1 Timotiya 1:19 - BIBELE Mahungu Lamanene

¹⁹ u hlayisa ku pfumela hi ripfalo leri ntshunxekeke. Hi ku dlaya mapfalo ya vona, van'wana va onhakeriwile hi ku pfumela.

Testamente Leyimpsha Xichangana

¹⁹ uhlayisa kupfumela hi ripfalu leritshunxekeke. Hi kudlaya mapfalu ya vona, van'wana valahlekeliwile hi kupfumela.

Xitsonga (Bibele)

¹⁹ u ri karhi u hlayisa ku pfumela ni ripfalo lerinene, leri van'wana va ri lahleke; ku pfumela ka vona ku halakile kukotisa byatso;

1 Timotiya 1:19 Referans Kwoze

1 Timotiya 3:9

va fanele ku hlayisa xihundla xa vupfumeri hi ripfalo leri tengeke.

Nhlavutelo 3:10

Leswi u nga hlayisa xileriso xa mina xa leswaku u fanele ku tiyisela, na mina ndzi ta ku sirhelela enkarhini wa ndzingo lowu wu nga ta ta emisaveni hinkwayo, ku ta ringeta vaaki va misava.

1 Timotiya 6:9

Kambe lava navelaka rifuwo, va wela endzingweni, emintlhan'wini ya ku navela leswo tala leswi nga pfuniki nchumu, ku nga ku navela loku ku dlayisaka vanhu, ni ku va peta ekhombyeni ni le ku loveni.

Tito 1:9

a a ve munhu la namarhelaka Rito leri tshembekeke, leri fambelanaka ni leswi swi dyondzisiwaka, a ta kota ku tiyisa van'wana hi dyondzo leyi nga yona ya xiviri, ni ku komba ku hoxa ka lava lwaka na yona.

Nhlavutelo 3:8

Ndzi tiva mintirho ya wena. Vona, ndzi vekile emahlweni ka wena nyangwa leyi pfulekeke, leyi ku nga riki na un'we loyi a kotaka ku yi pfala. Ndza swi tiva leswaku matimba ya wena i matsanana, kambe rito ra mina u ri hlayisile, ni vito ra mina a wu ri landzulanga.

Vaheveru 3:14

Hikuva hi ni ku averiwa eka Kriste ntsena loko hi khomelela hi tiya ku yisa emakumu, eku tshembeni ka hina loku ko sungula,

2 Timotiya 4:4

Kutani va ta fularhela ntiyiso, va nga ha wu yingisi, va pepetsekela emintsheketweni ya hava.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

1 Timotiya 6:21

Van'wana hi ku swi landzelela, va lahlekeriwile hi vupfumeri. Tintswalo a ti ve na n'wina.

1 Timotiya 1:5

Kasi, laha xitsundzuxo xa hina xi kongomeke kona, i ku pfuxa rirhandzu leri humaka embilwini leyo tenga ni le ripfalweni lerinene, ni le ku pfumeleni ka xiviri.

Vagalatiya 5:4

Mi tihambanisile na Kriste, n'wina hinkwenu lava rhandzaka ku endliwa lava lulameke emahlweni ka Xikwembu hi mhaka ya ku hlayisa Nawu; mi wele kule ni tintswalo ta Xikwembu.

1 Vakorinto 11:19

(Swa twala, ku hambana ku fanele ku va kona exikarhi ka n'wina, leswaku lava nga va ntiyiso exikarhi ka n'wina na vona va vonaka.)

Nhlavutelo 3:3

Sweswi ke, tsundzuka leswi u swi amukeleke ni ku swi twa; swi hlayise, u va u hundzuka. Loko u nga pfuki u hiteka, ndzi ta ta ku fana ni khamba, kutani a wu nga tivi nkarhi lowu ndzi nga ta ta eka wena ha wona.

Matewu 6:27

Xana i mani eka n'wina la nga engetelelaka nkarhinyana wu ri wun'we eka ntsengo wa malembe ya yena hi ku vilela ka yena xana?

1 Timotiya 6:12

Lwana nyimpi leyinene ya ku pfumela; tamela hi mandla mambirhi vutomi lebyi nga heriki, lebyi u nga vitaniwa hikwalaho ka byona ni ku veka vumbhoni lebyinene ehenhla ka byona, emahlweni ka vanhu lavo tala lava nga ku twa.

2 Timotiya 2:18

lava tshikeke ntiyiso, hi ku vula leswaku swa ku pfuka eku feni swi hundzile khale, kutani va khunguvanyisa van'wana eku pfumeleni.