1 Timotiya 1:1 - BIBELE Mahungu Lamanene

¹ Mina Pawulo, muapostola wa Kriste Yesu hi ku lerisa ka Xikwembu Muponisi wa hina ni ka Kriste Yesu ku tshemba ka hina,

Testamente Leyimpsha Xichangana

¹ Mina Pawulo, mupostola wa Kriste Yesu hi kulerisa ka Xikwembu Muponisi wa hina ni ka Kriste Yesu kulangutela ka hina,

Xitsonga (Bibele)

¹ Pawulo muapostola wa Yesu Kriste, hi ku lerisa ka Xikwembu, Mulondzovoti wa hina, ni ka Hosi Yesu Kriste loyi a nga ku langutela ka hina; Eka Timotiya, n'wananga wa xiviri, eku pfumeleni;

1 Timotiya 1:1 Referans Kwoze

Tito 1:3

kutani xi byi humesele erivaleni hi mahungu ya xona, loko nkarhi lowunene wu fikile, hikuva ndzi nyikiwile mahungu lawa ku ma twarisa, hi ku lerisa ka Xikwembu muponisi wa hina.

Vakolosa 1:27

Eka vona Xikwembu xi rhandzile ku tivisa rifuwo ra xihundla lexi, ni ku kwetsima ka xona exikarhi ka vamatiko; xihundla xa kona hileswaku Kriste ú le ka n'wina, kutani ha yena mi langutela ku kwetsima loku taka.

Timhaka 9:15

Hosi yi ku ka yena: “Yana, hikuva munhu loyi i xitirho lexi ndzi nga tihlawulela xona ku ya twarisa vito ra mina eka vamatiko, ni ka tihosi, ni ka Vaisraele;

Yuda 1:25

eka xona Xikwembu xi ri xin'we, muponisi wa hina ha Yesu Kriste Hosi ya hina, ku ni ku twala, ni vukulukumba, ni ku fuma, ni matimba, ku sukela eminkarhini hinkwayo leyi hundzeke, ni sweswi, ni hilaha ku nga heriki. Amen.

1 Petro 1:3

A ku nkhensiwe Xikwembu, Tata wa Hosi ya hina Yesu Kriste! Hi musa wa yena lowukulu, ú hi tswarile ra vumbirhi, leswaku hi va ni ku tshemba loku hanyaka, hikwalaho ka ku pfuka ka Yesu Kriste exikarhi ka vafi,

1 Timotiya 1:12

Ndzi nkhensa loyi a ndzi nyikeke matimba yo tirha ntirho lowu, yena Kriste Yesu Hosi ya hina; hikuva ú ndzi vonile ndzi ri loyi a tshembekeke, hi ku ndzi veka entirhweni wa yena,

Vagalatiya 1:1

Mina Pawulo ndzi nga muapostola, ku nga ri hi ku hlawuriwa hi vanhu kumbe ku rhumiwa hi munhu, kambe hi ku rhumiwa hi Yesu Kriste ni Xikwembu Tatana la n'wi pfuxeke exikarhi ka vafi,

2 Vakorinto 1:1

Mina Pawulo, muapostola wa Kriste Yesu hi ku rhandza ka Xikwembu, na Timotiya makwerhu, hi tsalela kereke ya Xikwembu leyi nge Korinto, ni vahlawuriwa va Xikwembu hinkwavo lava nge tikweni hinkwaro ra Akaya, hi ri:

2 Petro 1:1

Mina Simoni Petro, nandza ni muapostola wa Yesu Kriste, ndzi tsalela lava nyikiweke ku pfumela loku ringanaka hi xiyimo ni ku pfumela ka hina, hi ku lulama ka loyi a nga Xikwembu ni muponisi wa hina Yesu Kriste, ndzi ri:

1 Timotiya 2:7

Kutani, hi swona leswi nga endla leswaku ndzi vekiwa ku va mutwarisi wa Rito ni muapostola (ndzi vula leswi tiyeke, a ndzi hembi), ndzi dyondzisa vamatiko ta ku pfumela ni ta ntiyiso.

2 Vatesalonika 2:16

Sweswi ke, ingi Hosi ya hina Yesu Kriste hi xiviri, ni Xikwembu Tata wa hina la hi rhandzeke, la hi nyikeke, hi tintswalo ta yena, ku chavelela loku nga heriki ni ku tshemba lokunene,

1 Vakorinto 1:1

Mina Pawulo loyi a vitaniweke hi ku rhandza ka Xikwembu ku va muapostola wa Kriste Yesu, na Sostene makwerhu,

1 Yohane 4:14

Na hina hi swi vonile, hi vuya hi tiyisa, leswaku Tatana ú rhumele N'wana ku va Muponisi wa misava.

