1 Timotiya 2:6 - BIBELE Mahungu Lamanene

⁶ loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Testamente Leyimpsha Xichangana

⁶ lweyi atinyiketeke kuva muponisi wa vanhu hinkwavu; hi bzona vumboni bza makungu ya Xikwembu, lebzingahumelela hi nkama lowufanekelaka.

Xitsonga (Bibele)

⁶ la tinyiketeke ku kutsula hinkwavo; hi byona vumbhoni lebyi vekiweke hi nkarhi lowu fanekeleke,

1 Timotiya 2:6 Referans Kwoze

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Vagalatiya 4:4

Kambe loko nkarhi wu fikile hi ndlela leyi hetisekeke, Xikwembu xi rhumile N'wana wa xona, la velekiweke hi wansati, a velekiwa a ri hansi ka Nawu,

Nhlavutelo 1:5

ni le ka Yesu Kriste, mbhoni leyo tshembeka, mativula ya lava feke ni mufumi wa tihosi ta misava. Eka loyi a hi rhandzaka, loyi a hi ntshunxeke eswidyohweni swa hina hi ku fa ka yena,

1 Yohane 4:10

Rirhandzu ra kona i rikulu, hikuva a hi hina hi rhandzeke Xikwembu, kambe hi xona xi hi rhandzeke, kutani xi rhumele N'wana wa xona ku va mhamba ya swidyoho swa hina.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

1 Vakorinto 1:6

hikuva vumbhoni bya hina eka Kriste byi tiyisiwile exikarhi ka n'wina;

1 Timotiya 6:15

Ku humelela loku ku ta kombisiwa erivaleni hi nkarhi wa kona, hi Loyi a katekeke, Loyi a nga ni matimba a ri swakwe, Hosi ya tihosi ni Mufumi wa vafumi.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Ntirho 33:24

Yi ta n'wi twela vusiwana, yi ku ka Xikwembu: ‘We HOSI, u nga tshiki munhu loyi a hojomela esirheni, ndzi kumile xo riha milandzu ya yena!’

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Tito 1:3

kutani xi byi humesele erivaleni hi mahungu ya xona, loko nkarhi lowunene wu fikile, hikuva ndzi nyikiwile mahungu lawa ku ma twarisa, hi ku lerisa ka Xikwembu muponisi wa hina.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Varhoma 5:6

Loko ha ha tsanile, Kriste ú fele lavo homboloka, hi nkarhi lowu vekiweke hi Xikwembu.

Yohane 10:15

hilaha Tatana a ndzi tivaka hakona, ni hilaha na mina ndzi tivaka Tatana hakona; kutani ndzi nyiketa vutomi bya mina ndzi fela tinyimpfu.

Yohane 6:51

Hi mina vuswa lebyi hanyaka lebyi xikeke hi le tilweni; loko munhu a dya vuswa bya kona, ú ta hanya hilaha ku nga heriki, kutani vuswa lebyi ndzi nga ta byi nyika vanhu, i nyama ya nga; ndza yi nyika leswaku misava yi va ni vutomi.”

Marka 10:45

hikuva na yena N'wana-wa-Munhu, a nga telanga ku ta tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.

2 Timotiya 1:8

Hikokwalaho, u nga vi na tingana ku veka vumbhoni hi tlhelo ra Hosi ya hina, hambileswi mina ndzi nga mubohiwa hikwalaho ka yona. Na wena, nkhensa ku xanisekela Evhangeli, hi ku pfuniwa hi matimba ya Xikwembu.

2 Vatesalonika 1:10

Hi siku ra kona, loko Hosi yi tela ku ta dzunisiwa exikarhi ka vahlawuriwa va yona, ni ku voniwa hi vapfumeri hinkwavo, na n'wina mi ta va kona, hikuva vumbhoni lebyi mi byi kumeke eka hina, mi byi twisisile.

Varhoma 16:26

kambe sweswi xi humeseriweke erivaleni hi Matsalwa ya vaprofeta, hi ku landza ku lerisa ka Xikwembu lexi nga heriki, xona xihundla lexi xi nga tivisiwa vamatiko hinkwavo, leswaku vanhu va pfumela, va tlhela va yingisa,

Vaefesa 1:17

ndzi kombela leswaku Xikwembu xa Hosi ya hina Yesu Kriste, Tatana la dzunekaka, xi mi nyika Moya wa vutlhari, xi tihlavutela ha wona eka n'wina, leswaku mi ta xi tiva swinene.

Vaefesa 1:7

Hikuva, hi ku fa ka Kriste, ha kutsuriwa, hi rivaleriwa swidyoho swa hina. Tintswalo ta Xikwembu i tikulu ngopfu,

Vaefesa 3:5

Eminkarhini leyi hundzeke, vanhu a va byeriwanga xihundla xexo hi ndlela leyi Moya wu nga xi hlavutela ha yona sweswi, eka vaapostola va Xikwembu lavo hlawuleka ni ka vaprofeta.

Marka 1:15

“Minkarhi yi hetisekile, Mfumo wa Xikwembu wu le kusuhi; hundzukani, mi pfumela Evhangeli.”

Vagalatiya 1:4

yena loyi a tinyiketeke hikwalaho ka swidyoho swa hina, leswaku a ta hi kutsula eka nguva leyo biha ya masiku lawa. Ú endle sweswo hi ku yingisa ku rhandza ka Xikwembu Tata wa hina;

Tinhlayo 7:15

ni xinkuzana, ni khuna, ni xinyimpfana xa khuna xa lembe rin'we, swi ri swa gandzelo leri hisiwaka;