hi timbhoni ta byona, kutani ha mi tivisa ta vutomi bya kona lebyi nga heriki, lebyi a byi ri eka Tatana, kutani byi kombiwile eka hina.

1 Petro 3:22

yena loyi a yeke etilweni, kutani sweswi ú le vokweni ra xinene ra Xikwembu, tintsumi ni vafumi ni leswa matimba swi ri ehansi ka yena.

1 Petro 1:12

Va kombisiwile hi ku hlavuteriwa leswaku a va nga titirheli, kambe a va tirhela n'wina, eka swilo leswi mi tivisiweke swona sweswi. Mi tivisiwile swilo swa kona hi lava va twariseke Mahungu Lamanene eka n'wina, hi Moya lowo Kwetsima lowu rhumeriweke hi le tilweni. Swilo swa kona, tintsumi na tona ta navela ku swi hlometela.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Vakolosa 2:2

Ndzi lava leswaku timbilu ta vona ti tiyisiwa, ni leswaku va khomana swin'we hi rirhandzu, kutani va ta fumisiwa hi matlhelo hinkwawo hi ku nyikiwa ku twisisa loku hetisekeke, leswaku va tiva xihundla xa Xikwembu, a nga Kriste;

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Vakolosa 1:6

leyi fikeke eka n'wina kukota leswi yi fikeke ematikweni hinkwawo; yi karhi yi veka mihandzu ni ku kula, kukota leswi yi endlisaka xiswona eka n'wina, ku sukela siku mi tweke ni ku twisisa tintswalo ta Xikwembu hi ntiyiso wa tona.

Luka 22:43

Kutani ntsumi yo huma etilweni yi humelela eka yena, yi n'wi tiyisa.

Matewu 3:16

Kuteloko Yesu a khuvuriwile, a hatla a huma ematini; kutani hi nomu lo matilo ma pfuleka, a vona Moya wa Xikwembu wu xika tanihi tuva, wu ta ehenhla ka yena.

1 Yohane 3:5

Ma swi tiva leswaku Kriste ú humelele ku ta susa swidyoho, kutani eka yena ku hava ku dyoha.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

1 Timotiya 3:9

va fanele ku hlayisa xihundla xa vupfumeri hi ripfalo leri tengeke.

Yohane 20:12

a vona tintsumi timbirhi leti ambaleke swo basa, ti tshamile, yin'wana hi le tinhlokweni, yin'wana hi le milengeni, laha ntsumbu wa Yesu a wu latiwile kona.

Matewu 1:23

“Maswivo, wanhwana ú ta tika, a veleka n'wana wa mufana; va ta n'wi thya vito ra ‘Emanuwele’ (hileswaku: ‘Xikwembu xi na hina’).”

Nhlavutelo 7:9

Endzhaku ka sweswo, ndzi languta, kutani ndzi vona ntshungu lowukulu wa vanhu; a ku nga ri na un'we la kotaka ku va hlaya. A va huma ematikweni hinkwawo, ni le tinxakeni hinkwato, va ri va swivongo hinkwaswo ni va tindzimi hinkwato. A va yimile emahlweni ka xiluvelo ni le mahlweni ka Xinyimpfana va ambele tinguvu to leha leto basa, va tamele mincindzu emandleni ya vona.

1 Petro 1:20

Hambileswi a hlawuriweke khale, misava yi nga si tumbuluka, ú kombiwile hikwalaho ka n'wina, eminkarhini leyi ya makumu.

Vaheveru 7:7

Ku hava ku kaneta leswaku lontsongo ú katekisiwa hi lonkulu.

Vaefesa 6:19

Na mina mi ndzi khongelela, leswaku Xikwembu xi ndzi pfula xifuva loko ndzi lava ku dyondzisa, ndzi ta kota ku vulavula ndzi nga chavi nchumu, ni ku tivisa vanhu xihundla xa Evhangeli.

