1 Timotiya 1:3 - BIBELE Mahungu Lamanene

³ Loko ndza ha ya le Makedoniya, ndzi ku khongoterile ku tshama le Efesa; nasweswi ndza ha vula sweswo, hikuva ku ni van'wana le Efesa lava dyondzisaka mavunwa; va byele ku ma tshika,

Testamente Leyimpsha Xichangana

³ Loko nahaya le Makedoniya, nikukhutazile kutshama le Efesa; ni svosvi nahahlaya svosvo, hikuva ku ni van'wana le Efesa lavajondzisaka mavunhwa; vabzele kuva vamatshika,

Xitsonga (Bibele)

³ Hilaha ndzi ku khongoteleke hakona loko ndzi ya eMakedoniya, ndzi ku, u sala eEfesa ku lerisa van'wana leswaku va nga tshuki va dyondzisa tidyondzo tin'wana,

1 Timotiya 1:3 Referans Kwoze

1 Timotiya 6:3

Loko munhu un'wana a dyondzisa swo tiva hi yena, leswi hambaneke ni marito lama hanyaka ya xiviri ya Hosi ya hina Yesu Kriste, ni dyondzo leyi fambelanaka ni vukhongeri,

2 Yohane 1:7

Hakunene vaxisi lavo tala va hangalakile ni misava, i vanhu lava kanetaka leswaku Yesu Kriste ú tile emisaveni a va munhu. Mukaneti wo tano i muxisi ni Nala wa Kriste.

1 Timotiya 4:11

Lerisa ni ku dyondzisa swilo leswi.

1 Timotiya 4:6

Loko u andlala timhaka leti emahlweni ka vamakwerhu, u ta va nandza lonene wa Kriste Yesu, u ta va la wundliweke emaritweni ya vupfumeri ni ya tidyondzo letinene leti u fambeke ha tona.

Nhlavutelo 2:20

Kambe ku ni lexi u ndzi vilerisaka ha xona: Hileswaku u tshika Yezabele wansati loyi a tivulaka muprofeta a ya emahlweni ni mintirho ya yena, kasi ú kucetela ni ku hambukisa malandza ya mina ku endla vuoswi ni ku dya swakudya leswi humeseriweke swikwembu swa hava.

Nhlavutelo 2:14

Hambiswiritano, ku ni swilo swi nga ri swingani leswi u ndzi vilerisaka ha swona: Hileswaku ku ni van'wana lava u nga na vona kwaleyo, lava khomelelaka edyondzweni ya Balaama, loyi a kuceteleke Balaka ku veka xikhunguvanyiso emahlweni ka Vaisraele, leswaku va dya swakudya leswi humeseriweke swikwembu swa hava, va endla ni vuoswi.

1 Timotiya 6:17

Kambe loko va ri lava va nga ni rifuwo ra misava leyi, va byele leswaku va nga tikurisi, kumbe ku veka ku tshemba ka vona erifuweni leri nga tiyangiki, kambe va veka ku tshemba ka vona eka Xikwembu: Hi xona xi hi nyikaka hi ntalo swilo hinkwaswo leswaku hi tikorwisa ha swona.

1 Timotiya 6:10

Hikuva ku rhandza ngopfu mali i rimitsu ra leswo biha hinkwaswo; hi yo mhaka ya ku navela mali ngopfu leyi yi nga hambukisa van'wana, va tshika vupfumeri, kutani timbilu ta vona ti ngheniwa hi mivilelo leyo tala.

1 Timotiya 5:7

Lerisa timhaka leti, leswaku va ta pfumala xisandzu.

Vafilipiya 2:24

Kutani ndzi ni ku tshemba eka Hosi leswaku ku nga ri khale, na mina hi xiviri xa mina ndzi ta ta le ka n'wina.

Vaefesa 4:14

Kutani a hi nga ha vi swihlangi leswi tlhekatlhekisiwaka ni ku yisiwa hala ni hala hi mheho yihi ni yihi ya dyondzo yo hambuka, hi ku xisetela ka vanhu lava kanganyisaka van'wana ni ku va hambukisa hi mano ya vona.

Timhaka 18:19

Va ya fika le Efesa, laha Pawulo a nga siya va Akwila kona; kutani a nghena esinagogeni, a hlamulana ni Vayuda.

Timhaka 18:21

Kutani a lelana na vona, a ku: “Ndzi ta tlhela ndzi vuya la ka n'wina, loko Xikwembu xi swi rhandza.” Kutani a suka le Efesa hi ngalava.

Varhoma 15:26

hikuva va le Makedoniya ni va le Akaya va tibohile hi ku tsaka ku hlenga swo pfuna swisiwana leswi nga kona exikarhi ka vahlawuriwa va le Yerusalema.

Varhoma 16:17

Ndza mi khongotela vamakwerhu, ndzi ri: Mi tivonela eka lava pfuxaka ku avana, ni swikhunguvanyiso, lava va mi humesaka etidyondzweni leti mi ti kumeke; hambanani na vona;

2 Vakorinto 11:4

Hikuva loko ku fika un'wana, a mi ndyondzisa ta Yesu un'wana, a nga ri yena loyi hi mi dyondziseke ta yena, kumbe loko mi amukela Moya wumbe, wu nga ri wona lowu mi wu amukeleke, kumbe Evhangeli yimbe, yi nga ri yona leyi mi yi amukeleke ka hina, mi twanana na swona hi ndlela yo hlamarisa.

2 Timotiya 1:18

Ingi Hosi yi nga endla leswaku a kuma ku tsetseleriwa emahlweni ka yona hi siku lerikulu. Na wena u tiva swinene mintirho leyi a yi endleke le Efesa.