1 TIKRONIKA 1:7 - BIBELE Mahungu Lamanene

⁷ Lava humaka eYavhani i va le Elixa, ni va le Tarxixi, ni va le Kipra, ni va le Rhoda.

Xitsonga (Bibele)

⁷ Vana va xinuna va Yavhani: Elixa, Tarxixi, Kitimi na Rhodanimi.

1 TIKRONIKA 1:7 Referans Kwoze

Daniele 11:30

Vanhu vo huma evupeladyambu hi tingalava, va ta n'wi lerisa leswaku a tlhela, kutani ú ta sungula ku chava, a muka. Kambe endleleni ú ta hlundzukela nakambe vanhu va Ntwanano lowo hlawuleka, a ya va hlasela, a seketelana ni lava fularheleke Ntwanano wa kona.

Yeremiya 2:10

“Pelani lwandle mi ya xiyaxiya exihlaleni xa Kipra; rhumani vanhu va ya eka va ka Kedari, va ya languta, va vona loko mhaka yo tano yi tshama yi humelela:

Esaya 66:19

Ndzi ta veka xikombiso xa matimba ya mina exikarhi ka vona, kutani ndzi ta rhuma lava poneke ku ya tivisa ku dzuneka ka mina eka vanhu va matiko man'wana. Va ta ya eTarxixi, ni le Putu, ni le Ludu, ri nga tiko ra lava tivaka ku konga vurha; va ta ya ni le Tubala, ni le Yavhani, ni le swihlaleni swa le kule. Vanhu lava hinkwavo a va si tshama va twa kumbe ku vona ku dzuneka ka mina.

Esaya 23:12

Xi vurile xi ku: “N'wina vaaki va Sidoni, a mi nga ha bi minkulungwana, mi ta fana ni nhwanyana la pfinyiweke; sukani mi yima, mi balekela exihlaleni xa Kipra; na kwale, a mi nga kumi ku wisa.”

Esaya 23:1

Lawa i mahungu hi tlhelo ra Tiri: Tlhavani mukhosi, n'we mi nga tingalaveni ta Tarxixi, hikuva le Tiri, ku lo sala marhumbi ntsena, a ka ha ri na yindlu; loko mi fika mi huma exihlaleni xa Kipra, mi ta swi kuma swi ri tano.

Pisalema 72:10

Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Tinhlayo 24:24

I vahlaseri lava taka hi le Kitimi; va ta hlasela Asuru na Ebere, kambe na vona va ta herisiwa va nyamalala!”

Ezekiele 27:6

A va ku endlele timhandze to tluta ha tona hi mirhi ya minkuhlu ya le Baxani, va akile nhompfu ya wena hi mapulangi ya muphayini, wu nga murhi lowu milaka exihlaleni xa Kipra, va wu sasekisa hi matino ya tindlopfu.

Genesa 10:4

Vana va Yavhani hi lava: Elixa, na Tarxixi, na Kipra, na Rhoda.

1 TIKRONIKA 1:6

Va ka Gomere i Axikenazi, na Difata, na Togarima.

1 TIKRONIKA 1:8

Va ka Hamu hi lava: Kuxi, na Egipta, na Putu, na Kanana, va nga vatata wa matiko lama thyiweke mavito lawa.

Ezekiele 27:7

Maseyila ya wena a ma endliwile hi ntsembyani wa le Egipta wo rhungeleriwa mavalavala, u hatla u tiveka ha wona; minceka ya muhlovo wa rihlaza ni wo tshwuka yo huma eswihlaleni swa Elixa a yi funengeta tinhundzu ta wena.