Vaefesa 1:9

Xikwembu xi endlile leswi ku nga khale a xi lava ku swi endla ha Kriste: Xi hi tivisile ku rhandza ka xona loku a ku fihlekile,

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

1 Vakorinto 15:47

Munhu lowo rhanga ú humile emisaveni, a ri la endliweke hi ntshuri wa misava; munhu lowa vumbirhi ú huma etilweni.

1 Vakorinto 2:7

kambe hi vulavula hi swa vutlhari bya Xikwembu, byi nga bya xihundla, vutlhari lebyi fihliweke, lebyi Xikwembu xi byi lunghiseke ka ha ri eku sunguleni, byi ta hi nyika ku dzuneka.

Varhoma 10:18

Kambe ndza vutisa ndzi ri: Xana va nga va va nga ri twanga ke? Hakunene va ri twile, hikuva: “Ku dyondzisa ka vona ku twakele emisaveni hinkwayo, ni marito ya vona ma fikile emakun'wini ya misava.”

Timhaka 20:28

Tilanguteleni ke, mi langutela ni ntlhambi hinkwawo lowu Moya lowo Kwetsima wu nga mi veka ku va varhangeri va wona; risani Kereke ya Xikwembu, leyi xi nga tikumela yona hi rifu ra N'wana wa xona wa xiviri.

Vagalatiya 2:8

Hikuva Xikwembu lexi nyikeke Petro matimba ya ku va muapostola eka lava yimbeke, na mina xi ndzi nyikile matimba ya ku va muapostola eka vamatiko.

Varhoma 9:5

Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Timhaka 10:34

Kutani Petro a sungula ku vulavula a ku: “Ndza twisisa swinene sweswi leswaku Xikwembu a xi yi hi nghohe;

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Timhaka 14:27

Eku fikeni ka vona, va hlengeleta kereke, va va rungulela hinkwaswo leswi Xikwembu xi swi endleke ha vona, ni hilaha xi nga pfulela vamatiko enyangwa yo nghena eku pfumeleni.

Yohane 16:28

Ndzi humile eka Tatana, kutani ndzi tile emisaveni; sweswi ndzi tlhela ndzi suka emisaveni, ndzi ya eka Tatana.”

Yohane 13:3

Yesu, hi ku tiva leswaku Tatana ú vekile swilo hinkwaswo emavokweni ya yena, ni leswaku ú humile eka Xikwembu, naswona a ya eka Xikwembu,

Luka 24:51

Loko a ri karhi a va katekisa, a avana na vona [a tlakuriwa, a ya etilweni].

Nhlavutelo 17:7

Kambe ntsumi yi ku ka mina: “U hlamalela yini? Ndzi ta ku byela xihundla xa wansati loyi, ni xa xivandzana lexi a tshameke ehenhla ka xona, xa tinhloko ta 7 ni timhondzo ta khume.

Nhlavutelo 17:5

Emombyeni wa yena a ku tsariwile vito leri nhlamuselo ya rona yi nga ya xihundla, leri nge: “Babilona lonkulu, mana wa tinghwavava ni wa lava endlaka swa manyala la misaveni.”

Vaheveru 8:1

Kutani ke, nhloko-mhaka ya leswi hi swi vulaka hi leyi: Hi ni Muprista Lonkulu wo tani hi yena, loyi a tshameke evokweni ra xinene ra xiluvelo xa vuhosi ematilweni,

2 Vatesalonika 2:7

Hakunene, ku homboloka loku tifihlaka ku le ku tirheni nisweswi; kambe loyi a ku sivelaka ku tikomba, ú ta ya emahlweni a ku sivela, ku fikela loko a susiwa.

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

Timhaka 1:19

Mhaka leyi yi tiviwile hi vanhu hinkwavo lava akeke Yerusalema; hikokwalaho va nga thya nsimu leyi evito ra “Hakeldama” hi ririmi ra ka vona, hileswaku “Nsimu ya Ngati”.)

Yohane 17:5

Sweswi Tatana, ndzi dzunise emahlweni ka wena hi ku dzuneka loku a ndzi ri na kona eka wena, misava yi nga si va kona.

