1 Timotiya 2:9 - BIBELE Mahungu Lamanene

⁹ Hi mukhuva wolowo na vona vavasati a va ambale leswi fanekelaka, va hlova va pima, va nga ambali swo vonikela kumbe ku tibombisa hi misisi leyi horhiweke, kumbe hi vuhlalu bya nkoka, kumbe hi tinguvu to durha ngopfu;

Testamente Leyimpsha Xichangana

⁹ Hi ndlela yoleyo na vona vavasati avayambale lesvingakhomisiki tingana, vatisasekisa hi mpimo, kumbe kutibombisa hi misisi leyihorhiweke, kumbe hi vuhlalu bza risima, kumbe hi sviyambalu svodura ngopfu;

Xitsonga (Bibele)

⁹ Hi sweswo na vona vavasati, a va ambale tinguvu leti fanekelaka, va tisasekisa hi xichavo, ni ku rhula; ku nga ri hi misisi leyi horhiweke ngopfu, ni nsuku, hambi byi ri vuhlalu, ni tinguvu ta vubombi,

1 Timotiya 2:9 Referans Kwoze

Yeremiya 4:30

We “Ntshikiwani”, u tikarhatela yini hi ku ambala xivunguvungu, u tibombisa hi swingwavila swa nsuku, u tipenda ni mahlo xana? U tisasekisela mahala! Swigangu swa wena swa ku nyenya, swi lava ntsena ku ku dlaya.

Pisalema 149:4

HOSI Xikwembu xi tsakela vanhu va xona, lava titsongahataka xi va hlulela valala.

Esaya 3:16

HOSI Xikwembu xi ri: “Vavasati va Yerusalema, a hi manyunyu ya vona! va famba va yimisele tinhamu ehenhla, va ni vutlhoma-mahlo ngopfu. Va famba wonge matsolo ya lo bohiwa, va chakayila hi masindza ya milenge.

Yeremiya 2:32

Nhwanyana a nga ka a nga rivali vuhlalu bya yena, na rona hlomisa ri nge rivali swiambalo swa rona swa nkhuvo. Kambe n'wina vanhu va mina, i khale swinene mi ndzi rivarile.

2 TIHOSI 9:30

Loko Yehu a ri kusuhi ni ku nghena eYizriele, Yezabele a swi twa, kutani a tikhavisa mahlo, a hlovisa ni nhloko, a hlometela hansi hi le fasitereni.

Swivuriso 7:10

Hiloko wansati a ri hlanganisa a ambele ku fana ni nghwavava, mbilu ya yena yi tele vukanganyisi.

Genesa 24:53

Kutani a humesa swo bomba ha swona swa silivhere ni swa nsuku ni swiambalo, a nyika Rhaveka. A nyika ni makwavo wa yena ni mana wa yena swilo swa nkoka swinene.

Esaya 61:4

Va ta pfuxa miti leyi fayeteriweke khale yi hundzuka rhumbi, va ta yi lulamisa, va yi aka hi vuntshwa.

Estere 5:1

Loko ku hundzile masiku manharhu, Estere a ambala swa yena swa vunkosikazi, a ya a ya yima endzeni ka muti wa hosi exivaveni lexi langutaneke ni yindlu ya xiluvelo. Hosi a yi ri endlwini yoleyo, yi tshamile exiluvelweni yi languta enyangweni.

Swivuriso 31:22

Ú tiendlela minkumba hi yexe, a tirhungela swiambalo swa xivunguvungu ni swa ntsembyani wo saseka.

Matewu 11:8

Loko swi ri tano, a mi yela ku ya vona yini ke? Xana a a ri munhu la ambaleke swo saseka ngopfu xana? Vonani, lava ambalaka leswo saseka va le tindlwini ta vuhosi.

Swivuriso 31:25

Xiambalo xa yena xa xiviri, i ntamu ni ndzhuti; loko a anakanya nkarhi lowu taka, a nga chavi nchumu.

1 Timotiya 2:10

kambe a va tibombise hi mintirho leyinene, hilaha swi fanelaka vavasati lava tivulaka va vukhongeri.