1 Timotiya 1:9 - BIBELE Mahungu Lamanene

⁹ a ri karhi a twisisa leswaku milawu a yi vekeriwanga lava lulameke, kambe yi vekeriwile lavo homboloka ni lava tiarisaka; yi endleriwile lava nga chaviki Xikwembu, ni lava dyohaka, ni lava nga khongeriki, ni lava sandzaka leswo hlawuleka, ni lava dlayaka vatata wa vona kumbe vamana wa vona; milawu leyi yi avanyisa swigevenga,

Testamente Leyimpsha Xichangana

⁹ na ali karhi atwisisa lesvaku milawu ayivekeliwanga lavalulameke, kambe yivekeliwile lavohomboloka ni lava vatiyalisaka; yiyendleliwile lavangachaviki Xikwembu ni lavajohaka, ni lavangakhongeliki, ni lavasandzaka lesvohlawuleka, ni lavadlayaka vatatana va vona kumbe vamamana va vona; milawu leyi yiyavanyisa svigevenga,

Xitsonga (Bibele)

⁹ a ri karhi a tiva leswaku nawu a wu vekeriwanga la lulameke kambe lavo homboloka, ni lava alaka ku yingisa, ni lava nga riki na xichavo, ni vadyohi, ni lava nga khongeriki, ni lava sandzaka, ni lava dlayaka vatata wa vona ni vamana wa vona,

1 Timotiya 1:9 Referans Kwoze

Vagalatiya 3:19

Loko swi ri tano, xana Nawu wu tirhile yini ke? Wu tisiwile endzhaku ku komba leswi ku dyoha ku nga swona, ku ko ku humelela loyi “wa rixaka”, loyi xitshembiso xi endleriweke yena. Nawu wu tile hi tintsumi, ti wu nyika muhlanganisi hi voko.

1 Petro 4:18

Naswona, va te: “Loko munhu wo lulama a pona hi ku nonon'hwa, xana lava sandzaka Xikwembu ni lava dyohaka, va ta kumeka va ri ka xiyimo xihi ke?”

Varhoma 5:20

Nawu wu nghenile leswaku milandzu yi andza; kambe laha ku dyoha ku andzeke kona, ndzalo ya tintswalo yi vile kona hi ku tlurisa;

Vagalatiya 5:23

ni musa, ni ku tikhoma. Ku hava nawu lowu lwaka ni leswo tano.

Tito 3:3

Na hina khale a hi ri swiphukuphuku, hi humile endleleni, hi ala ku yingisa; a hi ri mahlonga ya ku navela, ni ya ku titsakisa ka tinxaka-xaka; a hi ri lava hanyaka hi nsele ni mavondzo; a hi vengiwa, na hina hi vengana.

Varhoma 6:14

Ku dyoha ku nga ha mi fumi, hikuva a mi le hansi ka Nawu, kambe mi le hansi ka tintswalo.

Varhoma 1:30

ni valumbeti; i vavengi va Xikwembu, va mona lava titivaka ni lava tidzunisaka; i vanhu lava sungulaka tindlela leto biha letintshwa, lava nga yingisiki vatswari va vona;

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

Tito 1:16

Hi milomo ya vona, va vula leswaku va tiva Xikwembu, kambe hi mintirho ya vona va xi landzula. Va nyangatsa, va ala ku yingisa, a va koti ku endla ntirho ni wun'we lowunene.

1 Petro 3:20

leyi eku sunguleni yi nga yingisangiki Xikwembu loko xi lehisa mbilu xi yima xi nga endli nchumu, enkarhini lowu Nowa a nga lunghisa ngalava ha wona. Engalaveni leyi ku nghenile va nga ri vangani, hileswaku vanhu va 8, lava ponisiweke ha yona ematini.

Vaheveru 11:31

Hi ku pfumela, Rahava lowa nghwavava a nga lovanga ni lava va nga ala ku yingisa, hikuva ú amukerile tinhlori hi malwandla.

2 Vatesalonika 2:8

Kutani hi kona loko munhu lowo homboloka a nga ta humeseriwa erivaleni, kutani Hosi Yesu ú ta n'wi dlaya hi moya lowu humaka enon'weni wa yena, a n'wi lovisa hi ku kwetsima ka yena, siku a taka.

Varhoma 4:13

A ku nga ri hi mhaka ya ku yingisa Nawu, loko Abrahama ni vatukulu va yena va tshembisiwile leswaku misava yi ta va ndzhaka ya vona, kambe a ku ri hikwalaho ka ku lulama loku nyikiwaka hi mhaka ya ku pfumela.

Matewu 10:21

“Munhu ú ta nyiketa makwavo wa yena eku dlaweni, ni tatana ú ta endlisa sweswo eka n'wana wa yena; vana va ta pfukela vatswari va vona, va va dlaya.

Ezekiele 21:25

“Na wena hosi ya Israele, u munhu wo homboloka, loyi a ndzi dyoheleke, kutani nkarhi wa ku biwa ka wena wu fikile.

Yeremiya 23:11

HOSI Xikwembu xi ri: “Vaprofeta ni vaprista va endla swo fana, hinkwavo va nyamisa tiko; hambi eTempeleni, ndzi kuma swiendlo swa vona leswo biha.

Swivuriso 30:17

Munhu loyi a sandzaka tata wa yena, a tlhela a ala ku yingisa mana wa yena, ú ta xokoriwa mahlo hi mawukuwuku, a dyiwa hi makoti.

Swivuriso 30:11

Ku ni vanhu lava rhuketelaka vatata wa vona, hambi vamana wa vona, a va va xiximi.