1 Petro 1:21

Hikwalaho ka yena, mi ni ku tshemba eka Xikwembu, lexi xi n'wi pfuxeke exikarhi ka vafi, xi n'wi nyika ku dzuneka, ku endlela leswaku ku pfumela ka n'wina ni ku tshemba ka n'wina swi va eka Xikwembu.

Tito 3:6

Xikwembu xi cherile Moya lowu hi ntalo ehenhla ka hina ha Yesu Kriste Muponisi wa hina,

Tito 3:4

Kambe siku musa wa Xikwembu Muponisi wa hina, ni rirhandzu ra xona, swi humeleleke,

Tito 2:13

hi ri karhi hi langutela minkateko leyi hi tshembisiweke yona, siku ku nga ta humelela ku kwetsima ka Xikwembu Nkulukumba, ni Muponisi wa hina Yesu Kriste.

Tito 2:10

kumbe ku va yivela, kambe ematshan'wini ya swona a va tikombe leswaku va lulamile ni ku tshembeka masiku hinkwawo, kutani eka hinkwaswo leswi va swi endlaka va ta komba ku saseka ka leswi dyondzisiwaka hi tlhelo ra Xikwembu Muponisi wa hina.

1 Timotiya 4:10

Hi tirha swinene ni ku tikarhatela swona leswi, hikuva hi vekile ku tshemba ka hina eka Xikwembu lexi hanyaka, lexi nga muponisi wa vanhu hinkwavo, ngopfu-ngopfu wa lava pfumelaka.

1 Timotiya 2:3

Leswi i swinene, swa amukeleka emahlweni ka Xikwembu muponisi wa hina,

Vagalatiya 1:11

Ndza mi tsundzuxa, vamakwerhu, leswaku Evhangeli leyi ndzi mi dyondziseke yona, a yi humanga eka vanhu.

Esaya 45:21

Boxani mhaka mi yi andlala, kambe rhangani mi twanana swinene! I mani la tiviseke khale leswi nga ta humelela, i mani la swi vuleke swa ha ri kule, xana? Xana a hi mina HOSI ke? Ehandle ka mina, a ku na xikwembu xin'wana, hi mina ntsena ndzi nga Xikwembu xo lulama, lexi ponisaka.

Esaya 45:15

Hakunene wena Xikwembu xa Vaisraele, wena muponisi wa vona, u Xikwembu lexi titumbetaka!

1 Vakorinto 9:17

Loko onge ndzi tirha ntirho lowu hi ku tihlawulela wona, a ndzi ta lava ku hakeriwa; kambe leswi ndzi wu tirhaka ndzi nga tihlawulelanga wona, swi vula leswaku ndzi lo rhwexiwa wona.

Varhoma 1:1

Ku tsala mina Pawulo, nandza wa Kriste Yesu, muapostola loyi a nga hlawuriwa ni ku vitaniwa leswaku a ta twarisa Evhangeli ya Xikwembu.

Luka 1:47

ni moya wa mina wu titsakela eka Xikwembu, Muponisi wanga,

Hosiya 13:4

Ku sukela etikweni ra Egipta, mina HOSI ndzi vile Xikwembu xa n'wina; a mi na xin'wana Xikwembu ehandle ka mina, ehandle ka mina ku hava loyi a nga mi pfunaka.

Esaya 63:8

HOSI Xikwembu xi te: “Lava i vanhu va mina hakunene, va nga ka va nga ndzi kanganyisi!” Hikokwalaho, xi vile muponisi wa vona

Esaya 60:16

Vanhu va matiko ni tihosi ta vona, va ta ku tisela rifuwo ra vona leswaku u ri tirhisa. Kutani u ta swi tiva leswaku mina HOSI ndzi muponisi wa wena, ni leswaku ndzi mukutsuri wa wena, ndzi ntamu wa va ka Yakobo.

Esaya 49:26

Lava va mi xanisaka, ndzi ta endla leswaku va dlayana hi xivona, va dakwa hi ngati ya va ka vona wonge hi loko yi ri vhinyo, kutani vanhu hinkwavo va ta swi tiva leswaku mina HOSI, ndzi muponisi wa n'wina, ni leswaku ndzi mukutsuri wa n'wina, ndzi ntamu wa va ka Yakobo.”

Esaya 43:11

HOSI Xikwembu hi mina, ehandle ka mina, a ku na muponisi un'wana.

Esaya 43:3

hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Pisalema 106:21

Va rivarile Xikwembu lexi xi va poniseke, xona lexi endleke swilo leswikulu le Egipta,

Luka 2:11

hileswaku namuntlha mi velekeriwile Mulondzovoti emutini wa Davhida; i Kriste, Hosi.