1 TIKRONIKA 22:16 - BIBELE Mahungu Lamanene

¹⁶ hi nsuku, ni silivhere, ni koporo, ni nsimbhi. Sweswi famba u ya tirha. HOSI a yi ve na wena!”

Xitsonga (Bibele)

¹⁶ Loko wu ri nsuku ni silivhere, ni koporo ni nhumbu, a swi hlayiwi. Pfuka u tirha! Yehovha a a ve na wena!”

1 TIKRONIKA 22:16 Referans Kwoze

1 TIKRONIKA 22:11

Davhida a engeta a ku ka Solomoni: “Sweswi we n'wananga, HOSI Xikwembu xa wena a xi ve na wena, leswaku u kateka entirhweni wa wena wa ku aka Tempele ya xona; minkateko ya kona, xi ku tshembisile yona.

Vafilipiya 4:13

Ndzi nga endla hinkwaswo hi matimba ya Loyi a ndzi tiyisaka.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

1 Vakorinto 15:58

Hikokwalaho, vamakwerhu lava rhandzekaka, tiyani swinene mi nga tsekatsekeni; tiyiselani swinene, mi tirhela Hosi masiku hinkwawo, mi ri karhi mi swi tiva leswaku eHosini mintirho ya n'wina a yi nga weli ehansi.

Yoxuwa 7:10

Kutani HOSI Xikwembu xi ku ka Yoxuwa: “Pfuka! Hikwalaho ka yini u tiwisela ehansi hi mombo xana?

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”

Yoxuwa 1:5

Evuton'wini bya wena hinkwabyo a ku nga vi na munhu loyi a nga ta ku hlula; ndzi ta va na wena ku fana ni leswi ndzi veke na Muxe; a ndzi nga ku fularheli, naswona a ndzi nga ku tshiki u ri wexe.

1 TIKRONIKA 22:14

Ndzi tikarhatile swinene ku hlengeleta swo aka Tempele ya HOSI Xikwembu ha swona, swi nga leswi: Nsuku wa tithani ta 4 100, ni silivhere ya tithani ta 41 000, ni koporo ni nsimbhi leyi nga pimekiki hi ku tala ka yona; timhandze ni maribye na swona ndzi swi hlengeletile, kambe wena wa ha ta engetela eka leswi hinkwaswo.

1 TIKRONIKA 22:3

Davhida a hlengeleta nsimbhi leyo tala ya ku endla swipikiri swo belela timbanti, ni ya ku endla swo manyisa marimba ha swona; Davhida a hlengeleta ni koporo yo tala ku tlula mpimo,

1 SAMIELE 20:13

Ndza tiyisa hi ku hlambanya emahlweni ka HOSI Xikwembu ndzi ri: Loko tatana a tiyimisele ku ku endla swo biha, ndzi ta ku tivisa hakunene, ndzi ku rhumela ekule, u famba u hlayisekile. HOSI Xikwembu a xi ve na wena tani hilaha xi veke na tata wa mina hakona.

1 SAMIELE 17:37

Davhida a engeta a ku: “HOSI Xikwembu lexi ndzi poniseke emin'waleni ya tinghala ni ya swinkankanka, xi ta ndzi ponisa emavokweni ya Mufilista loyi!” Hiloko Sawulo a ku ka Davhida: “Hiswona, famba, HOSI Xikwembu a xi ve na wena!”

Vaavanyisi 4:14

Kutani Debora a ku ka Baraka: “Huma u ya lwa, hikuva leri hi rona siku leri HOSI Xikwembu xi nga ta nyiketa Sisera emavokweni ya wena. Ndzi vula ndzi tiyisile ndzi ri, xi ta va mufambisi wa wena!” Kutani Baraka a suka entshaveni ya Taboro, a rhelela a ri ni masocha ya yena ya 10 000.

Yoxuwa 1:2

“Nandza wa mina Muxe ú file, kutani sweswi suka ni Vaisraele lava hinkwavo mi pela nambu lowu wa Yordani, mi ya nghena etikweni leri ndzi va nyikaka rona.

2 TIKRONIKA 20:17

Enyimpini leyi, n'wina a mi nga lwi, fambani mi ya yima etindhawini ta n'wina mi languta hilaha HOSI Xikwembu xi nga ta mi hlulela valala hakona, n'wina va ka Yuda ni va le Yerusalema. Mi nga chavi, naswona mi nga heli matimba; mundzuku, fambani mi ya lwa na vona, HOSI Xikwembu xi ta va na n'wina.”

1 TIKRONIKA 22:15

“Naswona, u ni vavanuna lavo tala lava tivaka ntirho, va nga vaaki, ni vavatli va maribye, ni vavatli va timhandze, ni van'wana lavo tala lava kotaka ku tirha

1 TIHOSI 2:2

“Ndzi le kusuhi ni ku fa, yi nga ndlela ya munhu un'wana ni un'wana wa laha misaveni. Hikokwalaho, tiya nhlana, u tikomba ku va wanuna.

1 TIHOSI 7:47

Solomoni a nga pimanga ku tika ka swingolongondzwana leswi hinkwaswo, hikuva a swi tele ngopfu. Ku tika ka koporo ya swona a ku tiviwi hi munhu.

1 TIKRONIKA 28:10

Tsundzuka leswi: HOSI Xikwembu xi ku hlawurile leswaku u va wena loyi a nga ta aka Tempele ni xivandla xa yona lexo hlawuleka. Kutani sweswi tiya nhlana, u sungula ku tirha!”

1 TIKRONIKA 29:2

Hikokwalaho ndzi tikarhatile ndzi hlengeleta swo aka ni ku sasekisa ha swona yindlu ya Xikwembu xanga, swi nga leswi: Nsuku, ni silivhere, ni koporo, ni nsimbhi, ni timhandze; ndzi lavile ni maribye layo tala ya nkoka ya ‘onikisi’, ni ya ntima, ni ya mavalavala, ni lama nga ta vekeriwa eswiambalweni swa vaprista, ni maribye yo rhetela yo nameketa emakhumbini.

2 TIKRONIKA 1:1

Solomoni n'wana Davhida a tiya evuhosini bya yena, HOSI Xikwembu xi va na yena, xi n'wi endla la tivekaka swinene.