Swivuriso 28:24

N'wana la tekelaka vatswari va yena swilo swa vona, kutani a ku: “Sweswo a hi xidyoho!” i munghana wa swigevenga.

Swivuriso 28:17

Loyi a tirhwexeke nandzu hi ku dlaya un'wana, ú ta tshamela ku baleka a kondza a fa, ku nga vi na loyi a n'wi pfunaka!

Swivuriso 20:20

Munhu loyi a rhuketelaka tata wa yena kumbe mana wa yena, rivoni ra yena ri ta timeka exinyamini lexikulu.

2 TIKRONIKA 32:21

Kutani xona xi rhuma ntsumi ya xona, yi ya dlaya masocha hinkwawo ni tindhuna ta wona, emixaxeni ya hosi ya Asiriya. Hiloko Senakeribi a muka a ri ni tingana; kutani siku rin'wana, loko a ya khongela endlwini ya xikwembu xa yena, van'wana va vana va yena va n'wi dlayela kona hi fumu.

2 TIHOSI 19:37

Siku rin'wana, loko a ri karhi a gandzela endlwini ya Nisiroko xikwembu xa yena, vana va yena Adrameleke na Xaresere va n'wi dlaya hi fumu, kutani va balekela etikweni ra Ararata. Esari-Hadoni, un'wana wa vana va yena, a sala a fuma.

2 SAMIELE 16:11

Kutani Davhida a byela Abixayi ni malandza ya yena hinkwawo, a ku: “Vonani, hambi a ri n'wana wa mina wa xiviri ú lava ku ndzi dlaya! Xana swi mi hlamarisela yini swa munhu loyi wa ka Benjamini, xana? N'wi tshikeni a rhuketela, loko a rhumiwile hi HOSI Xikwembu.

Duteronoma 27:16

“ ‘A a rhukaniwe, munhu loyi a sandzaka tata wa yena kumbe mana wa yena.’ Kutani Vaisraele hinkwavo va ta hlamula va ku: ‘Amen!’

Levhitika 20:9

“Loko munhu a rhuketela tata wa yena kumbe mana wa yena, ú fanele ku dlayiwa. Ú ta va a lo tivangela rifu, hikuva ú rhuketerile vatswari.

Eksoda 21:14

Kambe munhu loyi a yelaka un'wana a ri ni makungu ya ku n'wi dlaya hi tihanyi, hambiloko a tumberile alitarini ya mina, ú fanele ku susiwa kona leswaku a ya dlayiwa.

Eksoda 20:13

“U nga tshuki u dlaya.

1 Petro 2:7

Hikokwalaho, eka n'wina mi pfumelaka, i ra nkoka, kambe eka lava nga pfumeriki, “Ribye leri vaaki va nga ri nyenya, hi rona ri nga endliwa ribye lerikulu ra yinhla.”

Vaheveru 12:16

Ku nga vi na un'we la hundzukaka muoswi kumbe la nga riki na mhaka ni vukhongeri, ku fana na Esawu la nga xavisa vuhosi bya yena ku kuma mpandzwanyana wa swakudya.

Vagalatiya 5:21

ni mavondzo, ni vudakwa, ni makampfu, ni swo kota sweswo. Ndza mi tsundzuxa, hilaha ndzi tshamaka ndzi mi tsundzuxa hakona, leswaku lava endlaka leswo tano, va nga ka va nga vi na ku averiwa eku fumeni ka Xikwembu.

Vagalatiya 5:18

Kambe loko mi fambisiwa hi Moya, a mi le hansi ka Nawu.

1 Timotiya 4:7

U nga vi na mhaka ni mintsheketo ya vuphukuphuku leyi nga riki na vukhongeri. Titolovete ku va mukhongeri,

1 Timotiya 6:20

We Timotiya, hlayisa leswi vekiweke emandleni ya wena. Fambela kule ni ku vulavula swa hava leswi nga riki na vukhongeri, ni ku kanetana hi leswi vuriwaka “vutivi”, kasi a hi byona.

2 Timotiya 2:16

Chava ku vulavula swa hava leswi nga riki na vukhongeri, hikuva lava endlaka sweswo va tshamela ku sandza Xikwembu,

2 Timotiya 3:2

Hikuva vanhu va ta va lava tirhandzaka, va ta va lava rhandzaka mali ngopfu, ni ku tikurisa, ni ku titiva, ni ku rhukana; va ta va lava nga yingisiki vatswari va vona, lava nga riki na ku nkhensa, lava nga khongeriki;

Tito 1:6

Nkulukumba ú fanele ku va munhu la nga riki na xisandzu, a va ni nsati un'we ntsena; vana va yena va fanele ku va vapfumeri, lava nga soriwiki hikwalaho ka mahanyelo ya vona ya vusopfa, ni ku tiarisa ka vona,

Tito 1:10

Hikuva va tele lava tiarisaka, ni ku xisa van'wana hi ku vulavula ka vona ka hava, ngopfu-ngopfu exikarhi ka vapfumeri lava humaka eXiyudeni.

Yuda 1:15

ku ta avanyisa hinkwavo; yi ta veka nandzu eka hinkwavo lava nga chaviki Xikwembu, hi mhaka ya mintirho ya vona hinkwayo leyi lwaka na xona, leyi va yi endleke hi ndlela yo pfumala xichavo eka xona. Hosi yi ta avanyisa ni swilo hinkwaswo leswo biha leswi vadyohi lava vo ka va nga chavi Xikwembu va swi vuleke ehenhla ka xona.”