Yohane 15:26

“Siku ku nga ta fika Muyimeri, loyi ndzi nga ta mi rhumela yena a ta hi le ka Tatana, a nga Moya wa ntiyiso lowu humaka eka Tatana, ú ta humesa vumbhoni ehenhla ka mina;

Yohane 6:62

Mi ta vula yini, siku mi vonaka N'wana-wa-Munhu a tlhandluka a ya laha a a ri kona ni khale xana?

Luka 2:32

ku nga ku vonakala loku nga ta voninga matiko, ni loku Israele tiko ra wena ri nga ta tidzunisa ha kona.”

Marka 16:5

Loko va nghenile esirheni, va vona jaha leri tshameke etlhelweni ra xinene, ri ambele nguvu yo leha yo basa; kutani va hlamala.

Marka 1:13

kutani a tshama kona masiku ya 40, a ri karhi a ringiwa hi Sathana. A a ri exikarhi ka swivandzana, tintsumi na tona a ti n'wi tirhela.

Matewu 28:2

Hi nomu lo, ku tsekatseka lokukulu ka misava ku va kona; ntsumi ya Hosi yi xika hi le tilweni, yi vumbuluxa ribye, yi tshamisa ehenhla ka rona.

Matewu 13:11

A va hlamula, a ku: “Hileswaku n'wina, mi nyikiwile ku tiva swihundla swa Mfumo wa matilo, kambe vona a va nyikiwanga.

Matewu 4:11

Kavaloko Diyavulosi a n'wi tshika; kutani tintsumi ti ta ka Yesu, ti ta n'wi tirhela.

Mikiya 5:2

HOSI Xikwembu xi ri: “Wena Betlehema wa Efrata, hi wena lontsongo exikarhi ka miti ya va ka Yuda, kambe eka wena ndzi ta tilavela loyi a nga ta fuma Vaisraele; vatata wa yena va hanyile ka wena ku sukela khale swinene.”

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Esaya 7:14

Sweswi, N'wini wa hinkwaswo ú lava ku mi nyika xikombiso: Ku na nhwana loyi a tikeke; ú ta veleka n'wana wa mufana, a n'wi thya vito ra Emanuwele.

Varhoma 10:12

A ku na ku hambana exikarhi ka Vayuda ni vamatiko, hikuva hinkwavo va na Hosi yin'we, leyi minkateko ya yona yi talelaka hinkwavo lava khongelaka yona.

Varhoma 3:4

Niswitsanana! Xikwembu xi fanele ku tiviwa xi ri xa ntiyiso, ni loko munhu un'wana ni un'wana a ri muhembi. Hi swona leswi nga tsariwa, loko va te: “Hi laha u nga ta va la lulameke, loko u vulavula, ni ku kumiwa u nga ri na nandzu, loko u avanyisa.”

Varhoma 16:26

kambe sweswi xi humeseriweke erivaleni hi Matsalwa ya vaprofeta, hi ku landza ku lerisa ka Xikwembu lexi nga heriki, xona xihundla lexi xi nga tivisiwa vamatiko hinkwavo, leswaku vanhu va pfumela, va tlhela va yingisa,

2 Vakorinto 1:19

Hikuva N'wana wa Xikwembu Yesu Kriste loyi hi n'wi twariseke exikarhi ka n'wina, mina na Silvano na Timotiya, a a nga ri “Ina — E-e!” kambe eka yena ku vuriwa “Ina!” masiku hinkwawo.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

1 Yohane 3:8

Loyi a tshamelaka ku dyoha i wa Diyavulosi, hikuva Diyavulosi ú dyohile ku sukela eku sunguleni. Lexi N'wana wa Xikwembu a humeleleke ku ta endla xona, a ku ri ku ta herisa mintirho ya Diyavulosi.

Luka 20:44

“Kutani loko Davhida a vula Mesiya a ku i N'wini wa yena, xana a nga va n'wana wa yena hi ndlela yihi xana?”