1 Timotiya 2:10 - BIBELE Mahungu Lamanene

¹⁰ kambe a va tibombise hi mintirho leyinene, hilaha swi fanelaka vavasati lava tivulaka va vukhongeri.

Testamente Leyimpsha Xichangana

¹⁰ kambe avatibombise hi mintirho leyinene, hilaha svifanelaka hakona vavasati lavativulaka va vukhongeli.

Xitsonga (Bibele)

¹⁰ kambe ku va hi mitirho leyo saseka, hilaha swi lulamelaka hakona vavasati lava tivulaka leswaku va dzunisa Xikwembu.

1 Timotiya 2:10 Referans Kwoze

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Nhlavutelo 2:19

Ndzi tiva mintirho ya wena, rirhandzu ra wena ni ku tshembeka ka wena, ni migingiriko ya wena, ni ku tiyisela ka wena, ni leswaku mintirho ya wena ya sweswi yi tlula leyo sungula.

Timhaka 9:36

Emutini wa Yopa, a ku ri ni mudyondzisiwa wa xisati, loyi a va ku i Tabita (hi Xigriki: Dorkasi, hileswaku N'wa-Mhunti); a a tala ku tirha mintirho leyinene, a tala ni ku hanana.

Swivuriso 31:31

Wansati loyi, a a nyikiwe mihandzu ya ntirho wa yena; swiendlo swa yena a swi n'wi dzunise ehubyeni!

2 Petro 3:11

Leswi ku nga ta tshwa swilo leswi hinkwaswo swi hela hi ndlela leyi, mi fanele ku va ni vutomi lebyo hlawuleka bya vukhongeri,

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.

Tito 2:14

Hi yena la tinyiketeke hikwalaho ka hina, leswaku a hi kutsula eku hombolokeni hinkwako, a hi endla vanhu lava tengeke, lava va nga va yena ntsena, ni lava va chivirikelaka ku endla leswinene.

Timhaka 9:39

Kutani Petro a suka, a famba na vona. Kuteloko a fikile, va n'wi yisa endlwini ya le henhla; tinoni hinkwato ti n'wi rhendzela, ti ri karhi ti rila, ti n'wi komba tinguvu ni swiambalo leswi Dorkasi a a swi rhunga loko a ha hanya.

Swivuriso 31:25

Xiambalo xa yena xa xiviri, i ntamu ni ndzhuti; loko a anakanya nkarhi lowu taka, a nga chavi nchumu.

1 Timotiya 2:9

Hi mukhuva wolowo na vona vavasati a va ambale leswi fanekelaka, va hlova va pima, va nga ambali swo vonikela kumbe ku tibombisa hi misisi leyi horhiweke, kumbe hi vuhlalu bya nkoka, kumbe hi tinguvu to durha ngopfu;

1 Timotiya 2:11

Wansati a a dyondze a miyerile, a titsongahata hi matlhelo hinkwawo.